السلام عليكم ورحمة الله وبركاته
اخوي كان موظف ببنك الراجحي وفجاءه تم فصله بسبب واحد حسبي الله ونعم الوكيل فيه
وقال مو مشكله وجالس يقدم على وظايف ومنها بنك الاهلي وتم قبوله وبيوم المقابله يتفاجاء ان تم الاستغنا عنه وكذا وظيفه يتم الموافقه بالبدايه وعند النهايه يتم الاستغنا او يتعذرون عن توظيفه
علماً اخوي متزوج وعنده 3 عيال الحمدلله واكثر من مره اسعى له بوظيفه لاكن لاحول ولا قوة ومن كثر التفكير اللي يفكره اخوي اتفاجاء انه تعب ولا ادري وش اسوي مابيه يتعب مابيه يفكر مابيه يحس بنقص الوظيفه عنه وعن غيره عطوني حل ابي رجال اروح انخاه يوظف اخوي بأي مكان راضين فيه ماخليت رجال ماكلمته بس يوظفه لو براتب 4 الاف راضي فيه الكل يتعذر
وعند مراجعتي له بوظيفه اتفاجاء ان موظف حكومي ( عسكري ) موظف مدير مستشفيات خاصه
طيب واخوي وغيره من العاطلين ليش ماوظفوه بمكان العكسري موظف ثلاث وظايف
عسكري / مدير مستشفى / مدير مستشفى ثاني ومن عايله غنيه وثريه طيب ليش وظفوه ولما جبت اوراق اخوي قالو لي مكتفين يعني لهدرجة صارت العيشه صعبه بالوظايف وغيره
تكفون اللي يعرف احد او يقدر يسعى لاخوي بشي يشهد الله مازانت بعيني نومه واخوي شايل هم والله اني شايل اضعاف الهم اللي شايله هو