المشاركة الأصلية كتبت بواسطة محاسبه عاطله

أخوي عاطل مهموم
حسب ما فهمت من كلامك ... انت اخذت حقك من مديرك في العمل وماسكت له عن الأهانه
هذه وحده من الأمور وانتهت
ثاني شي انت تقول ,, انك غير مرتاح في وظيفتك بسبب الموظفين الموجودين والاداره السيئه .... بس شوف .. لا تتوقع انك تكون في وظيفه وترتاح فيها ميه بالميه ,,,
لأن للأسف هذا الشي مستحيل في اي مكان
لازم تتأقلم مع الظروف المحيطه فيك بالعمل وتتحدى هالأمور عشان توصل للمركز الي تتمناه
كل الوظايف في أي مكان راح تلاقي فيها المضايقات أو عدم الارتياح ولو بنسبه معينه
والموظف الي يقدر يتحمل الضغوط في بيئة العمل يعتبر موظف مميز جدا

ثالث شي ... ذكرت ان الراتب قليل ... وانت في بداية طريقك وهذا طبيعي ... الراتب راح يزيد مع الوقت
خبرتك والدورات والتطوير اذا اهتميت بكل هالأمور .. راح يزيد راتبك وتحصل لك مجال لوظيفه أفضل ... وراتب ومميزات أعلى

أهم شي .. لا تتسرع وتستقيل وحاول انك تبحث عن وظيفه ثانيه وانت على رأس العمل ,,, لأن الفرص الوظيفيه راح تكون أفضل
أما اذا استقلت قبل ما تحصل لك وظيفه فانت راح تعاني وماراح تلقى لك وظيفه بالسرعه الي انت متخيلها
... وانتبه من العشوائيه في اتخاذ قراراتك بما يخص مصلحتك


يارب اكون أفدتك .... والله يفرجها عليك