حلول البطالة Unemployment Solutions

حلول البطالة Unemployment Solutions (https://www.btalah.com/index.php)
-   مشاكلك في العمل (https://www.btalah.com/f5.html)
-   -   ظلم ضغوطات في عملي مقابل تهديدي عدم تجديد عقدي (https://www.btalah.com/t678855.html)

نسماات 13-12-2016 11:33 AM

ظلم ضغوطات في عملي مقابل تهديدي عدم تجديد عقدي
 
السلام عليكم

انا عملي في جهد +ضغوطات من الجاليه العربيه مضايقات+يحلفون كذب
اجتهد في عملي نقلوني الي وظيفه اخره غصب عني لكن ادراري اكثر جهد من الاوله
سكت عنهم مقابل ابي شغلي ابي يتجدد عملي اشوي اشوي ماقدرت اتحمل
مضايقات اشتكيت وزاره العمل جت لكن ماستفدت غير زادت الطين بله
الجهات الحكوميه لايوجد منها تفاعل
يقال السعودي مايشتغل
انا نموذج مجتهده بعملي من كل النواحي ماعندي لعب ولاشي
اتعلمت ثاني مره يعني خلال سنه انتقلت لوظيفه ثانيه لجهد اخر
المدير يهددني راح يعطني تقيم مو زين عشان اتعبته من ناحيه شكواي للوزاره
مو عشان جهدي وتعبي
اي ظلم اللي نشوفه
مارح تتطور السعودي دام مافي تفاعل مافي من نروح له ونشتكي الظلم اللي يصير
تخصصي يختلف عن وظيفه اللي انا فيه مافي مشكله تعلمنا واجتهدنا
رحت لمحامي وقلت له يقولون افضل تسكتين راح تنفصلين من عملك مارح تستفدين
لان وزاره العمل ماتسوي شي
ان الشركه له الاحقيه بتجديد العقد ام لا سواء تقيم زين او لا
رويه المملكه راح تكون فاشله اذا ماقضو علي الفساد مكان
وظيفتي انا اولاء فيه من الاجنبي

متخرجه من البكالريوس لي 6سنوات

حسبي الله ونعم الوكيل
اختكم المظلومه

مميز الاحساء 14-12-2016 10:02 AM

رد: ظلم ضغوطات في عملي مقابل تهديدي عدم تجديد عقدي
 
وعليكم السلام ورحمة الله وبركاته

اختي للأسف هذا الحاصل عندنا نظام لا يحمي المواطن من ضغوطات العمل وغيرها

وللأسف ليست الوحيدة بهذا الشأن بل ممكن أغلب المواطنين يعانون مثلك وممكن أكثر من ذالك

وهم كذالك للأسف الشركة لها الأحقية بتجديد عقدك من ألغائه وهكذا

أنا وأنتي والكثير منا ما لهم الا الدعاء أو أنشاء عمل خاص فيك وهذا الشيء صعب وليست مستحيل

وفي النهاية الله يكون الجميع

ونقول الحمدلله ع كل حال


وفق الله الجميع

نسماات 15-12-2016 12:20 PM

رد: ظلم ضغوطات في عملي مقابل تهديدي عدم تجديد عقدي
 
حسبي الله ونعم الوكيل ظلم

عذاب الجرح 04-01-2017 10:46 PM

رد: ظلم ضغوطات في عملي مقابل تهديدي عدم تجديد عقدي
 
ياناس الحل اطردو الاجانب من الشركات هذا الحل البلد بلدنا لايجي واحد ويقول انت جالس تحرض لا انا ابي كل شيء سعودي ابي اروح كل مكان احصل السعودي شغال والاجنبي مع السلامة الا عدد محدود بس في تخصصات نادرة الباقي للسعودي وهذا بلدنا

الى متى ساكتين ؟؟ وين وزارة العمل وين القوانين لازم كل شركة يكون عدد السعوديين فيها اكثر من الاجانب لازم لازم

9afwan 05-01-2017 05:59 AM

رد: ظلم ضغوطات في عملي مقابل تهديدي عدم تجديد عقدي
 
اقتباس:

المشاركة الأصلية كتبت بواسطة عذاب الجرح (المشاركة 8959430)
ياناس الحل اطردو الاجانب من الشركات هذا الحل البلد بلدنا لايجي واحد ويقول انت جالس تحرض لا انا ابي كل شيء سعودي ابي اروح كل مكان احصل السعودي شغال والاجنبي مع السلامة الا عدد محدود بس في تخصصات نادرة الباقي للسعودي وهذا بلدنا

الى متى ساكتين ؟؟ وين وزارة العمل وين القوانين لازم كل شركة يكون عدد السعوديين فيها اكثر من الاجانب لازم لازم

يا رجال تكلم من هنا إلين بكرا
محد فايدك : )

رائد محسن 08-01-2017 01:30 AM

رد: ظلم ضغوطات في عملي مقابل تهديدي عدم تجديد عقدي
 
..

أولاً يا أختي مثل هذي المواقف حصلت لموظفين وموظفات سعوديين كثير واللي هو التعرض للمضايقات من قبل الأجانب في بيئة العمل

لأسباب تخصهم أحياناً بسبب خوفهم على مراكزهم الوظيفية من المجتهدين أمثالك وأحياناً حقد وحسد وأحياناً عنصرية يشوفون أبناء جلدتهم أولى من السعودي اللي عايش على بحر من البترول وإذا انفصل من هنا بيلقى شغل في أي مكان يروح له وهو إذا تم الاستغناء عنه فبيرجع لبلده وهو اصلا شارد منها ومن الاوضاع الاقتصادية السيئة فيها وغيرها من الأسباب

فأنتي من الواضح تعملين في بيئة لا تقدر الاجتهاد والمثابرة بل تحاربهم ومثل هذي الأماكن تكون غير صالحة للعمل والاجتهاد وأن الواحد حتى يأمل خير فيها بأن يكون هناك تطور في وضعه الوظيفي أو يكون له مصلحة أو حتى على الأقل تقدير للي يسويه

تمنيت منك أنك ما اشتكيتي على مكتب العمل على طول ، كان رفعتي خطابات للمستويات الإدارية العليا اللي فوق مديرك المباشر بالعمل تثبتين فيها اجتهادك بالوسايل المتوفرة عندك وتشكين فيها المضايقات اللي صايره لك وإذا ما حصل استجابة من قبل الشركة وقتها تروحين لمكتب العمل

ولكن دام صار اللي صار واذا الوضع بيستمر على ما هو عليه فنصيحتي لك انك تقومين بواجباتك الوظيفية بدون ما تكلفين على نفسك حتى تضمنين بقائك في الوظيفة مؤقتا وفي نفس الوقت ابدأي بالبحث عن وظيفة ثانية خلال هذي الفترة دام ان الوضع وصل للتهديد بعدم تجديد العقد فضلا عن المضايقات اللي تصير لك مالك ومال وجع الراس

اسال الله لك التوفيق في حياتك العملية وأن ييسر أمرك

..


الساعة الآن 09:48 AM

Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين