اهل الاحساء مليت

[المشاهد]

لو كنت في الدمام او الخبر كان ممكن نساعدك بس فيها شبه اختلاط

[الرويال]

الله يوفقك ياغالية ويرزقك يارب بالوظيفه الحلوة الي تتمنينها

فيه بس لحالي مااقدر

شيلي من تفكيرك هالجملة وراح تقدرين بالمواجهة وكل عمل يحتمل نجاح وفشل مو فشل بس

طيب لو مالقيتي من بنات الأحساء او فيه لكنهم متخوفين تستمرين في اليأس

ياأختي طبقي افكارك وجربي مو خسرانه شي

وبعدين قسم الرياضيات دائماً محتاج لمدرسات خصوصيات ليش ماتستغلين هالشي ؟
والبنات يجونك لحد البيت يدرسون عندك والترم كامل 1500 ريال ارخص شي
على اربع بنات يساوي 6000 ريال بالترم

و6000 تساندك بمشروع صغير وتفكيرك واثق انه يختار المشروع الناجح

اسمحي لي مجرد رد وممكن الي يكتب غير الي يطبق لكن المواجهة هي زبدة ردي

[نوووووور]

اختي المميزه انا مثلك من بنات الاحساء ودائما ادخل المنتدى على امل اشوف وظيفه بالاحساء بس للاسف المنطقه هاي بالذات مافيها فرص وظيفيه
انا خريجة كلية تربيه وعلوم قسم كيمياء متخرجة من ست سنوات ولحد الحين مافيه وظيفة وعندي دورة ستة شهور في الحاسب الالي
وانا احس اني على وشك الانهيار من الفراغ وجلسة البيت
اذا انتي ببالك شي تقدري تساعديني فيه حتى لو في مجال التجميل او الفوتوشوب لاني عندي دورة في الفوتوشوب بس ودي اني اعرف اكثر فيه وخاصة في تصميم صور للعرايس
ما اقول الا الله يفرجها علينا