انا من مكة واشتغلت بشركات توصيل الافراد واشتغلت بشكل شخصي مع الناس اللي حولي

والحمدلله مدخولي باليوم يتعدى ما بين 100 ريال كحد ادني الى 700 ريال وكلهم بنات محترمين وما منهم خوف

والنصايح اللي اقدمها لك بما ان لي بالمجال هذا اكثر من سنه هيا

1- لا توصلي بنات قليلين دين وادب مثل اللي عينهم طايره ع الشباب وحركاتهم قذرة عشان ما تجيك مشاكل مع الشباب الهيلللق

2- لا تسمحي لاي وجده تأجل دفع قيمة التوصيل او المشوار ... خذي فلوسك بوقتها

3- اذا اشتغلي بتطبيقات توصيل الافراد وجاكي طلب من رجال تقدري تتصلي بنفس اللحظه ع ادارة التطبيق وتطلبي تحويل الرحله لكابتن ثاني وتقبلي فقط الطلبات اللي من البنات... هذا بالاضافة اذا تممتي اكثر من 25 مشوار بالشهر ترسلك ادارة التطبيق مبلغ مالي يبدا من 600 الى 3000 حسب عدد المشاوير ... وانصحك دايم تدخلي بوابة الكابتن بالتطبيق وتشوفي العروض المقدمة للكابتن وتشتغلي بوقت العروض وهنا تسير المبالغ المحصله اكبر واكثر

4- اذا جاكي طلب توصيل من خلال التطبيق التوصيل او حتى المشاوير خارج التطبيق لازم تحرصب ع ان تخلي الباب مأمن لين تتاكدي من ان اللي طلبوا المشوار فعلا بنات ... لان احيانا يكونو شباب وتعرف العالم ذي لازم تحذري منها

5- اذا قررتي تشتغلي بتوصيل الطلبات واتفقتي مع متاجر واسر منتجه لازم تخلي مسؤوليتك من اي خلال بالمنتج ... وتتفقي معهم ان في حال العميل مادفع القيمة تتم المفاهمه بينهم عشان لا تتورطب بدفع قيمة المنتج.. والافضل تحرصي ان ما تسلمي الطلب الا بعد دفع قيمة التوصيل والمنتج

6- لو قررتي توصلي طالبات او موظفات لازم تتفقي معهم او مع اهلهم ان لا سمح اذا تعرضتو لحادث تكون المسؤولية في الضرر الناتج حسب تقرير المرور او نجم .. لان احيانا لو صار شي بسيط لعيالهم سوى اذا ضاعوا او مالقيتهم وقت التوصيل او تعورو بالحادث يجون الاهل يحطو المسؤولية كلها براسك انك سويتي فيهم شي .. عشان هالاسباب وغيرها كثير خلي دايم تعاملك مع تطبيقا تالتوصيل اضمن لك وحاولي قدر المستطاع ما توصلي اطفال .. خليكي مع الكبار افضل لان الاطفال مشاكل ما تخلص وموفقه يارب