اشوف الامر متشعب واسبابه متعدده مايمكن نحصرها بالتجار ممكن يكون من اهم الاسباب التاجر
لكن في كثير من الاحيان يكون المشكلة في بيئة العمل مع الموضفين (الاجانب) التاجر بعيد عنها او مبعد
اغلب الي اسمعه مضايقات بالكلام او رفع صوت او تكتم على معلومات حتى ماتكسب خبره وتوصل احيان للطقاق والتحرش
لااسف عند الحريم وكلنا شفنا فديو عامل محل ملابس وهو يتحرش بموضفه الله يغنيها من فضله ويكفيها شر الاختلاط
والحل اشوف انه لازم يكون فيه ردة فعل من اول ماتحس انه احد غلط عليك بشكوى (داخل)المنشئة واذا مافادك مديرك
روح للي اعلى منه حتى يكون لك هيبه اما اذا بتسكت وتقول محتاج راتب هم اذا شافوك كذا ممكن حتى يمسكونك الباب ولا
يعطونك راتبك او شهادة خبره او يخصمون من راتبك ولا طقولك خبر لان عارفين انك على نياتك
بالنسبة لي اوفق بين طبيعه العمل والتعامل مع الموضفين يعني طبيعه العمل مريحه اجازة يومين مافي اي ضغط بالعمل
لكن تعامل المدير سيئ واحيانا طبعا نادر يجي خصم من الراتب في ذا الحالة اقول قلعه الخصم وقلعه المدير اهم شي انا مرتاح
ببيئة العمل لكن بعض الموضفين كرف بالعمل وراتب قليل ويجيك اجنبي يكمل الناقص ومتمسك بالوضيفه او ساكت عن الي يصير
لعيون الراتب انت كذا تكسب الراتب لكن تخسر صحتك والخيار لك والله اعلم