السلام عليكم

انا عضوه جديده كنت اتابعكم من خلف الكواليس

من غير ماسجل بس لما شفت تفاعلكم وإفادتكم لبعض

تشعت وسجلت لاني واثقه انكم تساعدوني لأني شفت الشهامه في ردودكم وطبعا موغريب

على اهل السعوديه

المهم بقولكم موضوعي

انا زوجي يشتغل في شركه راتبه 4000 وفي الأعياد5000واحيانا6000

وتعطي الشركه 9000اجار الشقه بلإظافه الى العلاج مجانا في مستشفيات

وفي تاأمينات اجتماعيه ودوامه من 9 الصباح الى 12 الظهر ومن 4 العصر الى 11بليل

وسمعت عن حرس الحدود وسجلت زوجي لأنه زوجي حلمه بوظيفه حكومه

بحكم دوام الحكومه اريح وعلى شان يتحسن الحال وقفت مع زوجي

وانا الي سجلته لانه هو مايعرف لنت وكل مره لما يروح الدمام والرياض لأكمال

اجرائات التسجيل اشجعه ودعيله من كل قلبي

وزجي متحمس انه ينقبل بس في هاذي الفتره صرت اصيح على زوجي كل ليله

اقوله اذا انقبلت ابيك توعدني ماتروح تدرووووووون ليه

لانه الدوره مدتها 45يوم بيبتعد فيها عني انا هاذي تقيلتها لا زم ا صبر
الشي الثاني انه بعد الدوره لمدة ستة اشهور مايجي الا خميس وجمعه لمن يترسم

وهاذي قبلت فيها بس الي تفاجئت منه اني انحرم من السفر

وانه بعد 6 شهور يرسمونه في مكان بعيد

بلإظافه الى الإهانات فأنا قلت له خلك على وظيفتك ومستعده انا اتحمل ظروفك

لانه فكرت فيها من بيكون معاي ومن بيربي بنتي الي جايه في الطريق

فأنا اطلب شوركم ونصيحتكم

والي يعرف اكثر عن الحرس ونظامهم وطريقة التعيين وكيف السفر

والرواتب والإهانات صحيحه ولا الله يخليكم يقول ويفهمني

لأنه كل هاذا الي كتبته على حسب الي سمعته من الناس

اهو سجل قسم ادخال بيانات ومعالجة النصوص على حسب شهاداته وخبرته

الله يخليكم محتاجه لشوركم احنا من تزوجنا صار لنا سنه وشهر وننتظر مو لود

مابي اتشتت انا وطفلي لأنه مالي احد من غير زوجي