المشاركة الأصلية كتبت بواسطة سعود؟

انصحك نصيحة لوجه الله تعالى
ترى جلست في كلية الاتصالات بالرياض خمس سنوات واقسم بالله العلي العظيم اني ندمان ندم غير طبيعي اني دخلت هالكليه لاني الى الان متخرج لي 3 سنوات ولا توظفت ولا لقيت بكالوريس هندسة الاتصالات في السعوديه عشان اكمل بكالوريس واصير مهندس لانهم هم بالعاني يبغون بس يفتحون دبلومات مايبونا نصير مهندسين عشان يجيك المصري واللبناني ويصير مهندس علينا ياشيخ حتى فلسطين فيها بكالوريس اتصالات تخيل وحنا هنا اغني بلد في العالم ماعندنا بكالوريس لا كهرباء ولا ميكانيكا ولا الكترونيات ولا اتصالات حتى
وفي الاخير شفني ياحبيبي بطلع على حسابي الخاص بدرس من جديد بشهاده الثانويه وعسى ان شاء الله انظم للبعثه في اقرب فرصه"
يعني تخيل 7 او 8 سنوات راحت من عمري بسبب شهادات من ابوريال ومن ضمنها شهادات التقنيه بشكل عام يعني بس فاتحينها عشان سرقة ميزانيه وبس،،،
بالعربي ياشيخ انسى شيء اسمه دبلوم وخذ لك اي شيء اسمه بكالوريس حتى لو يكون تاريخ وخلك من الدبلوم عشان على الاقل اذا حبيت تطلع تكمل برى ماجستير تقدر تكمل
وااااسف طولت في كلامي بس والله من القهر اللي فيني والعمر اللي ضاع

المشاركة الأصلية كتبت بواسطة صاحب همه

والله انك صادق نفس الشعور وانا مثلك نفس الحالة متخرج من كلية الاتصالات بالرياض من سنتين تخصص برمجة ومفحط فيها ثلاث سنين الا اتقطع من كثر الندم والله ثم والله ماستفدت شي لاوظيفة ولاشي بس ضياع عمر عالفاضي واذا حصلت وظيفة زيك زي الثانوي والحين ادرس على حسابي واعيد من جديد من الثانوي قمة التحطيم والقهر والمشكلة حتى اذا تبعادل المواد مافيه امل لانها من المؤسسة العامة للتدريب واللي قاهرني
ان الناس ماخذين مقلب فيها عشان اسمها الاتصالات خلاص وظيفتك مضمونة وهي خرطي والله مصخرة!!!!!!
لكن الحمدلله على كل حال

المشاركة الأصلية كتبت بواسطة نواف

اخوي متخرج من الاتصالات بالرياض شبكات بمعدل 3.75ونهايتها وضعها بالزباله وراح شركة الكهربا بالثانويه والكمبيوتر