السلام عليكم

قدموا بالنت مثل ماهو معروف بس هذي ماينقبل فيها الا قليل

طريقة التوظيف اللي شغالة الان في جدة هي :

تقدم اوراقك بعمارة 5 عند الاستاذ فهد بيومي (مدير عام الشؤون الادارية للموارد البشرية)

ولاتنسى تحط رقم جوالك على الملف والاوراق بطريقة واضحة


احيانا يرسلونك للاستاذ أديب تلمساني ياخذ اوراقك

ويعطيك فهد بيومي او أديب

موعد لاختبار اللغة الانجليزية

وهذا اجراء روتيني اذا ماعطاك موعد انت اطلبه وقوله متى طيب موعد اختبار اللغة ؟؟؟؟؟

اذا اختبرت وطلعت النتيجة اكثر من اربعة او خمسة


تروح انت بنفسك للادارات اسال وين مكانها وكم رقم الفيلا لكل ادارة وروح بنفسك
(التموين ، الشحن وغيرها ) وتطلب المدير وتكلمه

لاتكلم الورعان اللي برا هذولا بس يتفشخرون عليكم وتلاقي الواحد منهم راتبه الفين ونص وكانه هو المدير ويكلمك من راس خشمه

قوله وين المدير انا فلان قول للمدير فلان برا وهو يعرفني

تلاقيه ينطم ويدخل يكلم لك المدير وفورا تدخل

وتعطيه صورة من ملفك وحط رقم جوالك عليه وتقدم نفسك بطريقة محترمة

واذا ناسبهم مؤهلك يسوون معاك مقابلة شخصية ويعطونك موعد للمقابلة

بعد كذا ان عجبتهم بيسالونك انت قدمت وعديت اللغة قولهم ايه ..

بيطلبون اوراقك من عمارة 5 من فهد بيومي وشهادة الانجليزي اللي اختبرته


ويحولون اوراقك للخدمات الارضية ويدقون عليك وتسوي معاك العقد وتباشر عملك ...



طبعا كثير من اللي انقبلوا لهم معارف في داخل الخطوط يسهلون اجرائتهم

( لكن الاكثر انقبلوا بدون واسطات ) يعني لاتفقدون الامل

لان الادارات محتاجة موظفين بل عندهم عجز في الموظفين

وعمارة 5 هم اللي يماطلونهم

لانه بينهم مصالح شخصية

مثلا مشوا لنا معاملة فلان وترقيته وحنا نعطيكم الموظف اللي تبونه

انقلوا فلان هنا او هناك ومشوا ترقيته وحنا نوظف لكم فلان عندكم وكذا .....

لانهم على بالهم ان الموظفين الجدد اللي يطلبونهم الادارات كلهم حبايبهم واقاربهم

فيطلبون هم مصالحهم


والفساد الاداري شغال على ودنه بينهم بهالحركات الصبيانية

وهذي الحركات شغااالة على مستوى المدراء ايضا

جيب لي مكتب اشخص به وانا امشي لك معاملة فلان

جيب لي تلفزيون او تلفون بفاكس وانا امشي لك معاملة فلان

سوي ترقية حبيبنا وانا امشي لك شغلة فلان وعلى هالمنوااال


والله ياخوان شفتوا عالم الاطفال اللي بالمدارس والحواري والمكائد بينهم


هي نفسها بالمللي بين المدراء في الخطوط والادارات والموظفين


شئ ماراح تصدقه الين تشوفه بعينك

وعلى فكرة ترى الميزات اللي زمان الحين مافيه

حكاية تذاكر مجانا وهالخرابيط مافيه الان

حتى لاتنصدمون بس


والله يسهل اموركم