معاناة موظف بنك

[أبوفيصل 1430]

أنت إللي مثلك المفروض يجلس عند الماما
وتصرف عليه أحسن له لأنك ماسك خانة على الفاضي
وش تقول فيني اعطيك نبذه عني علك تحسّ باللي أنت فيه من نعمه

عندي شهادة دبلوم شبكات حاسب آلي سنتين الثاني على دفعتي
انا موظف في شركة راتبي 3300 ريال , متزوج وعندي بنت لا وزوجتي حامل
ساكن في شقة إيجارها 13700 ريال سنوياً
دوامي من 7 صباحاً حتى 4 عصراً, عندنا ساعة راحة
قسماً بالله ما أستفدت منها عارف ليش يا روح ماما
علشان بيتي يبعد عن الدوام 35كيلو عارف وش أسوي
زوجتي الله يعطيها العافية تسويلي سندوتشات جبن سندوتشات جبن يا روح ماما
يا دوب هي عشر دقايق صلاة وبس
أطلع من بيتي الساعة 6,30 وارجع البيت الساعة 4,30 أذا مو 5 عصراً
ومع ذلك أحمد الله وأشكره في اليوم مئة مرة أنه فكني من طلب الناس وأستعفيتي
بنفسي وبعيالي

بعد هذا كله قسم راتبي على الإيجار على المصروف إللي تشوفه حدده انت وقولي اذا
بقي شي من الراتب أعطيك إياه

عارف متى راح تحس إذا كنت مرمي في الشارع ولا في قهوة ولا تروح عند ماما
تقول عطيني حق المغسلة

يعني على الشباب إللي مثلك
--------------------------------------------

صورة مع التحية للشباب أمثالك

[مرسال14]

مهما كان كل انسان يطمح للأفضل لاتقومو الدنيا على موظف الراجحي الله يعطيه على قد نيته ويحسن اوضاعه واوضاع الجميع

[معلمة عاطلة]

الله يفرج همك

بس نصيحة تمسك بوظيفتك

ترى غير مو لاقي رياااااااااااااااااااااااااااااااال<<<<<تعرف ريال!!

الله يرزقني وكل محروم من الوظيفة

[سموو الاحساااس]

اخوي منصور احمد ربك احسن من غيرك انا موظف بنفس البنك ولو تدري وين البنك اللي اعمل فيه كان قلت الحمدلله على العافيه
والبنك في منطقة لا فيها ماء ولا كهرباء(( صحراء)) منطقة قالحه ومن ناحية العملاء انت بسلوبك تخذ حقك بدون ماتوصل للادارة

[سموو الاحساااس]

اخوي موظف مصرفي مع احترامي لرايك انت تقارن وظيفة حكومية بوظيفة خاصه
مهما كانت الوظيفة الحكومية مافي مثلها ولو ان راتبها اقل بس اقل شي الراحة النفسية
وبعدين الوظائف الخاصة تعرف ان معندك امان وظيفي و تعرف ان في اي وقت يقولك مع الباب وترى انت كل سنه تجدد عقد يعني لو تطق براس المدير قالك والله مانحتاجك حتى لو بدون سبب تطلع ولا تاخذ حق ولا باطل لو تطلع السماء
وفي واحد معانا له عشره سنوات بالبنك صار له مشكلة ماله ذنب فيها على طول فصلوه

وانا الحين را تبي يمكن يوصل 7000 بس والله لو احصل وظيفة ب نص راتب كان والله طلعت اليوم قبل بكرة

و تحياتي لك اخوي