السلام عليكم ..

ياخي لاتسكت عن حقك لو اخذوا ريال واحد منك !!!!!!!!!!!!!!

انا اقسم لك بالله العلي العظيم صارت لي مشكلتين مع موبايي والاتصالات ..

طبعا عندي رقمين واحد موبايلي و واحد من الاتصالات ..

مره شحنت رقم موبايلي 100 ريال وكنت ابفعل النت عن طرق الجوال وبعد ماطلبت التفعيل تم سحب الرصيد بالكامل وانتظر يوم .. يومين ماتم التفعيل والرصيد مسحوب ..
الشاهد .. بعد اخذ وشد مع موظفين العملاء قال لي احدهم الحل بسييط: اشحن من جديد 100 ريال !!!!!! الظاهر يحسبني عايش على بنك !!
قلت انا اوريك من اللي يضحك بالاخر .. واخذت رقم هيئة الاتصالات وكلمت قسم الشكاوي وعرضت عليهم القضية فقال لي المسؤل لا تخاف حقك بيرجع لك .. ولكن ارسل شكواك لنا على الفاكس .. المهم ارسلت الشكوى وبعد اسبوع اقسم بالله تفاجأت يوم قمت الظهر ان رقم موبايلي (1100) متصل علي ..!! ومرسلين لي عزيزنا تم تفعيل النت ويمكن استخدامه .. وكذلك تفاجأت ان هيئة الاتصالات مكلمين علي الصبح ..!! للاسف كنت نايم..

وكذلك نفس المشكلة حدثت لي مع الاتصالات وحلوها لي هيئة الاتصالات ..

اللي ابغى آصل إليه انكم ماتسكتون عن حقكم وتكلمون هيئة الاتصالات لانهم ورب الكعبة ياخذون لكم حقكم ..

وبإذن الله ادور على رقم هيئة الاتصالات واعطيكم اياه ..

وربي كان بعونكم ..