وعليكم السلام ورحمة الله

انا عضوة من 2009

سجلت دخول بعد الفترة الطويلة دي عشان اقولك تفاءل بالخير تجده

إللي خلاني ارد عليك كنت منزله موضوع قبل 9 سنين في نفس دا القسم
كانت ضايقة بيا الوسيعه نفس وضعك وممكن اسوء كنا انا وزوجي عاطلين وعندنا 3 اطفال ولما كتبت الموضوع كنت راجعه من مقابلة شخصية في منطقة غير إللي اسكن فيها والمدير للأسف شرشحني بسبب اني لغتي الانقليزية في داك الوقت ضعيفة
المهم اعطيتو واعطاني إللي في النصيب من الجدال وخرجت الدنيا مضلمه فعيني جلسة فترة مكتئبه وقافله على نفسي
بعدين قولت إللي خلقني هو وحده إللي بيرزقني ألتزمت بقيام الليل وسرت اقدم في كل مكان ليا ولزوجي الغربية والجنوب والوسطى والحمدلله اتوظف زوجي قطاع خاص وانا نفس الشي الحمدلله صحيح نطمح للحكومي لكن احمدالله مليون مره اتبدل حالنا
وأنا أول وظيفة قدمت كاتبة اشتغلت على نفسي اخدت دورات متنوعة وعلمت نفسي الانقليش واخدت سنة من السنوات الموظفة المثالية واترقيت في عملي ‘لى ان وصلت مساعد مدير ويارب لك الحمد
وزوجي كان معاه كفاءة كمل الثانوي والآن يدرس دبلوم ماشاءالله وأنا بسعى اكمل الماستر رغم نسبتي ماتسمح لكن مافي شي على ربنا مستحيل ..

لاتتطير واحمدالله إللي يشوف بلوة غيره تهون عليه بلوته وماتضيق إلا تفرج ولازم تعرف ان الفرج من ربي أما الناس فهم مسخرين من رب العباد ..

وأخر شي دعيت من قلبي لكل الأعضاء ‘للي ردو على موضوعي وحاولو يساعدوني ان ربي يرزقهم ويسعدهم سعادة الدارين