لعنبو بعض القصايـد كـان مافيهـا حـلا
ماتـروح الا وتتـرك للحنايـا جلجـلـه
تبتدي مثل المزون اللـي تسولـف للكـلا
ولاخذت قامت ترزّم مثـل شهـبٌ منزلـه
فوق صدر الشاعر اللي عن طواريقه جـلا
لين شاف اخت القصايد بالقصايـد مقبلـه
ياهلا باخت القصايد كثـر شوقـي ياهـلا
اقلطي بين الحنايا وافهقـي جمـر الولـه
كل ضلعٍ من ضلوعي حافـظٍ درس الـولا
مثل حفظك للعفـاف وللشـرف يامدهلـه
سولفي كـذا السوالـف تنسمـع والا فـلا
وان بغيتيني اسولـف .. اسألينـي اسئلـه
اسأليني وابتديها .. بالنهـار اللـي تـلا ..
ليلة ان الجرح يقـرا فالضلـوع البسملـه
واسأليني عن زماني كم شرب فـيّ وكـلا
انتهي من مشكله والقـى وراهـا مشكلـه
المشاكل بهذلتني في غيابـك ... والبـلا..
مالقيت اللي احـط السـر عنـده وازهلـه
كل مااسمع (كيف حالك) ينقبض جفني على
دمعةٍ تبغى تقـول الحـال دمـع ومهزلـه
وابلع العبره واقول : بخير والهـم انجـلا
وآخر الهرج آتلعثـم فيـه وانقـض أولـه
ليه غبتي .. ليه غبتي وانتي اللـي مامـلا
عيني الا همس صوتك في زمـان البلبلـه
يااااااه شفتي وين راح البال بالشعر وسلا ؟
قمت اعااتب فيك وانتي فالضلـوع مـدلله
لنّي ماصدّقـت نرجـع للقصايـد والغـلا
بعد ذاك اليوم يوم اجنبت وانتـي مشملـه
اييييه ماصدّقـت لكـن ياعسانـي ماخـلا
اقلطي بين الحنايا وافهقـي جمـر الولـه