شوف اول حاجه اشكر الله على النعم اللي انت فيها وانت ادرى فيها. وترى كلنا مثلك وأغلب الناس مثلك وانا مثلك.
ثاني شي وخذها قاعده دائما انظر للناس اللي اقل منك ويعانون منهم المريض الله يشافيه واللي مو موظف الله يرزقه بوظيفة والي مو محصل سكن ينام فيه وعايش بغرفه مع أهله وغيرهم كثير انت فكر بهذي الأمور دائما ولا تشغل عقلك بفكره المقارنات انا نفسي انا ليش ما اكون فلان صار فلان عنده فلان زوجته كذا وانا زوجتي كذا.

وثالثا ابعد عن الناس السلبيه ولاتسمع كلامهم ولا تفكر فيه يمكن حتى تكون زوجتك والناس الحين تغيرت وتفكيرهم صار دنيوي كله يبغى ويبغى ويبغى وخصوصا الحريم انتبه منهم وأفكارهم.

رابعا تعلم القناعه والرضا واسعى للافضل دائما لكن عدم حصولك عليه لايعني انك تجلد نفسك بالافكار السلبيعه.لا ابدا من جديد وخليك اقوى

واهم شي واخر شي اشغل وقتك سوي لك بزنس اي شي تقدر تجيب منه دخل يغنيك انت وعائلتك عن الوظيفه والنظام الاستعبادي هذا، واعبد ربك واسجد واركع لله واحمده على النعم لأنها لاتحصى ولاتستلم للحياة لأن بتمر فيك مراحل صعبه ولازم تكون قوي وتستعين بالقوي.