وعليكم السلام

اخي العزيز لمن تقرأ نظام مكتب العمل تعرف السبب. بختصر لك كم نقطه في النظام.
اولا نظاما يمنع تنقيص الراتب، يعني لو الشركة تبغى تقلص مصاريفها تسوي ما بدالها الا انها تنقص رواتب الموظفين. لكن يحق لها الغاء البدلات ما عدا بدل السكن.
ثانيا، في التامينات الاجتماعية ياخذوا على الراتب الاساسي والبدلات الاساسية (بدل السكن وبدل المواصلات) طبعا التامينات الاجتماعية نسبة من الراتب جزء منها ع الموظف وجزء منها على الشركة. فلمن ينقص الراتب يكون بصالحهم. حتى لمن تدخل على حسابك بالتامينات تلاقي راتبك الاساسي وبدل السكن فقط.
ثالثا: الزيادة السنوية تعتمد على الاساسي فلمن يزودك من 6000 نسبة 5% تطلع الزيادة 300 ريال لكن لو راتبك الاساسي 10 الف تكون ال 5% تساوي 500 ريال فيفرق طبعا مع الشركة لانه ما يحسب الفرق 200 ريال يحسب 200 ريال * 12 شهر = 2400 ريال فتفرق التفاصيل هذي من ميزانية الشركة.

هذا نقاط وفيه نقاط ثانية كثير بس ما ابغى اطول عليك وعلى القارئين، لكن لو تبغى نصيحتي خذ خبره ثلاث سنوات ولا تحسسهم بشي لانك خريج وبعدها قدم على شركات ثانيه واذا جاك عرض مناسب من شركه ثانيه ارفع الاستقاله واذكر السبب وجود عرض وظيفي افضل ويفضل ارفاق نسخه من العرض. دامك خريج لا تدقق في التفاصيل.
بالاضافة للخبره اقراء في نظام مكتب العمل حيفيدك حتى في المفاوضات مع قسم شؤون الموظفين. خليها خبره عمليه في تخصص وفي ما يتعلق بنظام مكتب العمل.

اسأل من الله التوفيق لك وللجميع واعتذر عن الاطالة