وعليكم السلام ورحمة الله وبركاته .
واحد من الزملاء فاتح مطعم في بيتهم ويجهز حق العزايم والعروس ووراس ماله قدور ومواعين
والرجال شغال وصار له اسم وسوق عند معارفه وعند الجيران .
الخلاصة اجزم لك ان راس ماله أقل من 20 ألف .
فلا توقف وصدقني لو بديت بجدية وتحملت المخاطرة بيجيك الدعم سواء من أقاربك أو غيرهم من رجال الأعمال .
وهذا الرجال إللي أقولك اعرفه معرفة شخصية ما أقولك سمعت لا والله بل شفت بأم عيني واحيانن نطلب منه .
خاصة الرجال عنده حلال فأحيانن ناخذ منه الذبيحة ويجهزها لنا .
وعلى الطاري
الشباب يسولفون عن واحد ساكن بجنوب الرياض يضبط لك مندي على كيف كيفك .

الأمر الثاني أو النصيحة الثانيه إذا ما جازت لك الأولى
انصحك تدور لك مشروع ثاني غير المطاعم على قد فلوسك -وموسم التمر مقبل ولله الحمد - لين تجمع لك راس مال المطعم .
المطعم يحتاج رأس مال عالي جدا والمخاطرة فيه عالية أيض
ا وانصحك تتابع المستشار محمد المغيصيب له عدة لقاءات مرفوعة في اليوتيوب ووتابع حسابه تويتر .