اقتباس:
المشاركة الأصلية كتبت بواسطة فيافي الغربيه
الله المستعان حسبي الله ونعم الوكيل وكفى انا دخلت اول يوم رمضان الفجر اشوف اخبار مفرحه عن المكرمه لقيت اخبار الائحه الي خلت يومي اسود ؛ عليه دين بالله كيف اسده اذا انشال مني الضمان من وين اصرف على نفسي ونص الفلوس تروح اغراض شخصيه ودين وتفعيل ودويه اذا جلست الف الضمان يوم بحسابي معجزة تنزل من هنا وتروح في دين من هنا ليتهم خلوها اخبار الائحه لين بعد رمضان ونحس بالفرحه مع الخلق ؛ وبعدين نقطه بعلق عليها المطلقه والارمله مو كلهم اهلهم يرضون انهم يطلعون يشتغلون مثلي انا مستحيل اهلي يرضون وراتب الوالد يروح مصاريف البيت وضيوف والكهرباء والمويه وتلفون وفوقها مرجعاتي كلها مستشفيات خاصه اسنان وغيره بذمتهم اشلون يبونا نعيش اشلوننننن صح فيه ناس تستلمه ماتستاهل بس مفررض بحث حاله بعظهم ملكة ماجلست ع ذمته اسبوع وتطلقت في بيت ابوها معززه مكرمه هذي باي حق تاخذ ضمان تخليه الغيرها محتاج انا من ذوي الاحتياجات الخاصه ومن سابع المستحيلات اشتغل ماقدر اتعب وفوقها اهلي مايرضون يجون ياخذونه مني باي حق مفروض ياخذ على الناس الي مو محتاجته مثل الي تملكة وتطلقت وغيرها ويقدرون يبحثون ويعرفونهم لو يبغون لكن ماقول الا الله يرزقنا بدون منه من احد..
|
.......
انت من ذوي الاحتياجات أن شاء الله ما يجبرونك على التوظيف لكن شرط الاستقلاليه يمكن يوقف عقبه لك
انا منفصله بعد كم سنه من زواج فاشل وما اقدر اسكن لحالي لانه ما معي اطفال واغلب الي يأجرون شقق يجارون لوحده معها اطفال و اصلا انا لوحدي براسي اسكن لحالي ليش واصلا اهلي ما يرضون اسكن لوحدي و الراتب ما يكفي بالله ١٠٠٠ يغطي علاج مستلزمات شخصيه اكل وشرب حتى الملابس نشتري من عيد لعيد بسبب غلاء المعيشه و انا ساكنه مع اهلي بس اصرف معاهم لانه وضعهم صعب مستحيل اطلب منهم شي حتى اغراض ثلاجة احط معاهم
والوظائف مايرضون وانا ما ارضى بعمل فيه اختلاط وساعات عمل لوقت متأخر ومرمطه مع الرجال وياليت وظيفه دائمه وتستاهل كم شهر ويدورن عذر ويطردونا ويدورن القطاع الخاص الشابات سن ٢٠ و ٣٠ اما نحن ٤٠ نادر نلقى موافقه من القطاع الخاص ويبغون موظفات متزينات شغله والله الله يشغلهم في نفسهم
حسبي الله ونعم الوكيل