مطعمي قارب على التقبيل ابغى رايكم

[سبحان لله وبحمده]

تواصل معي يالغالي ولاني بذاخر شي ينفعكم 0533330322

[مطور مواقع]

قلص راتب الكاشير ليه ياخذ 4500 عشان ابوه صاحب المحل وانت اللي دافع اكبر فانت الخسران الاكبر وغير الكاشير اول خطوة

بعدها قلص عدد العمال الى 5 الباقين انقل كفالتهم واخذ منها فلوس واستفد فيها وبعدها المشتريات انت وقف عليها السوري مايعرف بادارة المحل واضح انه داااج ولا احد يشتري اغراض مطعم مفرد بتطلع خساره لازم جمله ولا كيف تربح

بعدها انت وقف على المحل واضح فيه تسيب الشاورما تشتغل وانت في مكان فيه حركه وواضح فيه لعب بشكل كبير اوقف اسبوعين وشوف وين الهدر بنفسك وبعدها طلع السوري من المحل واستلم الادارة بنفسك السوق فيه ركود صحيح لكن ماهو الركود اللي يخليك تقبل المحل


المطاعم فيها خير لكن تبيلها واحد صبور اعرف واحد فتح مطعم قبل سنه والان بيفتح فرعين ماشا الله وهو واقف على راس المحل


لاتخسر فلوسك ومحلك وتعبك عشان السوري خلك واقف بمحلك السوري ماعليه ولده موجود ولاهامه شي

[مطعمي]

المشاركة الأصلية كتبت بواسطة مطور مواقع

قلص راتب الكاشير ليه ياخذ 4500 عشان ابوه صاحب المحل وانت اللي دافع اكبر فانت الخسران الاكبر وغير الكاشير اول خطوة

بعدها قلص عدد العمال الى 5 الباقين انقل كفالتهم واخذ منها فلوس واستفد فيها وبعدها المشتريات انت وقف عليها السوري مايعرف بادارة المحل واضح انه داااج ولا احد يشتري اغراض مطعم مفرد بتطلع خساره لازم جمله ولا كيف تربح

بعدها انت وقف على المحل واضح فيه تسيب الشاورما تشتغل وانت في مكان فيه حركه وواضح فيه لعب بشكل كبير اوقف اسبوعين وشوف وين الهدر بنفسك وبعدها طلع السوري من المحل واستلم الادارة بنفسك السوق فيه ركود صحيح لكن ماهو الركود اللي يخليك تقبل المحل


المطاعم فيها خير لكن تبيلها واحد صبور اعرف واحد فتح مطعم قبل سنه والان بيفتح فرعين ماشا الله وهو واقف على راس المحل


لاتخسر فلوسك ومحلك وتعبك عشان السوري خلك واقف بمحلك السوري ماعليه ولده موجود ولاهامه شي

الله يجزاك خير والله كنت محتاج اسمع الكلام هذا لأن فكرة التقبيل كانت تراودني
الله يكتب اجرك

[مطور مواقع]

المشاركة الأصلية كتبت بواسطة مطعمي

الله يجزاك خير والله كنت محتاج اسمع الكلام هذا لأن فكرة التقبيل كانت تراودني
الله يكتب اجرك

حاضرين وانا اخوك ارسلي رقمك ع الخاص بنضيفك بقروب للمطاعم تستفيد اكثر وبتعين خير اذا مسكت محلك

[بدر المزمومي]

أول شيء تسويه أنك تحاسب الشخص اللي يشتري العصيرات والمواد بالحبة !!!!!
ثاني شيء المحاسب أبو 4500 الله لا يهينه يدور له شغل غير محلك أو نقص راتبه فيه عمال يمسكون الكاشير بـ 2000 ريال او 2500 بالكثير و قلص عدد العمالة عندك ( اذ كنت تشوف انهم كثير والبقية يقدرون يغطون الشغل )
ثالث شيء انت و شركائك الله لا يهينكم تتناوبون في استلام حساب المحل ( أوقفوا على حلالكم )
رابع شيء كل أحنياجات المحل توفرها من محلات الجملة ولا تشتري شيء ابد قطاعي
خامس شيء كلم راعي العمارة انه ينقص بالأيجار و حاول تقلل أي يشء يهدر عندك بالمحل و ينرمي
سادس شيء و أهم شيء ركز على جودة المنتج اللي تقدمه
( يمكن الطعم مو كويس أو التغليف أو العمال في غيابكم وصخين معليش على اللفظ ) حاول تسوي عروض مثلاً ثلاث و واحد مجاناً

أكبر خطأ انت سويته أنك سلمت محلك للعمال (أنا ما استنقص منهم ولا أقدح في أمانتهم ) لكن مستحيل الموظف يحرص على العمل مثل صاحبه




هذا اللي دايم نسويه احنا يالسعوديين نفتح مشاريع بمبالغ كبيرة و نسلمها الاجانب بالراتب و الشغل يكون تعبان
فتره و يجي نفس الاجنبي اللي كان شغال عندك ياخذ المحل منك ايجار بـ 3000 او 4000 و يشغله شغغغغل جباااار


الخلاصة

" أوقف على حلالك "

[shahd-fahd]

شيل فكرة التقبيل من راسك اكثر شي ماشي عندنا بالسعودية هو المطاعم عشان تنجح وتثبت نفسك يبي لك صبببر
اهم شي في نجاح اي مشروع جديد الدعااااااايه ثم الدعايه ثم الدعايه اعلن عند المشاهير حتى لو يكلفك راح تطلع ضعف اللي دفعته مع الدعايه ثم شي العروض المستمرة اللي تكسب فيها الزبون اذا فيه مجال دخل خدمة التوصييل عندك بعد اوقف على حلالك بنفسك تتناوبوون انتم ثلاثة تكاتفوا مع بعض لين يقوم المشروع وفالك التوفيق ...

[قلب العالمي]

محلك وين اي حي؟

نصيحة حاول تنزل الايجار بالتفاهم مع المالك وقله تنزل الايجار او ابطلع لاني خسران
واكثرهم يتمسكون بالمستأجر !!!! لان العقار الان في ركوووود شديد وعماير كثيرة لم تجد مستأجرين !

[معهد رياده]

المشاركة الأصلية كتبت بواسطة مطعمي

السلام عليكم
في البداية أحب أشكركم على مواضيعكم حيث انها هي السبب الرئيسي الي حمسني أفتح مطعم.
عشان توضح الصورة أكثر
الشركاء في المطعم هم ثلاثه انا وصاحبي وشريكنا السوري
كل واحد منا دفع 150 الف الا السوري دفع 100الف يعني المجموع 400 الف.
المطعم عبارة عن شاورما,مشويات,بروستد,فطائر وعصيرات
أجار المطعم ب 100 الف في السنة.
تجهيز المطعم أخذ سنة كاملة مع رخصة المحل.
عدد العمال 13 وقلصناهم بعد اول شهر الى 9.
رواتبهم شهريا 23 الف.
اجار سكنهم 20 الف سنويا.
إدراة المطعم والمشتريات مسكها السوري بس بدون مايداوم يعني يشرف عليهم كل يوم او يوم ورا يوم وابنه كان المحاسب براتب 4500
الإفتتاح كان قبل رمضان بأسبوع تقريبا وكانت المبيعات 1900 يوميا
بعد مادخل رمضان قلت المبيعات الى 400 في اليوم واحيانا اقل
كنا متوقعين الدخل يكون ضعيف في رمضان بس مو بالشكل هذا
بعد رمضان اضطرينا ندفع انا وزميلي رواتب العمال الي هم 13 ثم قلصناهم
شهر 10 كان الدخل مايتجاوز 700 يوميا
واضطرينا للمره الثانية انا وزميلي ندفع رواتبهم وخوينا السوري مامعه شي.
شهر 11 ماقدرت نقس الشي دفعنا انا وزميلي رواتبهم
الشهرين الاخيره كانت المبيعات مابين 900 الى 1100 واحيانا في الويكند توصل 1400
بس الشهرين الاخيره ماقدرنا نعطيهم الرواتب بحكم المشتريات.
طبعا انا ماكان عندي خبره في المطاعم ولا ادري من وين يشترون المواد الغذائية للمطعم
بعد ماشفت الفواتير انصدمت ان كل الأغراض تاكون من بنده او كارفور او العثيم
والمشروبات يشتريها المحاسب بالحبات احيانا , تخيلوا يعني يشتري 15 حبة بيبسي 10 سفن...الخ
سألته عن النقطه قال مافيه فايدة بس عشان اذا طلب الزبون يكون موجود عندنا
كلمت السوري أكثر من مره لكن لاحياة لمن تنادي
تخيلوا المشتريات يوميا ماتقل عن 500 ريال والمبيعات تكون 700 او 800 واحيانا اقل

الي لازم ندفعها الحين
1- 100 الف اجار السنة هذي سته شهور راحت وداخلين في سته شهور جديدة
2- شقة العمال 10 الف
3 رواتب العمال لمدة شهرين مايقارب 43 الف

كلمت صاحبي وقلت له لازم نقلص العمال ونشوف اداراة جديدة يكون موجود في المحل دائما ونراجع المشتريات لأني سمعت ان الربوه وعتيقة يبيعون بأسعار رخيصة؟
قبل لا انسى سوينا مره عرض للشاورما خصم 50% لمدة يومين ووصلت المبيعات 2700 بس اليوم الثالث رجعت ل 900

المعذرة الموضوع مو مرتب بس افكاري تلخبطت والله صرت ماعاد انوم الليل
كل يوم افكر وش بنسوي جاني أرق
وأكفر أقبل قبل لا أتكبد خسائر إضافة!
أتمنى ماتحرموني من نصايحكم

الله يجزاكم خير

وعليكم السلام

تصدق قريت الموضوع كامل ورجعت لاول صفحه والاخوان ما قصرو في ردودهم الله جمل حالهم وحالنا يارب

عموما مشروعك للامانه فيه ان ومتلخبط لاخر حاجه بسبب عدم وجود اداره جاده حول المحاسبه ومصاريف المحل وعندك عجز مالي تقريبا160الف

نشوف اسباب فشل المشروع ؟؟؟؟

ارجع على دفتر الحسابات والجرد هذا اذا كان موجود

1_شيك على دخل المحل بالكامل من اول افتتاحه الى لحضه تقفيله

2_شف مداخيل المشروع كامل

3_شف مصاريف المشروع من رواتب العماله والاجار والكهرب والبضاعه

بعد ما تطبق الخطه الاولى والثانيه والثاللثه راح يطلع معك اما عجز او مبلغ فائض(الفايده )

(اذا كان المبلغ فائض وغطى النزامات المحل بالكامل فاعرف ان مالك مسروق )

اما ااذ طلع معك عجز فرنجع لاسباب فشل المشروع

1_عدد العماله اكثر من الازم
رواتببهم عاليه جد اجل محاسب راتبه 4500 معليش حتى السعودي ما لقاها

2_اجار اامحل 100بالسنه قسم بالله كارثه حاول معه باقل من كذا

3_ السكن غالي جدا كنه فندق حاول تشوف لك سكن بارخص من كذا حتى لو بعيد

4_سعر البضاعه عن طريف الفواتير اذا عندك تختلف من صاحب الجمله وصاحب بنده السعر يختلف كثير او ان هناك بضاعه غير لازمه للمشروع اصلا مجرد ايضافات بس
واحياانا الواحد يلاقي عرض مغري ويشتريلك منها كراتين ويتفاجا بان الصلاحيه بتنتهي بعد 10ايام ويرجع بعد 10يشتري بفارق سعر العرض بشي قليل هنا خسارة مال بسبب كلمه عرض مغري






زبده مشروعك

شف مداخيل المحل من لحضه افتتاحه الى تقفيلته (اجمع مداخيله)

شيك على عدد العماله المتواجده بالمحل (واجمع رواتبهم )

اجمع التالي (بضاعه +اجار المحل +رواتب العماله + سكنهم = ؟؟؟؟

نقصصها من مداخيل المحل ويطلع معك اما عجز او مبلغ الفائض(الفايده )


عموما تبي مشروعك ينجح

اجتمعو انت والشركاء

اجمعو المبلغ المطلوب عليكم مع راس المال احتياطي لاقل شي 3شهور

لازم يكون هناك دفتر حسابات جرد حسابات عشان الكل يعرف اللي له والي عليه

واقترح عليك انت وصاحبك السعودي ما يتقفل درج المحاسبه الابوجودكم

لازم مراقبه المحل بشكل يومي سوا انت او الشركاء بالاتفاق بينكم بالايام

ضخ مبلغ كبدايه في الدعايات والاعلانات واالعروض



قصه التقبيل ابعدها لاسباب اول شي الشعب يادوبهم يصرفون على انفسهم

ولوجاك تقبيل ما راح يغطي قيمه النسب المشتركه بينكم ولا يغطي بعد رواتب العماله


عموما هذا الي طلع معي والله يكون في عونك المهم لازم احد يضحي بينكم يالشركا ويدفع واستخير واستشير ومن سال ما ضيع

كان الله في عونكم واالله يوفقكم يارب

[بن زيد المدينة]

الله يوفقكم وييسر اموركم ويرزقكم الرزق الحلال ويوسع لكم الرزق

ماشاء الله تبارك الله، الشباب كفو ووفو

نصائح واقتراحات في محلها
ما ازيد على ماقال الشباب، فقط خذ اجازة من عملك اقل شيء شهر او اسبوعين وزميلك مثل، وكل يوم يكون هناك اجتماع بينكم ونقاشات عن الملاحظات على المحل، وبعد انتهاء الاجازة تتناوبون على المحل حتى يطلع مثل قبل وافضل بالمبيعات، هناك خلل كبير وواضح، بخصوص المشتريات، اذا كان قريب اكتشفت انهم يشترون من بنده ومحلات المفرق، اجل متى سوف تكتشف ماذا يشترون وهل فعلاً يحتاجها المطعم ام لا.

لذلك الله يسعدك اجعل القلم لايفارقك والورقه وكل شيء اكتبه من ملاحظات وفي نهاية اليوم اجلس مع شركاءك وكل واحد يبدي ويدلي بدلوه.
المدخلات والمخرجات دقق بها، واكتشف نقاط الهدر والتسيب والتعامل والنظافة والتسويق، حتى رأي العملاء والزبائن مهم، اقل شيء اسبوع وقت معين من اليوم اجلس على باب المطعم او الكاشير وبابتسامه أسأل زبائنك عن رأيهم بالمطعم وماذا يرون او يريدون بالمطعم.

ربي يوفقكم وييسر اموركم وبالتوفيق والنجاح...

[خبرة تجارية]

شوف وأنا اخوك .. كل الردود الله يعطيهم العافية موفقه ولكن لي وجهة نظر اخرى
شوف وانا أخوك بالبداية كل شغلكم من التأسيس غلط .
المفروض الحصص متساويه واذا السوري ناقص عليه 50 الف المفروض تاخذون ورقة عليه عليه 50 الف لكم
لان موب معقول كل واحد يدفع 150 وهو 100 يا تتساوون كلكم يا تسلفونه.
في الموقف اللي انت فيه مع خويك المشروع كله خسارته عليكم.

السوري ليش ما يداوم يوميا ً على راسه ريشه مثلا موب شريك .. يعني بالعربي عنده شغله ثانية غيركم
الغلط الأكبر والأفدح تعيين ابنه براتب 4500 ريال
الراتب مبالغ فيه كمحاسب وغير كذا ما يفهم بالشغل وجاب فيكم العيد
طبعا السوري الاب ماله راتب لانه محمل الراتب حقه على ابنه يعني بالعربي لاعب عليكم.
من كل جهة لاعب عليكم.
ويكفي ان طريقة الشراء واضح انها تلاعب كيف مطعم مافيه مواد اوليه .. معروف في اشياء تشتري جملة لانها ما تخرب بسرعه يعني بالعربي اكلكم اياها واللحين خسارتكم عليكم.
4500*12= 54000 ريال يعني رجعت فلوس السوري اللي حاطها باقي له شوي بياخذها اذا قبلت المحل.
وبالاخير انتم خسرتم لا لكم راتب ولا لكم شي وفوقها تدفعون له من التقبيل. وهو تجربه لا راحت ولا جت بيروح يسوي مشروع ثاني مع ناس ثانية.

اللحين دفعتو من جيبكم وهو مادفع .. طيب اللى دفعتوه تراه التزام عليه لان لكم حصة لازم يسددها لكم.
اللحين فلوسكم هذي الرواتب والسكن رايح عليكم لان حضرته طالع برا الحسبه بحجة من وين لي.

ترا السوري اذا اشتهي طلع فلوسه من تحت الارض بس وش عليه منكم شافكم ماغير دفع دفع.

شوف يا عزيزي من الأخير مشاركتكم لسوري اكبر نكبه .. السوري يمصك مص ولا يعطيك شي موب زي الاردني ولا لبناني. واتوقع تصرفاته واضحة كيف يشوف مشروع حاط فيه كل شقاه يخسر وقاعد والله يموت السوري ولا يروح ريال منه ..

انا اعرف السوريين زين وموقف التعامل معهم بكل شي لانهم خونه في االتعامل التجاري. ما ينفعون بقرش ولا تستفيد من وراهم بقرش.


نصيحة احصر كل قرش دفعتوه انت وصديقك وتعال قله بنفك الشراكه وكل واحد بيروح لحال سبيله
بيطلع لكم فلوس شوف وقتها وش بيسوي والله بيقولكم خلاص خلوني اديره وماعليكم بالشهر اعطيكم نسبة.

السوري ما يتعايش بالشراكة مع سعودي.

بخصوص ايجار المحل كلم راعي العقار انت لا تكلم احد غيره تراهم يتجاوبون مع السعودي وينزلك من الايجار.


وافصل ولده وجيب لك مصري محاسب وخليه علي راس السوري والله يطلع لك الاول والتالي