أول تجربة عمل لي ساعدوني تكفوون ياجماعه

[مجبورةأعيش بدونك]

السلام عليكم ورحمة الله وبركاته

انا يوم الاربعاء اللي طاف وجدت اعلان عن وظائف شاغره في روضة اهلية

المهم اتصلت عليهم وحددوا المقابلة السبت

المهم

بالاول كانت تقولي المديره

راح يكون وقت العمل من 8 الى 12 وراتبك 1200

قلت حلوو

قالت راح اتصل عليك اذا احنا موافقين واتصلت المغرب يوم السبت وقالت خلاص تجين الصباح وتداومين عندنا


قلت اوكيه ورحت الصباح

عطتني سجل كثير وخلصته بسررعه ثم قالت لي راح يكون راتبك 800 ودوامك من 8 الى 12 لمده شهر تجربه


قلت مو مشكله موافقه <<< ولا نرجع للبطالة على الاقل اكسب خبره


المهم بدت تعطيني شغل كثير حتى بالبيت والله اسهر لين 2 ومنتدايات انزل فيها صور الاطفال

وكل ماقالت شي اخلصه باقرب وقت

وبالنسبة اللي قاهرني العقد كل ماجينا نكتبه تكون يالطابعه تعطلت والا خلص الحبر قهرني لمده 3 ايام احنا كذ1



المهم اليوم الثلاثاء عطتني كتيب اكتبه لهم وانسقه وكل شي وخلصته بسسسسسسرعه ب 2 او اقل

وكل شي على مايرام

ويوم جيت اطلع الساعه 12

قالت لي

ماراح اكتب العقد !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!


وراح تكملين اسبوع لاني بديت بالشغل الاحد

وبدال التجربه شهر خليناها اسبوع

واذا عجبتينا اتصلنا عليك والا لا


بصراحه انصدمت من كلامها قالته يوم انا لابسه العباه خلاص بطلع مع الباب

قلت لها بعدين نتفاهم

ليه انا قصرت بشغلي




وش رايكم ياجماعه
وهي تقول هذا راي صاحبه المركز


يعني استغلوني بوقت هم مضغوطين ومحتاجين من يخلص شغلهم ويوم خلصت تقريبا شغلهم بس باقي شي بسسسسسسسسسسسسسسيط


الله يخليكم عطوني رايكم كيف الحل وش اقولها

احس ارتفع ضغطي

[مجبورةأعيش بدونك]

ايه نسيت اقولكم اليوم الصباح

يجون بنات يقدمون على الوظائف عندهم لانهم محتاجين مسائي وصباحي


المهم جت وحده شكلها تعرفها

ضحك وسووالف

وكانت تتشرط المتقدمه على الوظيفه تقول ابي الشغل صباحي مابي مسائي

والصباحي مكتفين


قالت لا انا ابي صباحي




الله يعطيها على قد نيتها

[كلام محايد]

تبين الصراحه شكلهم يستغلونكم وقت الضغط مثل ما قلتي و بعد اسبوع يقولون ما عليش تقييمك ضعيف وكذا كرفوكي اسبوع وببلاش > فين يحصلون مثلنا نشتغل بلاش ويتصلون على اللي بعدك
ولا تقدرين تحتجين عشان ما في عقد وضحكوا عليك بكلمة الطابعة خربانه وهي شغاله بس عشان ما توقعين عقد
بس اهم شي لا تنسين تطلبين منهم يشكرونك على وقت المجاني عندهم ههههههه
واذا حقيقة يبغونك تتوظفين 800 اسمها راتب سعودي في وطنه يدوام شهر
الله يعين صرنا مهزلة

[P.fragrance]

المفترض ماتبدي بشي الا بعد مايعطوك العقد
بس ان شاء الله خير وربي يوفقك فيها يارب ولايضيع تعبك

[لطوووفه]

صراحه ماادري وش اقول
الله يرزقك باللي احسن منها
خلاص توكلي على الله وشوفي نهايتها معهم اشوى كرفوك اسبوع ولا شهر
على العموم شوفي وش بيصير معك وان شاء الله تعجبيهم
اما اذا صارت بس تبي تخليك تمشين امورهم مانقول غير الشكوى
لله
عسى ربي يرزقك بـأرقى منها الوظيفه ويعطيك على قد نيتك

[الله يعيني]

واضح عندهم شغل يبونك تخلصينه لم خلصتيه استغنو عنك اذا تقدرين تسحبين شغلك من غير محد يحس وتطلعين به حتى يتورطون
وكل ماتصلو عليك وسالوك عن شغلك وينه قولي عندكم ماعندي شي ولا تسلمينهم دفاتر انتي مسويتها لانها بتعطيها الي بيحطونها بعدك
وشيلي كل شي في فصلك سويتيه
خليهم يتوهقون
سويتها قبلك مع مدرسه واخذت الدفاتر والمستويات وخلهم يحوسون والله يتصلون علي يسالوني اقولهم عندكم سلمت لكم كل شي
وهم مطفشيني حتى يحطون مصريه بدالي

[راجو القحطاني]

واضح المسخرة و الإستغلال
حاولي تاخذين حق الأيام و تسحبين نفسك
كيف تقبلين 1200 و ثم تغير كلامها بـ 800 و موافقة بعد
نفس الشئ يحدث في الشركات يأتي واحد و ينجز كل الأعمال و نشيط
و ثم يجدون حجج و أعذار و يطفش
أتركيهم أختي ما راهم غير الهم و القهر

[خبير العطور]

المشاركة الأصلية كتبت بواسطة مجبورةأعيش بدونك

ايه نسيت اقولكم اليوم الصباح

يجون بنات يقدمون على الوظائف عندهم لانهم محتاجين مسائي وصباحي


المهم جت وحده شكلها تعرفها

ضحك وسووالف

وكانت تتشرط المتقدمه على الوظيفه تقول ابي الشغل صباحي مابي مسائي

والصباحي مكتفين


قالت لا انا ابي صباحي




الله يعطيها على قد نيتها

بسم الله الرحمن الرحيم
السلام عليكم ورحمة الله وبركاته
الاخت الفاضلة اتمنالك من الله التوفيق في حياتك العملية والعلمية....ثاني شي الرزق على الله مو على البشر ..... انصحك تراجعي القسم النسائي في الغرفة التجارية وهم راح يلاقولك عمل ان شاء الله.... عموما انت نيتك صافية وعملتي باخلاص وهذا من شيم المسلمه الصادقه الغيوره على وقتها.... لا تيأسي وحاولي كمان وكمان.. وتذكري ان الفشل ليس نهاية المشوار ولكن تصحيح المسار.. وبالتوفيق

[بلاك ميوزك]

وش تحس فيه ذي......صدقيني اكبر غلط انك تسكتين لهم خير لعب عيال هو!!!
وشي التجربه اسبوع !!وشغل ببلاش بعد ...
قولي لها اذا تبوني جلست اما شغل ببلاش لا من اول ليش تداومين وتتعبين نفسك عالفاضي ..يعني تساعدينهم بوقت الزنقه وبعدها مع السلامه ... خير وين عايشين فيه !!!
صدقيني اذا سمحتي لهم يستغلونك بتندمين اسئلي مجرب والشغل هذا بداله عشره بس انتي شدي حيلك وقدمي بكل مكان واهم شي استخيري قبل لا تسوين اي شي ....

[كرستال الرياض]

معوضة خيير حبيبتي والله يكتب لك الافضل
من واقع تجربتي القصيرة بمجال العمل وهي تقريبا سنتين ونص الادارة الرجالية افضل من النسائية
انا اشتغل سكرتيرة مدير سعودي والله لو جاني راتب دبل اللي عندي ثلاث مرات وبيئة نسائية ماتركته
احترام الذات اهم من كل شي اخر