حلول البطالة Unemployment Solutions

حلول البطالة Unemployment Solutions (https://www.btalah.com/index.php)
-   إستفسارات ونتائج وظائف القطاع الخاص (https://www.btalah.com/f3.html)
-   -   ~|| شركة العلم لــ آمن المعلومات || استفسارات - معلومات - مقابلات || ~ (https://www.btalah.com/t371411.html)

هلآآآك 23-11-2011 08:05 PM

~|| شركة العلم لــ آمن المعلومات || استفسارات - معلومات - مقابلات || ~
 
السلام عليكم ورحمة الله وبركاته
كيف حالكم يارجال
يا آخوان آبيكم ترشدوني
عندي مقابلة بشركة العلم لآمن المعلومات
آنا مقدم على وظيفتين في موقع الشركه الاولى وظيفة مسؤل عمليات والثانيه مسؤل خدمة عملاء
المهم آني انقبلت في الوظيفتين بعد الفرز جتني حول 3 رسائل الاولى ان الشروط مطابقة والثانيه انه تم ترشيحي واليوم جاني اتصال من الشركه يقولي عندك عرض وظيفي من الشركة بس ما علمني آيش الوظيفة
. .
آستفساري ياشباب آن الوظائف المطروحه تتطلب دبلوم وآنا قدمت على دبلوم البرمجه بس الى الآن ماتخرجت باقي لي عن التخرج حول 3 آسابيع يعني الى الآن ما خذيت وثيقة التخرج
هل آروح لهم ولا ما آتعب نفسي وآمسك الخط لآنه راح يرفضوني
والموظف اللي اتصل علي قال جيب آخر مؤهل حصلت علية قلت له الدبلوم للحين ما خلصلته قال جيب الاخر يعني الثانوي وقال جيبه للمقابلة وشوف وش راح يقولون لك
آرشدوني جزاكم الله خير فيه مشكله آروح أو لا
مقابلتي يوم السبت واليوم آربعاء يعني حتى ما يمدي آخذ ورقه او شي من الكلية تثبت ذالك


للتسجيل في موقع شركة العلم
http://www.elmcareers.com.sa/UserLog...1&CompanyID=60

ثم الدخول على قسم التوظيف

SMOKE 23-11-2011 08:19 PM

روح لهم عادي منت خسران شي
قولهم بكل ثقة انك على وشك تخرج وانك مهتم بالوظيفه وحريص عليها

انصحك تروح واذ انقبلت او انرفضت (لاسمح الله) منت خسران شي

بالتوفيق عزيزي

هلآآآك 23-11-2011 08:41 PM

يعطيك العافيه SMOKE هو صحيح ما ني خسران شي بس المسافة وانا آخوك اللي راح آطقها حول 500 كيلو :c

آخاف انرفض وتروح حسايف

السكوت أرحم 23-11-2011 08:52 PM

يآخي أرسلوا لي على البريد الإلكتروني أنه تم ترشيحك وسيتم الإتصال عليك وما اتصلوا علي للحين ؟؟؟

كم رواتبهم ووش مميزاتهم ؟

مشاغب وبطال 23-11-2011 09:39 PM

السلام عليكم
 
اقتباس:

المشاركة الأصلية كتبت بواسطة هلآآآك (المشاركة 5379499)
السلام عليكم ورحمة الله وبركاته
كيف حالكم يارجال
يا آخوان آبيكم ترشدوني
عندي مقابلة بشركة العلم لآمن المعلومات
آنا مقدم على وظيفتين في موقع الشركه الاولى وظيفة مسؤل عمليات والثانيه مسؤل خدمة عملاء
المهم آني انقبلت في الوظيفتين بعد الفرز جتني حول 3 رسائل الاولى ان الشروط مطابقة والثانيه انه تم ترشيحي واليوم جاني اتصال من الشركه يقولي عندك عرض وظيفي من الشركة بس ما علمني آيش الوظيفة
. .
آستفساري ياشباب آن الوظائف المطروحه تتطلب دبلوم وآنا قدمت على دبلوم البرمجه بس الى الآن ماتخرجت باقي لي عن التخرج حول 3 آسابيع يعني الى الآن ما خذيت وثيقة التخرج
هل آروح لهم ولا ما آتعب نفسي وآمسك الخط لآنه راح يرفضوني
والموظف اللي اتصل علي قال جيب آخر مؤهل حصلت علية قلت له الدبلوم للحين ما خلصلته قال جيب الاخر يعني الثانوي وقال جيبه للمقابلة وشوف وش راح يقولون لك
آرشدوني جزاكم الله خير فيه مشكله آروح أو لا
مقابلتي يوم السبت واليوم آربعاء يعني حتى ما يمدي آخذ ورقه او شي من الكلية تثبت ذالك

وعليكم السلام يأخوي روح مو قال لك الموظف عرض وظيفي توكل على الله أنا واحد قريب

لي قبلوه الموسسه العامه للتحليه وشهادته باقي بالكليه التقنيه والان يعمل مشغل .أنت يمكن

قبلوك على وظيفة مسؤل عمليات لأن وظيفه مسؤل خدمة عملاء باقي ماأتصلو على أحد ..

اليوم راسلين لي

عزيزي ؟؟؟؟؟
رقم معرف مقدم الطلب: 0000000
نشكركم على التقدم لشغل وظيفة ELM1189-مسئول خدمة عملاء
يسرنا أن نفيدكم بأنكم من ضمن قائمة المرشحين لحضور مقابلة شخصية لشغل الوظيفة المذكورة أعلاه. سيقوم أحد أعضاء فريق التوظيف بالاتصال بكم لتحديد موعد مناسب لهذا الغرض.
نتطلع إلى مقابلتكم قريباً.
مع أطيب التحيات،
فريق التوظيف بشركة العلم


أتمنى أني أفدتك بمعلومه :Thumbs:

Jяỏỏн 24-11-2011 12:17 AM

اقتباس:

كم رواتبهم ووش مميزاتهم ؟

ياليت آحد يفيدنا عن رواتبهم , والمميزات


:(

علاوي البارقي 24-11-2011 12:26 AM

ياقلبي روح وتوكل على الله

انا دقيت مشوار علشان مقابله شخصيه فقط
من جيزان للرياض
شوف كم كيلو

تقريبا 1000 كيلو

وبالاخير انرفضت علشان هم يبغون لغة انجليزيه

انت روح والله يوفقك يارب

,,

هلآآآك 24-11-2011 03:18 AM

السكوت أرحم
آنا آرسلو لي اني من ضمن المشرحين للوضيفة وبعدها بكم ساعه اتصلو
مشاغب وبطال
فعلاً مسؤل عمليات تطلب الثانوي بس انا جتني رسالتين بنفس الوقت الاولى اني ضمن المرشحين لمسؤل عمليات والثانية اني من ضمن المرشحين لخدمة عملاء وكلهن كاتبين فيهن سيتم الاتصال فيك بآقرب وقت وطبعاً بعدها بكم ساعه اتصلو علي بس ما آعرف على آي وضيفة .عل عموم شاكر لك على الرد وربي يوفقك ويحقق لك كل ما تتمناهـ
علاوي البارقي
يعطيك العافية على الرد و الله يعينك ويكتب لك آفضل منها ان شالله

^ ^
آجل الظاهر اني ابعقلها وآتوكل بس عن قولة ياحيف ابي آدخل على موقع الكلية وآطبع السجل التدريبي حقي والسجل ذا موضح فيه كل اللي درسته حتى موعد تخرجي مكتوب فيه آباخذه ولله يكتب اللي فيه الخير

نسائم الفجر 24-11-2011 04:33 AM

الله يوفقك اخوي ويسهل آمرك

وياليت بعد المقابلة تقولنا ايش صار معاك وكيف كانت المقابلة لاني مقدمة عليهم وانتظر اتصالهم

Jяỏỏн 24-11-2011 12:09 PM

[align=center]
هلاآإك ربي يوفقك


, ياليت تقول لنا وش بيصير معك في المقابله


لأن انا عندي مقابله معهم يوم الأثنين ..

واسألهم عن طبيعة العمل مسؤل عمليات او خدمة العملاء , لأن انا مقدم على الثنتين ..

وربي يوفقك : )
[/align]


الساعة الآن 08:45 AM

Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين