المشاركة الأصلية كتبت بواسطة تارغيت

اهلين بنات..
سعيده جدا اني قدرت افيدكم ولو بقدر بسيط
لحن الحياة .. عزيزتي الوظيفة في وزارة حكومية يعني مستحيل (في اعتقادي طبعا) انها تكون مختلطة من خبرتي في العمل في القطاع الحكومي ممكن يكون فيه اجتماعات دورية مع مدراء اقسام او مسؤولين رجال ولكن بتكون على مستوى مدراء يعني ممكن مديرة قسم مثلا تحضر الاجتماعات هذي لكن على مستوى الموظفات العاديات تأكدي انه مافيه اختلاط واذا حصل مثلا انه طلبوا منكم حضور اجتماع او محاضرة او تدريب مع رجال مره في السنة (لو طبعا) ما اعتقد ان هذي بتكون مشكلة
غ نج ... حبيبتي ابدا ما ثقلتي على العكس تماما اسعدتيني بالنسبة للاختبار زي ماقلت كان 3 اجزاء وطويل والجزء الاول ما اتذكر منه الا سؤال التعبير اللي ذكرته يعني بصراحة ناسية اذا فيه اسئلة ثانية او لا من كثر الاختبارات اللي دخلتها صرت الخبط بينهم
الانجليش بس وحدة فيهم اللي تحكي انجلش سألتني اسئلة بسيطة زي تكلمي عن نفسك وحاجات بسيطة يعني اللي مستواه جيد ويمشي حاله في الانجلش ماتكون مشكلة بالنسبة له بس طبعا انا تخصصي ماكان لغة انجليزية فما ادري اذا الوضع يختلف بالنسبة لكم..
بالنسبة للمقابلة تذكرت شي ودي انبهكم عليه انا متعوده لما اروح مقابلات ادخل المقابلة بعبايتي يعني ما اشيلها فطبعا اكون ماخذه راحتي في اللبس اللي تحت العباية في مقابلتهم ذاك اليوم طلبوا مننا نشيل العبايات و لو دخلت عليهم بهذاك اللبس كان انا اليوم في البلاك ليست طبعا اضطريت اكلم البيت يرسلون لي ملابس تواجه وكان فيه بنات متوهقين مافيه احد يرسلهم ملابس طلبت من اهلي يرسلون ملابس زياده ارسلوا بلوزة وحده واحلى شي 3 ورا بعض يدخلون المقابلة نفس البلوزه كل وحده تطلع تعطيها الثانية بس جد كانت اشكالنا تحفة
تحياتي