السلام عليكم ورحمة الله وبركاته
مساء الخير ..

موضوعي للإستفسار العاجل ..
انا مستفيده من الضمان الإجتماعي لفترة 17 سنه
ماعمري خالفة قوانين ولا أنظمه جميع اوراقي رسميه ومعتمده
قبل سنتين استقليت انا وبنتي في شقه بإسمي انا ( عقد سليم وغير وهمي )
وأدفع إيجار حالي حال أي مستأجر ولدي مايثبت ذلك ..
توفى ابو بنتي في عام 2020 وبنتي اصبح لديها راتب تقاعدي من والدها
واسقطوني واسقطوها الضمان ورحت راجعت مكتبهم
وافادتني الموظفه إنه بنتي من ذوي الدخل المرتفع ولا يحق لها الضمان
قلت والحل ؟ قالت انتي فقط تقدمين بدونها وقلت لها ( تم )
وبعدها صار ينزل لي الضمان ( بدون بنتي ) ولااعترضت
قبل ثلاث اشهر اسقطني الضمان بسبب ( 4005 ) اللي هو عقد الإيجار الخاص بكم
لايتوافق مع أسعار الايجار بالمنطقه ..!
دقيت على الرقم الموحد وبالقوه طحت على موظف قال ( عنوانك الفرعي بسبل معكوس رقمين ) مع العلم انه زارتني الباحثه قبلها
وانا متأكده كل شي عندي سليم ..
وبالاخير سمعت كلام الاخ الفاضل محمد وسحبت الطلب
ونقلت لبيت جديد وقدمت تقديم جديد كُلياً بعقد جديد وكل شي
وجاني غير مؤهل بسبب ( 3001 ) لم يتم اضافة جميع الساكنين في المنزل في الطلب
أو تقديم مايُثبت إستقلال السكن !
رحت لمكتبة خدمات وقال لي تقديمك سليم جداً ولا فيه شي مُخالف ابداً
ولما ضغط يبي يقدم إعتراض طلع طلب ( عقد الايجار )
واضافه مع العلم انه مرفوع عندهم وتم التأكد من هالشي

الآن اتصلت على موظفه وش تقول ؟
مين ساكن بالبيت ! قلت امي وبنتي .. قالت ليه مااضفتي بنتك ؟
قلت لأنها غير مشموله بالضمان وانتم قلتو هالشي
وقالت تحطين بنتك + كم راتب التقاعد حقها وبعدها هم يشوفون يشملكم او لا ؟

طيب بنتي غييييييييير مستفيده بتاتاً وراتبها هذا حق من حقوقها
شرعاً وقانوناً وانا مالي علاقه بهالراتب ابداً ..
اتوقع هي تبيني اضيف بنتي عشان مايشملني الضمان !
علماً انه امي مستفيده من الضمان ولم يتم اسقاطها ( ولله الحمد )
فقط انا ..
اقسم بالله كان كلامها غير مُقنع بالاخير تقول حنا بس خدمة عملاء
مانقدر نسوي شي ابداً !

ياجماعه ابي حل لموضوعي
ماقعدت الحق ورا الضمان الا اني محتاجته وربي
ابي اعرف مين مسؤول عن الضمان وكيف اقدر ارفع شكوى
وابي اعرف هل يشملني بعد مااضيف بنتي او لا
علماً انه راتب التقاعد تبع بنتي 5700 وانا والله مالي فيه شي
وبنتي شهر 10 هجري تُكمل 18 سنه بالضبط