هل لديكم حل لهذي المشكلة في موقع طاقات

[سرايا المرح]

السلام عليكم
فيه مشكلة مستمرة معي في موقع طاقات
اللي هي نزول إنذارات بدون سبب
انا أحدث كل اربع ايّام وأحل التدريب الاسبوعي
بإنجاز 100%
يعني تحديثي تمام
مافي طريقة اتصدا لهذي الإنذارات
لان ارفع شكوى مايردون الا متأخرين ويحلون الانذار بس بعد ايش بعد ماخصمو تخيلو هالشهر خصموا 1000 ريال
وش ذَا
تعبت من نظامهم
انا ماشية صح ليش هالانذارات الخطأ
والدليل انها خطأ منهم اذ فتحو الشكوى يكتبون في الحالة تبع الشكوى تم حل المطالبه
بس ودي اعرف منكم طريقة أسويها توقف انذاراتهم الخطأ
هل فيه برنامج قوي
علما اني أحدث من الابتوب
من فايروفوكس أخر إصدار
الله يسعد ويوفق من يعلمني كيف اتصدأ أخطاءهم
لأني متضررة منهم
كل شهر إنذار بدون سبب
وشكوى ماتفيد حلها يطول يمدي يخصمون هم ماشافوها
والاتصال بهم ماينفع اتصلت عليهم قالو ارفعي شكوى
يارب ألاقي عندكم حل
تعبت من نظامهم

[KSA-7]

وعليكم السلام
كيف طريقتك بالتحديث ؟

[hnagash]

الإخوان أن شاء الله يفيدونك

[سرايا المرح]

المشاركة الأصلية كتبت بواسطة KSA-7

وعليكم السلام
كيف طريقتك بالتحديث ؟

طريقتي ادخل متصفح فايروفوكس واكتب موقع طاقات
بعدين يفتح لي واضغط على تسجيل دخول وادخل اسم المستخدم أكون حافظته في المتصفح واكتب الكود وادخل بعدين اروح للبرامج مهام مطلوب تنفيذها واشيك عليها واطلع وأروح صفحة التدريب وادخل على التدريب وأحله 100% بعدين اسجل خروجي من صفحة التدريب وأروح لموقع طاقات وامسح المتصفح وأسجل خروجي من موقع طاقات هذا اللي أسويه دايم الله يسعدك هل تحديثي صح واذ فيه خطأ وش الصحيح اللي من خلاله ماينزل لي خصميات
علما اني ادخل كل اثنين وجمعه يعني مااتعدا 7 ايّام ابداً وشكرا لك

[KSA-7]

روحي البرامج بعدين سجل البرامج والمهام وكرري العمليه 3 او 4 مرات
وبعدها البرامج مهام مطلوب تنفيذها ونزلي تحت اختاري سجل البرامج والمهام وكرري العمليه مثل الاولى
و حدثي من متصفحين كل تحديث
فقط اعملي كذا وبلغيني اول ب اول بنفس الموضوع

التحديث مثلا حدثتي اليوم الاربعاء التحديث القادم يكون الاثنين او الثلاثاء
حدثتي الاثنين التحديث القادم يكون السبت او الاحد يعني قبل اخر تحديث بيوم او يومين

[سرايا المرح]

المشاركة الأصلية كتبت بواسطة KSA-7

روحي البرامج بعدين سجل البرامج والمهام وكرري العمليه 3 او 4 مرات
وبعدها البرامج مهام مطلوب تنفيذها ونزلي تحت اختاري سجل البرامج والمهام وكرري العمليه مثل الاولى
و حدثي من متصفحين كل تحديث
فقط اعملي كذا وبلغيني اول ب اول بنفس الموضوع

التحديث مثلا حدثتي اليوم الاربعاء التحديث القادم يكون الاثنين او الثلاثاء
حدثتي الاثنين التحديث القادم يكون السبت او الاحد يعني قبل اخر تحديث بيوم او يومين

ان شاء الله بسوي إليّ قلت عليه بإذن الله راح أقولك وش يصير معاي هنا شكرًا لك على جهودك واسأل الله أن يوفقك ويرزقك من حيث لا تحتسب