السلام عليكم ورحمة الله وبركاته..


أنا من أكثر المراجعات للاحوال المدنية جلست أشهر لين طلعت البطاقة الخايسه

6 شهور عشان اطلع بطاقة مكتوب فيها اسمي مسنتره فيها خشتي

بكل صراحه الاحوال المدنية مشكلتهم يبون يسوون نظام وهم مايعرفون وش معنى النظام

تروح الوحده تبي تطلع البطاقة الخايسه يقولون لها خوذي رقم وتروح تأخذ رقم يقولون لا انتو

من أحوال المنطقة الفلانية طبعا اذا كنتو مو من الرياض من القصيم او صليبخات او اي قلعة وادرين يمرمطون فيكم تمرمط يرسلون رد لهم اوكي يروح ويجي الردخلال 10 ايام

يروح أخوي يأخذ الرد ويطلع له بطاقة وعلى طريقه يجدد بطاقة أبوي

وبعدين نروح بعد كم يوم أنا وأختي يقولون ماأرسلتو شي أرجعو أرسلو ولاعنة والدين

الموظف يقول هالمره بنرسلها بالبريد مو بالفاكس يمكن تطول

في عصر الانترنيت يقول بالبريد زين ماقال بالحمام الزاجل لا ولا يقدر يطلع صورة من الرد بالكمبيوتر يقول عندكم الرد جيبوه

المهم نروح قسم النساء يقولون نفس الكلام جيبو الرد من ارشيف الرجال

رحنا للارشيف قالوا الارشيف متعطل اليوم ارشيف يتعطل يوم كامل ومصالح خلق الله تتعطل

رجعنا للمديرة وهالكلام كله من الساعه 7:47والمديره حبيبه قالت عطوني اسماكم وانتظروا

انتظرنا من غير فايده ورحنا لمساعدة المديرة وبعد ترجي قالت عطوني ملفاتكم وعبئتها وأخذتها

وجلسنا للساعه2الا قالو ا هم بينادونكم وجت الساعه2 عاد قلنا مابدها رحنا لموظفة بالشئون الادارية والله يجزاها الخير هي شافت اورقانا قالت هالاسم مار علي وراحت للي عند الكونتر

وطلعت ملفاتنا اللي حطوها حسبي الله عليهمن بالدرج ويقولون ماجتنا ملفاتكم

وبعدين موظفات الكونتر مو مفروض يكونون سعوديات لان اخلاقهم تجارية اول الدوام اوكي ماعليهن

وقت الغداء مدري وش يصيبهن

موظفات الكونتر سيئات بمعنى الكلمة لازم يشفون حل لهن......

وماطلعنا البطايق الا الساعه 2 وزيادة جلسنا لأخر شي


(( ...)) مشهورة عند موظفات الأحوال

ومستعده تروح معرفة لأي وحده وأي استفسار عن الأحوال أنا بالخدمه. خبرة 6 شهور بالأحوال المدنية.