السلام عليكم
شخباركم
وانا ابحث في النت عن صندوق المئويه
لقيتهم يمولوون المشاريع لـ 200 الف ريال
اوكي
سمعت عن تمويل بنك التسليف
ودخلت ع الموقع
لقيتهم حاطين نوعين
اذا كان مشروعك من 400 الف وتحت تقدم عن طريق صندوق المئويه
واذا كان مشروعك اكثر من 400 الف تملي دراسه اوليه حاطينها وترسلها وتنتظر الرد
اللي حابه افهمه
اللحين صندوق المئويه يمووول لـ 200 الف او 400 الف ..!!!!
وانا عندي مشروع ويكون شراكه بيني وبين اختي ينفع كل وحده فينا تاخذ تمويل خاص فيها وتحطه في المشروع
مثلا انا اخذ تمويل 200 الف واختي 200 الف لنفس المشروع شراكه ولا مايوافقون ..!!
وبنك التسليف قريت انهم يمولون مشاريع لـ مليون واربعه مليون ..!!
صحيح ذا الكلام او لا ..!!
وسألت بنت في منتدى ثاني مقدمه ع حضانه وددقت عليها الشركه المموله اللي متعاقد معها بنك التسليف
ووافقوا ع مشروعها وعطوها تمويل فوق 400 الف
ولما سألتها عن سالفه 4 مليون ردت علي وقالت لي
هذا اذا كان مشروعك تعليمي او طبي يعطونك لحد 4 مليون وكل شئ مكتوب في الموقع
رحت فصفصت الموقع مالقيت شئ من اللي قالته
كلامها صحيح او لا ..!!
اذا كان صحيح بسوي مشروعي الخاص فيني بحدود 800 الف
واختي بعد ودها تسوي مشروعها الخاص فيها
لان افكارنا ماهي وحده بس الحاجه لمشروع هي اللي خلتنا نتحد
وعندي سؤال اخير
تعرفون احد يسوي دراسه جدوى لمشروع وتكون اسعارهـ معقوله
لاني مابي اهلي يدرون
بحطهم امام الامر الواقع
لاني كذا مره فاتحتهم في الموضوع ويقوولون ماله داعي
وانا ابي احس اني سويت شئ
مابي اجلس كذا في البيت
افيدوني 