الخدمة المدنية : وظائف وهميه وتكرار اسامي من عام 35 والله مافينا خير ان سكتنا !

[نظرة باهتة]

المشاركة الأصلية كتبت بواسطة اتمنى النجاح

مادام الاعلاميين
والناس بشكل كبير مو معطين موضوع الخدمة المدنيه اهتمام فماراح احد يتجاوب معاه
انت شوف الترند بتويتر تحصل الموضوع ياعن كوره ولا عن الحريم ولا فضيحة واشاعه بالمجتمع
غير كذا ماحد درا عنك

غريبة ماترشحت كم نقاطك ؟

[عادل الخمعلي]

المشاركة الأصلية كتبت بواسطة نظرة باهتة

السلام عليكم
اصلا انا غاسل يدي من يوم يحطون اختبار تقييم١ مساوي لشهادة تعبت فيها لمدة ٤ سنوات ، وبعدين تحسب عشر سنوات الاقدمية وتوقف ليش كذا ، وبعدين فيه اسماء كثيرة متكررة صادق فيها ، وفيه ناس عسكر وبعضهم قطاع خاص يزاحمنا ع المناطق وبعدها يسحب مايروح لاتقلون حسد وما حسد بس انتم تعطون الخدمة المدنية عذر ويرشحونكم وما تروحون وضيعتو فرصة لعاطل كان راح .اوكي ، اما اذا موظف عسكري او قطاع خاص عام ودرست وقدمت وجتك الوظيفة ورحت عادي هذا من حقك لاكن تجي تزاحمني وذا جت بعيدة او راتبها قليل او ...الخ وكنسلت مفروض يستبعد الطلب لمدة ٣ سنوات اقل شي ، هذا رائي

اتفق معك والمفروض خمس سنوات يحرم التقديم لانه حرم ناس تنتظر هذي الفرصة. والجهة الي تحط اعلان انها بحاجة لهذا المسمى الوظيفي وتجلس 5 سنوات تعلن وترفض كل من جاها المفروض يشوفون لها حل بعد.

[اتمنى النجاح]

المشاركة الأصلية كتبت بواسطة نظرة باهتة

غريبة ماترشحت كم نقاطك ؟

نقاطي ٦٧ لكن وش تفيد هالنقااط

لاصار الحظ معاند والواقع مرير

تكرار اسامي بوزارة كلها خرااط

الحل واضح والوزير مسوي ضرير

[عاطل0566]

يا رجال ما همهم الشعب وكل شي متوقعين منهم

الوظايف 1800 والمتقدمين 18 مليون

[ميعاد الورد]

الحين هم لما يرشحون للمقابلة لمسمى وظيفي يعني يرشحون شخص واحد فقط ؟؟؟!!! وإذا ماراح أو راح وماعدى ومادري على ايش مايعدي كلها مقابلة المهم نكمل وإذا ماعدى خلاص تظل كذا الوظيفة فاضية ويعلنون عنها في الإعلان اللي بعده ؟!

مختصر الكلام يعني قصدي مايرشحو اكثر من شخص للمقابلة لنفس المسمى الوظيفي ؟! والله هذي تخوف اذا كذا، معليش الفاهم يفهمني

[Forever]

يرشحو شخص واحد عدى عدى ما عدى يتم تأجيل الوظيفة للمفاضلة الجايه

[Forever]

المفروض كل شخص يرشح يتم ترشيح شخصين اخرين احتياط وكلهم يدخلو المقابلة واذا عدل المرشح عن الوظيفة يتم ترشيح المرشح الاول من الاحتياط واذا عدل يرشح الاخر

[سلمان6644]

باختصار اي شخص يرشح ولا يروح للمقابلة الشخصية حرمان سنتين اقل شيء

بس وزارة الخدعة المدنية مافيهم يشتغلو فالحين ينزلو اسماء مكرره لابارك الله فيهم

[إجتماعي عاطل]

اتفق معكم نظام جداره يبغاله تحسين او تغيير ياريت احد يرفع مقترح لوزاره الخدمه المدنيه وهم مايقصروا باذن الله ويركز علي هذي النقاط :

١- تفعيل الاحتياط , يعني لايتم ترحيل الوظايف ويتم شغلها بالاحتياط.
٢- الوظايف تكون عن طريقهم لان اشوف الجامعات اعلاناتهم ذاتيه وبكذا تزيد الوظايف والاحتياج. وكمان التعاقد يكون عن طريقهم.
٣- تكون المفاضلات خاصه بالعاطلين او استحداث نظام للعاطلين. او نظام خاص للموظفين المستحقين درجه اعلى.
٤- اتاحه التقديم لمراتب اقل مثلا واحد معاه بكالوريوس والمتوفر مرتبه خامسه وهو راضي يقدم عليها.

[اهلين اهلين]

انا اعتقد والله اعلم انهم ناس ما انقبلوا في المقابلة ، وقدموا مره ثانيه

الخطأ راكب في الخدمة المدنيه لما ينرفضون اشخاص في المقابلة ويخلونها شاغره وينتظرون المفاضلة القادمة انهم يضيفون الوظيفة

يفترض يكون هناك اشخاص احتياط لشغر الوظيفة