الخصم في حافز

[walef7027]

السلام عليكم ورحمة الله وبركاته
سمعت من ناس يقولون انه حافز انه في البدايه ينزل 2000ريال بعدين يصير ينقص
المشكله يجيني خصم يعني الشهر ذا نزل لي 1600ريال
بحثت سبب الخصم مافي اي سبب هل هذا طبيعي
السؤال الثاني
الحين بدخل على الدورات اللي يحطونها في المهام ادخل يااجماعة الخير على الدورات اروح لموقع هدف
اضغط بداية الدوره يردني لصفحة الرائيسيه والوضع عندهم مايطمن خصم خصم ثم شك اوت
فـ اجيبوني على سؤالي الطويل جزاكم الله خير

[Fazh]

انا مثلك مستغرب... نزل لي 1600 !!! ... قلت يمكن التسجيل الاسبوعي .. بس ما اظنه التسجيل

[walef7027]

كويس يلا ننتظر شخص عنده علم

[ساره الشمممري]

وعليكم السلام والرحمه
الخصم لانك ماحليت دورات حافز
والدورات تلقاهم بموقع دروب
اول شي تدخل علي موقع دروب وتختار تسجيل الدخول
وبعدين تختار مستخدم طاقات وبعدين ادخل اسم المستخدم وكلمة المرور
الي بموقع طاقات وتلقى دورة الاسبوع والدورات السابقه والقادمه
وتقدر من خلال التواريخ تعرف موعد كل دوره
ودايما الدورات تنزل كل سبت او احد
فالافضل انك تلتزم بالتحديث الاسبوعي
وتدخل موقع دروب لان الدورات ماتكون موجوده دايما بكشف المهام
وحافز البحث عن عمل الفين ويكون اقل اذا مالتزمت بالتحديث
الاسبوعي او ماحليت الدورات يخصمون منك ويطلع عندك انذار
وبالتوفيق لك

[تجارة حرة]

إذا كان حافز الأول أكيد ما كملت حل الدورات أحيانا تحتاج تغير المتصفح
إذا حافز الثاني هو ينزل كل 4 شهور على ما أذكر

الله يعينكم