والأسئلة الي ركزوا عليها كثير هي عن أصعب موقف.. أكره موقف.. أتعب موقف..
سؤال قال لي اش آخر مناسبة كان لك فيها عمل مهم جداسويته لحالك بدون مساعدة أحد..
سؤال قال لي اش أصعب موقف مرّ عليك..
كانوا رجال كبار في السن.. يعني من 40 - 45 عاما
اثنين همّه
ليش التعقيد كذابالمقابلهوالله انا قدمت في جامعه ام القرى قسم علوم طبيه تخصص تغذيه واللهالمقابله فللللللللللللللللله قالت لي ليش قدمتي على هذا القسم قلت عشانفيه مستقبل للبنات وما كملت وقالت انتي فين ساكنه وبس يعني الحمد للهمافيه تعقيد
السلام عليكم بناااااااااات كيفكم إن شاء الله تمام[I<<< مروقة على الآخر
بسم الله ** اليوم جيت لكم علشان أكتب لكمتجربتيفي المقابلةالشخصيةعلشان تستفيدون منها خصوصا اللي مقابلتهم بكره أو بعده
أول شئ *** طبعا حضرت الساعة 7 ولما وصلت حراس الأمن دلونا على المكان طبعا المقابلة في الدورالثالث
أول مادخلت وألقى الحشد الكبيرلبنات صافين طوابير والمكان مليان * على طول تحطمت قلت أنا ماراح انقبل]<< فال الله ولا فالك
المهم صفيت بالطابور اللي يبدأبه أول حرف من عائلتي
مشى الوضع وبعد ما مشت الطوابير دخلوا البنات في قاعه كبيره بعدين بدأوا يوزعون الأوراق علينا وكل ورقة مكتوب فيها اسم البنت
بدينا نعبئ البيانات كانوا يسألون عن الهوايات _ ترتيب الرغبات بعد الإنتهاء من البرنامج الموحد _ مواقف معينه وتجاوبين عليها
المهم في الموضوع أنك تكتبين كل شئ بأمانه علشان إذا جاؤا يسألون عنالمكتوب تكونين عارفه حاولي أنك ما تتفلسفين لأن الفلسفه الزائده ممكنتنصادين فيها ok ]
نجي الآن للمقابله بسم الله الرحمن الرحيم << داخله على وحوشG]
المهم جت بنت من الجنه الإداريه ونادت على اسمي ( فلانه بنت فلان ) <<
وصلتني البنت لبنت ثانيه علشان توصلني إلى اللجنه << حشا رايحه للسجن مو للمقابلة
المهم البنت اللي توصلني كانت تحاول تخففف علي ( كيف أخبارك _ لا تحاولين ترتبكين الموضوع هين ومن هذا الكلام )
طبعا جلست برا شوي قبل ما ادخل علشان الدكاتره يقرون اللي كتبته في الإستماره اللي عبيتها
بسم الله انفتح الباب تفضلي ادخلي << يمه قلبي طاح من الرعب[G]
أول ما دخلت السلام عليكم وعليكم السلام تفضلي اجلسي
بعدين : سألوني فلانه وش يعني اسمك ؟؟؟ << بما أن اسمي غريب وأناالوحيدة في اللجنه اللي اسمها كذا فكان طبيعي يسألوني هذا السؤال[I]
اسمي يعني السعادة *** أوووه برافو طيب يا سعاده اكتبي اسمك في الورقة ووقعي
كيف حالك ؟؟ الحمد لله بخير
أنتي كاتبه في الورقة رغبتك الأولى طب بشري ماذا يعني لك الطب البشري ؟؟
طبعا قعدت أتفلسف <<[/IMG]
وش المواد اللي حبيتيها بالمدرسه ؟؟
رياضيات << ممتاز ممتاز
وش برضوا ؟؟
أحب الأشغال اليدويه مثل التفصيل ]
قالوا طيب ليش مادخلتي تفصيل أو أشغال يدويه إذا كنتي تحبين هذا الشئ ؟؟
قلت أنا هوايتي تفصيل ما أحب أخليها محل دراستي يعني ممكن آخذ دورات لكن ما أدرسها << أحلى يا فيلسوفه 8 _ 8
المهم السؤال اللي لازم يسألونكم إياه هو 000
كيف بتقدرين تنظمين وقتك مع زوجك ؟؟
قلت أكيد زوجي قبل لا يخطبني عارف أني راح أصير دكتورة ونظامي نظام دكتورة فما أعتقد أن له أحقيه أنه يرفض
قالت طيب كيف نظام الدكتوره في تصورك ؟؟
قلت ترجع من الدوام متأخره تجيها مناوبات بالليل ممكن يتصلون عليها يطلبونها
قالت ماراح يتصلون عليك أصلا راح تنومين بالمستشفى !!! << تنكت
طيب هل تعتقدين أن أهلك راح يرضون تنامين بالمستشفى ؟؟
ما أعتقد أنهم راح يرفضون لأني لما اخترت الطب برغبتي أيدوني عليهاوشجعوني من البدايه فأبدا ما راح يرفضون وهم عارفين أني دكتورة ودوامييتطلب هذا الشئ << سكتهم صح خخخخخخخخ
وراح يسألونك مثلا عن المواقف اللي كتبتيها كيف تصرفك فيها بس ضروريتكتبين ردة فعلك من الموقف يعني ما تحاولين تكذبين علشان ما يصيدونكوتتورطين
وعلى العموم الوضع مايخوف بالعكس راح تحبون هذا الشئ وتتمنون لو تنعاد مرة ثانيه
وكثير يقولون أنك لو رشحت للمقابله هذا معناه إن شاء الله أنك مقبوله
وإن شاء الله راح أحط لكم نصائح قريب وبإذن الله تستفيدون منها
وبالتوفيق يارب لجميع المرشحات وإن شاء الله كلنا ننقبل
خليكم ريلاكس
يتبع
النصيحة الأولى :-
صلي الوتر في ليلة المقابله واقرأي لك وجهين على الأقل من القرآن علشان ترتاحين نفسيا
ثانيا :- خذي وقتك بالنوم علشان تكونين رايقه أثناء المقابله << لا تسوون مثلي رحت وأنا راسي بينفجر أبي أنام ok
ثالثا :- روحي وأنتي مروقه << يعني خذي لك كوفي قبل ماتروحين أو كليلك جالكسي علشان الشوكولاته دائما تبعث على النفس الهدوء والروقان << ياعيني على الفلسفة
رابعا :- اهتمي بلبسك وحسسيهم أنك منتظمة ومرتبه وراح تلتزمين بالقوانينفي الجامعة << طبعا بس إحساس مو حقيقه بنخربها إذا دخلنا الجامعةخخخخخخ
خامسا :- لا تحاولين ترتبكين أو على الأقل لا تبينين لهم هذا الشئ لأنه مو من صالحك
سادسا :- حاولي تتمسكين بالقسم مهما يكن ومهما قالوا ومهما نرفزونك بيني لهم أنك ماراح تيأسين وأنك متمسكه فيه بس انتبهي لا تعصبين
سابعا :- لا تتفلسفين كثير << حلو أنك تبينين لهم أنك ذكيه وعندك أسلوب بسمن دون فلسفه واجده ههههه
سابعا :- لا تستهين بأي قسم مثلا :- إذا قالوا لك بنحولك لقسم العلومالتطبيقية لا تقولين لهم لا أو ما أبغاه خليك عادي وحاولي تفكرين بكلامنموذجي
ثامنا :- خلي إجاباتك تدل على أنك طالبة علم لكن من دون فلسفه
تاسعا :- الثقة بالنفس زياده مو حلوه يعني ممكن يتوصلون على أنك مغرورة خليك واثقة من نفسك باعتدال
عاشرا :- لا تظهرين حركات تدل على الإرتباك مثل ( هز الرجل كثير )
الحادي عشر :- حاولي تكونين صادقة بإجاباتك في الورقه لأنك بتسألين عنها
وأخييييييييييييييييييرا أتمنى أكون أفدتكم والله يوفق الجميع وننقبل كلنا بإذن الله
وأكرر ترى المقابله ممتعه لا تشيلون همها
ريلاكس ريلاكس ريلاكس
~~ يتبــــــــــــــــــــــــــــــــع
