نفسيتي انعدمت

[طفشت من]

سلام عليكم ورحمة الله وبركاتة انا واعوذ بالله من كلمت انا عاطل مثل اي شاب سعودي قدمت وقدمت واكثرها رفض بنسبة للشركات عارفينها مايحتاج اقول عنها شي نفسيتي خلاص انعدمت والله اني افكر انتحر من كثر الهموم وفوقها عاطل وحالتي حاله وجماعتي ماعندهم ماحصلت وظيفه ماغير ينافخون ويقولون انت السبب طيب ليش انا السبب !! مدري حتى الجيران نفس الهرجه مدري وين اتجه فكرت اقدم على المظلات هي قدها خربانه خربانه لو يودوني الحرب مع السلامة ابغى استشهد وارتاح من الدنيا طبعا مقدم في الشرطة العسكرية ومدري هل قبلوني ولا لا سويت المقابلة وخايف من الرفض وقدمت على سلاح الحدود وايضا ماتيسرت وغيرها من القطاعات حاولت ارجع مستشفى حق النفسية لان زي ماقلت لكم نفسيتي انعدمت والله اني اكتب والدمعه في عيني ايش اسوي خلاص ماعاد فيني صبر تكفون شوفو لي حل وحسبي الله ونعم وكيل على ابليس

[QaBBvT SA]

سالفتك ما تجي الا نصف الي امر فيه انا
لاكن الحمدلله ساحب على الدنيا و على الناس و اضحك و استانس ولا فكره في احد
😂
قدم على كل القطاعات دام ما تفرق معك
بس تبي تتوظف في اي مكان و الحين بدايه السنه كل القطاعات فاتحه باب القبول والتسجيل

[طالب تقناوي]

الله يكون ف عونك ي غالي والله اني حاس فيك ومقدر وضعك
تذكرني بخوي الكبير قعد 7 سنوات عاطل بعد الثانويه اشتغل ف كل شي وكلنا فقدنا الامل انه خلاص ما راح يقبل ف شي وربك كتب له النصيب والان شفه بالامن العام عريف والتوفيق من ربك ولا هو بأحد الحمدلله ولا عليك بكلام الناس لا عمره لا ودا ولا جاب ومن عيش حياتك وبفلها وعليك بالصلاة ف وقتها وكثرة الاستغفار ، كم عمرك ؟ وش مؤهلك ؟ وكم لك سنه عاطل ؟

[MAGELLAN_TH]

يا رجال اذكر الله .. كلنا نفس الوضع

عليك بالإستغفار وبر الوالدين

والله بيرزقك ان شاء الله

وطنش العالم المحبطة ترى ماعندهم سالفه بس يحبون ينكدون على الواحد

[طفشت من]

المشاركة الأصلية كتبت بواسطة QaBBvT SA

سالفتك ما تجي الا نصف الي امر فيه انا
لاكن الحمدلله ساحب على الدنيا و على الناس و اضحك و استانس ولا فكره في احد
😂
قدم على كل القطاعات دام ما تفرق معك
بس تبي تتوظف في اي مكان و الحين بدايه السنه كل القطاعات فاتحه باب القبول والتسجيل

قدمت على كل القطاعات ولا احد قلي من وين انت المشكلة انا اخذها في قلبي من كثر الضغط والتفكير ماعاد اتحمل ولو ضحكت بس مجاملة خلها على ربك بس

[طفشت من]

المشاركة الأصلية كتبت بواسطة طالب تقناوي

الله يكون ف عونك ي غالي والله اني حاس فيك ومقدر وضعك
تذكرني بخوي الكبير قعد 7 سنوات عاطل بعد الثانويه اشتغل ف كل شي وكلنا فقدنا الامل انه خلاص ما راح يقبل ف شي وربك كتب له النصيب والان شفه بالامن العام عريف والتوفيق من ربك ولا هو بأحد الحمدلله ولا عليك بكلام الناس لا عمره لا ودا ولا جاب ومن عيش حياتك وبفلها وعليك بالصلاة ف وقتها وكثرة الاستغفار ، كم عمرك ؟ وش مؤهلك ؟ وكم لك سنه عاطل ؟

7 سنوات عاطل الله مستعان الحمد لله انه تيسرت امورة والله شي يقهر المصيبة قبل ثلاث ايام يوم كنت في الطائف في الشرطة العسكرية علشان القبول والله وتالله وبالله عيني عينك الواسطات يبو فلان شوف ولد فلان يعني ماعاد فيه حيا لاحول ولا قوة الا بالله طبعا انا ثانوي عاطل لي 4 سنوات عمري22 زملائي توظفو واللي تزوج وانا لسى حتى جماعتي تخلو عني واحد منهم مدير موارد بشرية يقولي تعال اوضفك براتب 3000!!!!! سحبت عليه وعلى الوظيفة حقته اخ بس

[طفشت من]

المشاركة الأصلية كتبت بواسطة MAGELLAN_TH

يا رجال اذكر الله .. كلنا نفس الوضع

عليك بالإستغفار وبر الوالدين

والله بيرزقك ان شاء الله

وطنش العالم المحبطة ترى ماعندهم سالفه بس يحبون ينكدون على الواحد

والله وانا اخوك من كثر الهموم والتفكير والمصايب اللي فوق راسي ماعاد اتحمل حتى فكرت اني اروح دكتور نفسيه

واللي زاد الطين بله يوم نقلنا من البيت

[اهم شي النية]

وعليكم السلام اخوي

الحال من بعضة يااخوي انا تقريبا 6 سنوات عاطل ماقد توضفت ابداا انا ساكن في محافظة صغيرة مافيها شركات تمشي امورك بها

بس استغليت العطالة في الهروله 20 كيلو في اليوم 10 كيلو بعد صلاة الفجر و10 كيلو بعد صلاة العصر

وفي سنتين تقريبا هرولة 2000 كيلو هههههههه شفت العطالة ايش تسوي في الواحد



يعني اذا دخلت دورة عسكرية مااشيل هم اللياقة
لاكن ان شاء الله تفرج علينا

السجون يوم 26 راح يفتحو التقديم الطول 168 وشهادة الثانوية

شروط الالتحاق:

أن يكون المتقدم (سعودي) الأصل والمنشأ، ويستثنى من ذلك من نشأ مع والده في وظيفة حكومية خارج المملكة.
أن يكون حاصلاً على مؤهل الثانوية العامة أو ما يعادلها.
ألا يقل عمر المتقدم عن (17) عاماً ولا يزيد على (30) عاماً.
اجتياز اختبارات القبول والمقابلة الشخصية النهائية.
اجتياز الفحص الطبي الذي يتم اجرائه بمستشفى قوى الأمن بالرياض.
ألا يقل طول المتقدم عن (168سم)، وأن يتناسب الطول مع الوزن حسب اللائحة الطبية.
أن يكون المتقدم حسن السيرة والسلوك والسمعة، وغير محكوم عليه بحد شرعي أو جريمة مخلة بالشرف والأمانة.
ألا يكون موظفاً في أي جهة حكومية أو سبق له العمل على نظام الخدمة العسكرية.
ألا يكون متزوجاً من غير سعودية.


https://jobs.moi.gov.sa/wps/portal/d...vZ0FBIS9nQSEh/

وفالك التوفيق ان شاء الله اخوي

[طموحا]

ادع ربك وأكثر من الإستغفار

[بندر ابن محمد]

والله مثلك. انت مهون معليك شي
ايش تقول عن الا عليه سابق عام 1433
قدمة. رفضين علشان السابق
بس الصبر زين
الحمد الله قدمة و حذفوه السابق الحين مقدم. على العسكري
وانتظر مثلك. راح العمر. بس الرزق بيد الله. اسع ورزقك ع الله