12-12-2017, 09:47 PM
|
عضو نشيط
|
|
تاريخ التسجيل: Mar 2015
المشاركات: 136
معدل تقييم المستوى: 19
|
|
|
رد: تجمع المتقدمين على وظائف جامعة الامير سطام بن عبدالعزيز
يا اخوان وش تنصحوني اسوي احس انهم ظلموني اسمعوا السالفه والله شي يحز بالخاطر
الجامعه وقت الاختبار والمقابلة كانوا يرسلون لي في 3 اماكن جوال وايميل واذا سجلت دخول ببوابة التوظيف الاقي تنبيه في الاشعارات
وقعدت انتظر النتايج واشيك في ال3 اماكن وفوقها حسابهم بتويتر وموقعهم اخر الاخبار المهم اتصلت عليهم قبل يومين قالوا لي وينك بدري الناس توظفوا وانت توك تسأل
قلت له اللي قابلوا معي قالوا لي بيجيك رسالة وانا ما جتني رسالة
قال وش رقمك قلت له موبايلي
قال ايه فيه مشكلة برقمك عشان كذا ماوصلك شي
قلت طيب الايميل ولا خلاص بوابة التوظيف اخر اشعار فيها المقابلة الشخصية بس
قال فيه مشكلة بنظام الارسال ، قلت له توك تقول المشكلة برقمي قال قصدي بالنظام
قلت طيب مافي اعلان لا في تويتر ولا بموقعكم مع انه حسابكم نشط ويغرد بشكل يومي قال طيب عطني سجلك المدني اشوف وش كانت نتيجتك
وطقطق بالجهاز قال الله يعوضك انت كنت احتياط وبعييييد مره قلت كيف بعيد والمقابله كانت مع 7 بس قال انا طالع لي احتياط قلت ومكتوب بعيد قال لا بس احنا استعدينا الاحتياط الاول والثاني وانت محد استدعاك معناه بعيد
كلامه ما اقنعني والله خسرت على الفنادق ورايح جاي 1000 كيلو مرتين اختبار ومقابله والله لو جتني رساله كان عادي بس كذا الواحد يقعد يوسوس
|
العرض العادي
