السلام عليكم
والله ياجماعة الخير الي بيسالني انا كل الي اعرفه بحكم عملي قلت له لكم ومافي معهد معتمد وحتى لو دي شهادة دولية اوك بس في السعودية مالها دداعي ولا ديوان الخدمة المدنية معترف بيها وقلت لكم الكلام يطبق على الي اخد الشهادة الان او حتى قبل خمس سنين
والي يرسلو لي خاص اعتذر مااقدر ارد على الخاص لانه مشاركاتي قليلة
عموما المعاهد مش نصابة ولا احد له ذنب ومش هم الي لغوها عشان كل واحدة تقول انا باقلي اختبار واختباريني اروح اسحب فلوس من االمعهد المعاهد ماذنبها هيا درستك الدورة وباقي ليك اختبارات هيا اش ذنبها نفس الوضع صار معاهم وانتي حرة اسالي واستفسري هل المعهد حيرجع لك باقي فلوسك او لا
بس انا كل راي الي قلت له انه النصابين الي بيفتحو دورات جديدة والدورة اصلا اتلغت اصلا كيف حيختبروكم ؟؟؟
وقلت لكم الي مستمرة في الدورة تكملها مش خسرانة شي كله لمصلحتها والعلم نور واكيد لو مارجعت الاختبارات والـاي سي دي ال فاكيد راح يكون في شركة بديلة ليها يصير تختبري على طول

اخت واحدة من البشر
اعتذربس لاتصدقي كلام استاذتك انه الي بيدرسو دحين والباقين لا القرار على الكل حتى الي من مية سنة واميين الله يرزقك ويرزقنا جميعا حلال يغنينا

اختي حبيبة نيوهورايزن وماادراكي مانيوهوراين
عموما ياحبيبتي لو كان كلام جرايد التعميم موجود في موقع المؤسسة العامة هل دا كمان اشاعات وجرايد وتقدري تسالي المؤسسة بنفسها روحي لحد عندهم واساليهم
ودا موقع المؤسسة الي فيه التعاميم
http://gtpt.gotevot.edu.sa/


وفعلا اخت هيوف جزاكي الله خير على كلامك وانا كمان بقول نفس الكلام المهم انك انتي تستفيدي مش مهم الشهادات انا درست وشفت البنات الي بتختبر في ناس كتير تكون فاهمة بس ماتعرف تجاوب في الاختبار وفي ناس ماتفهم شي راحت حفظت الاسئلة وجات تختبر ونجحت بالحفظ فققط وعلى فكرة الاسئلة منتشرة في النت والنماذج معروفة ومابتتغير واغلب الناس كانت تدخل تذاكر النماذج دي وتدخل تختبر فهل دا معناه انه خبيرين في الكمبيوتر؟؟؟؟
وبالنسبة للشي التاني اخت هيوف مااعرف اش تقصدي بالتعميم بالزبط بس هو فعلا من ساعتين بس وصلني خبر انه بترجع الرخصة الدولية وبيرجع يتفعل الاعتماد بس خلوني لحد بكرة الاحد اتاكد من الخبر مزبووط ونستنى لحد ماينزل ويوصلنا من المؤسسة العامة وان شاء الله خير ولاتستعجلو ياجماعة زي ماقلت لكم الاخت الكريمة دي شهادة دولية مو بالسهل تتلغي فالصبر زييييين..

الاخت شموخ العبير ياقلبي لاتزعلي نفسك اولا اصبري شوي وانا اتعهدلك اني كل ماعرفت شي بجي اقوله واذا حابة انك تسالي شي فخدي الاساس والي هيا المؤسسة العامة لانه للاسف في معاهد ومراكز كثير ماراح تفكر غير في نفسها

وبالتوفيق للجميع
دعواتكم
اختكم لوكا