السلام عليكم و رحمة الله و بركاته
انا شغال كمهندس في شركة مقاولات مع اجانب (هنود) .طبعا يحاولون انهم بقد ما يقدرون انهم يعطوني اتفه الاشغال مثل اشيك على الملفات و اشوف الاوراق الناقصة او اعد كم صفحه في الملف الخ و هاذي ...
حاليا انا شغال في مشروع خارج مدينتي (اللي هي الرياض) في مدينة جدة ولاكن قبل هذا المشرع كنت شغال في مشروع في الرياض و HR هوا اللي عيني فيه ولاكن بعد فترة مدير المشروع قال لي احتاجك في جدة لمدة شهر و الان خذ لي اكثر من شهر و نص في جدة و هوا رافض يرجعني.

أنا حاليا ساكن مع الشركة في عمارة (كلهم هنود و باكستانين) ما عدا انا الوحيد السعودي ويوجد طباخ للشركة يطبخ الاكل الهندي وانا ما اقدر اكل مثل اكلهم و جميع اكلي يكون على حسابي من برا
في عقدي موجود شرط (تلتزم الشركة في بتحمل جميع مصاريف السفر و المعيشة و المصاريف النثرية للعامل في حال تكليفه بالسفر في مهمة عمل و ذلك وفق لوائح و سياسيات الشركة)

فهل الاكل يعتبر من ضمن الاشياء اللي شركة تتحمل مسئوليتها؟ واذا كان نعم فهل يجوز للشركة ان تعطيني اكل لا احبه ( اكل الهنود) ام ااخذ مبلغ من المال مقابل الاكل