السلام عليكم
كل عام وانتم بخير
انا مسجلة في المنتدى دا من زمان بس من زمان مادخلته وبالصدفة وانا في جوجل لقيت الموضوع دا فقلت خليني اشوف ردود فعل الناس فشفت اراء وردود كثير وقلت لازم ادخل وارد واقول نصيحة للحيبدو يسجلو والي بيتصلو على المعاهد وغيره
ياجماعة الخير اولا للي مكذبين الخبر او غير مقتنعين فيه فالخبر صحيح مية في المية وممكن تروحي المؤسسة العامة وتسالي فيها وشوفي اش حيقوللك
ثانيا ياجماعة انا ليه بدي انصحكم انا بشتغل في معهد وبدرس الدورة دي ومشرفة على اختبارات الرخصة الي مسجلة في الدورة ودافعة فلوسها الله يعينها تكمل الدورة وتدرسها وكدا كدا هيا مو خسارانة راح تتعلم بس لاتختبر ولا تدفع فلوس اختبارات لانه لحد الان احنا محتارين الي سي دي ال مااعتقد انها راح تختبر احد خلاص ولو اختبرتي فكيف حتطلع الشهادة ولو طلعت فهيا غير معترف فيها الان
فنصيحتي ادرسي لو انتي مسجلة ودافعة منها انتي بتستفيدي لحد مايظهر نتيجة للخبر دا ولو رجعوها ودا مستحيل يكون انتي دارسة ولو لاء اكيد حيكون في شهادة بديلة فتكوني انتي مخلصة وبس يصير تختبري

اما لو لسه تبغى تسجلي فلاتسجلي ولاتصدقي اي معهد يقولك ايوة ندرس الدورة ولو قاللوك ايوة بلغي المؤسسة عنهم
انا اتكلم من جد لاتاخدي دورة اي سي دي ال لانه مافي الان والي بيدرسو اسفة على الكلمة حرامية ونصابين وبيضحكو على البنات

ولو دفعتي الله يعينكم ياانك تحاولي تسحبي فلوسك او برضو ادرسي ماراح تخسري شي

ياجماعة الدراسة مو مشكلة المهم لاتختبري وتعبي نفسك استنى لحد مايصير شي في الموضوع

وانا والله صعبان علي البنات الي مايبيكونو عارفين ويبغو يدرسو والحمد لله انه في المعهد الي انا فيه وقفو استقبال الدورات الجديدة وصعبان علي الي اختبرو وخلصو سواء قريب او من قبل كم سنة اش ذنبهم زي ماقالت واحدة من الاخوات انا شفت ناس ياادوب كانت تعدي وكانت محتاجة الشهادة لانه وظيفتها اجبرتها على كدا

على العموم انا قلت الي اعرفه بحكم عملي والي شفته وسمعته وانا لو كانت طالبة عندي كنت حاقولها نفس الكلام حتى لو كان خسارة للمعهد بس للاسف المعاهد كلها مابتفكر غير في مصلحتها وفي الفلوس ماهمم الناس وان شااء الله كل ماعرفت اي معلومة باذن الله حتوصلكم بس ارجع واكرر واقول لاتختبرو يابنات استنو شوية لحد يضحك عليكم ولاتصدقي لاكلام معهد ولا استاذة كل الشهادات ملغية سواء الان ولا الجدد ولا الي من زمان الكل ملغي

ايوة افتكرت بالنسبة لاحد الاعضاء انه يقول دا القرار والشهادات الي اتلغت بس للمعاهد الغير مرخص بيها او زي ماقال الاخ الكريم انه تجيبها من غير الجهة الرسمية
حبيت اقول لا دا القرار على كل الشهادات والمعاهد سواء مرخص لها او لاء

واعتتذر على الاطالة والكلام بالهجة العامية بس دا رد على السريع لاني حسيت انه في ناس بتنظلم وبينضحك عليها
وموفقيين جميعا