هذه القصيدة للشاعر العلم" سليمان ابن شريم " رحمة الله عليه وهي من اجمل ما قيل في الشعر النبطي في موضوع الغزل وهي قصيدة عصماء وهي من الغزل الرقيق العفيف

اتمنى ان تنال اعجابكم :
وانا ارشرت على بعض الابيات الجميله التي لا اعتقد ان وصل الشعراء لمثل هذه المعاني ولا راح يصولونها

" ما دام ام الطلي شاه"



ياونتاه اللـي بـرت جسـم حالـي
بري الدبا نبنـوب غصـن تغشـلاه

علـى عشيـر بالمـوده صفـا لـي
وازريت أنوش حمـاه وانـا اتعـداه

غرو جبينـه مثـل خـط الهلالـي
سبحـان رب صـوره ليـن سـواه

وحيـاة رب كمـلـه بالجمـالـي
من مفرق الهامه إلـى حـد ماطـاه


انه منـول وامـس واليـوم غالـي
واتلى زمانـه بالغـلا مثـل مبـداه


مالـه حلـي إلا مـودة عيـالـي
اصغـر عيالـي بالغـلا كنـه إيـاه

لا ابطيب ماشفتـه وهـو ماعنالـي
عفت المكان اللـي يغيظـه ويجفـاه

لـو دلهونـي عنـه مانيـب سالـي
اشفق على شوفه واهوجس بطريـاه

شوفـه دواي وقـل شوفـه زوالـي
حكيم طب جامع داه ......... ودواه

حقه علـى إلـى تزخـرف قبالـي
ابعـد مـزاره بالهـوى واتمـنـاه

وحقي عليه إلى اعترض لـه مجالـي
يصفح ويلقاني على الطـول والقـاه

مابه من العـذروب عنـق الغزالـي
إلا الزمـان اللـي حدانـي وعـداه

ريقه حـلا مـن در عفـر متالـي
لا ورحن من مدفـق سـال مجـراه

هبـي بريحـه ياهبـوب الشمالـي
كود الجنوب ومطلع الشمس تنصـاه

عبث صبيت لعشرته من صبـا لـي
سجلـي بنجلـه والمـوده مجـازاه

يامـا ويامـا فرقتـنـا الليـالـي
نجـع مقيـم وفـرق البعـد لامـاه

أقفت مراحيله وانا اقفـت رحالـي
خليت مداهيلـه وعميـت ركايـاه

وخان الزمـان بعشرتـه والتوالـي
ورثت مـن يصفـق شمالـه بيمنـاه

وعضيت بسرة شاهدي مـن هبالـي
وونيت ونـة مـن نقـل داه بـرداه

اسهـر إلـى نـام المعافـى لحالـي
والصبح اجدد ذكـر حمـام واسمـاه

هنـي دحـش دب الايـام سالـي
ماولعـه طـرد العماهيـج واغـراه

ولا صلاه مـن التصاريـف صالـي
وذاق الفراق وتـاه مثلـي بمسـراه

ياطول ماطاوع نسيـم الهـوا لـي
من قبل يبدي لي من الوقـت مجفـاه

واعتظت من عقب الجديد السمالـي
ولا ينفع الفايت ولـو قيـل محـلاه

ليتـي قريـب لـه وبيتـه موالـي
والعلم مـن بينـي وبينـه مناجـاه

ان كان له بمواجهـي مثـل مالـي
وقلبـي معـه يبـراه والهـم يبـراه

وإلا ترانـي عنـه طـاون حبالـي
يلقى وانا القى واحـد كنـه إيـاه

مانيب من يتبـع خفيـف الخيالـي
إلى تحـدر بارقـه عفـت مرعـاه

هذا وصلـوا عـد رمـل السهالـي
علـى نبـي شيـع الديـن واحيـاه

وآلـه وصحبـه كلهـم بالكمالـي
واللـي تبـع سنـة نبيـه ومجـراه



راعي الجوف