مكتب خلدا للتوظيف ( للنصب محترفين )

[وينك يالوظيفه]

بسم الله الرحمن الرحيم .. سابداء بكتابه قصتي مع

مكتب خلدا للتوظيف

( بشارع الستين بالملز )

( مكتب النصب والغش على اصوله ) بدايه هالمكتب يدعي توظيف

الشباب وانه يدعم السعوده وهو قسم بالله مكتب نصابين وحراميه

وعلى راسهم مسئول التوظيف ( الظفيري ) ومعه السوداني السكرتير

هالاثنين والله مايخافون الله في هالشباب .. وسأذكر لكم قصص كثيره

ومواقف عشتها من خلال مراجعتي لها المكتب من سنتين ...

الظفيري هاذا ما تشوفه الا اذا دخلت بنت المركز يطلع كاشخ ويجلس

يتميلح وياخذ ملف البنت على طول ويوقع معها العقد ولا الشباب والله

ما يهتمون فيهم ولا يعطونهم اي قيمه .. مكتب مماطلات وكذب ..

وعندما توقع معهم عقد تلاحظ تلاعبهم بالعقود في اكثر من نقطه خاصه

الرواتب وانتقال عقدك من الشركه الى المنشئه اللي توظفت فيها ..

واثق ان الكثير من الشباب بالمنتدى صارت لهم قصص ومواقف كثيره

مع هالمكتب .. سآذكر لكم قصه حدثت معي وزميلي يوم كنا بالمكتب ..

اتصلوا علينا على اساس فيه مقابله شخصيه مع الظفيري مسئول التوظيف

الساعه 8.30 الصباح ونجلس ننتظره الين الساعه 11 الظهر وكل ماسئلنا

عنه قالوا بآجتماع .. دقائق الا دخلت بنت طاقه المخصر والعطر يعج بالمكتب

شوي الا هو طالع ويناديها ويدخل هو وياها المكتب !!

انصح الشباب نصيحه من قلب اخ محب لكم لا تروحون لها المكتب

وانتبهوا منه والله حراميه اعرف واحد له سنه شكاوي معهم ومطالبات

مغيرين بالعقد حقه وصارت كل المكافئات ياخذونها منه والى يومك رافع

عليهم قضيه ...... كلام كثير ومواقف يشيب منها الراس ...

لكن ماقول الا حسبي الله عليهم ونعم الوكيل

الله لا يوفقكم دنيا واخره ..

[عاطل منذو مبطي]

الله يـعطيك العـآفـيه وينك يـآوظيفـه وبصـراحـه بٌقـولك قـصتي مع الكـلاب خـلدا والظفيري اللي تقـول اللي مـسوى حـلو هو ورآسـه اللي تقـول سخـانـه

قصـتي بـدت مع خـلدا رحت قدمت عليهم وإختبرت المهم إتصلو عليه وقـالو خلاص الوظيفـه في بنك الريـاض والراتب 2800 وسالت قـلت طيب اقدر اتثـبت قـالي لا تجيب طاري التثبيت فـي البنك قـلت خير إن شـاء الله عطاني ورقـه في ظرف وقالي لاتفتحـه ووديـه شؤون الموظفـين في بنك الرياض الدور الرابع قـلت خير إن شاء الله < تخيل تشيل ظرف ماتدري وش مكتوب فيه الموهم رحت انا بنك الرياض ودخلت الدور الثالث وهو قالي الرابع دخلت على مدير شؤن البطاقات الائتمانيه وقـلت هذا الظرف لك طبعا انا مسويها حركه ابيه يفك الظرف عشان اشوف الورقه طبعا فك الظرف وقالي لا هذا للموار البشريه وقـريت الورقـه مكتوب فـيها تم ترشيح فلان بن فلان بدال واحد ثاني رحت للموظفين الدور الرابع قالي خلاص رح الدور التاسيع للاسهم وسوي مقابله شخصيه وخلصت منهم قالي تعال بكره ورحت عندهم وجلست شهر موظف وبعدها قالو خذ هذي الورقه ووديها مؤسسة خلدا ووديتها بس فتحتها المره ذي مكتوب فيها نحن غير موافقين على توظيف الشخص ونطلب منكم تشريح موظف آخر يعني نصابين طبعا مريت السيكرتي اللي تحت واخذت ظرف بنك الرياض ورجعت الورقه فيه ووديته للظفيري الحلو < وائل كفوري وقـلت هذا من شؤن الموظفين قراه ووبعدين إرتز على الكرسي وقال خلاص رح اللحين وراح نتصل عليك ونرشحك لاداره ثانيه طبعا انا يوم قالي جلست على الكرسي قلت وش اخبارك قـالي سم قـلت وش اخبارك الموهم طالع فـيني بنظره غريبه قـلت شوف حبـيبي إنت من اللي موظفك هنا قالي إحترم نفسك ورجاء تفضل برى قـلت الشرهه مو عليك الشرهه على اللي حاطك هنا الموهم زفـيته وجاء السوداني الثاني اللي في المكتب إول ماتدخل يسار قالي وشفيه قـلت اصل من شفت شركتكم اللي كانه مصنع خمور في البحرين وانا غاسل يدي منكم بس وش نسوي مافيه رقابه عليكم الدنيا كلها داجـه
وانا آنصحكم وإنصح كل واحد مايتعامل مع الشركات اللي مثل كذا واللي يبي اي معلومه عن شركة معينه الشباب هنا موجودين وماراح نقصر مع اي شخص واكيد لنا خبرات في الشركات الي زي كذا بحكم خبرة العطالـه

تحيـاتي لكم ويعطيك الف عافيه على طرح الموضوع سي يوو

[المبرمج]

أنا أحسب أنه أنا اللي صار لي قصة معاهم
أنا سمعت عن الشركة عن طريق واحد قابلته في المطار وقال لي ياخوي أنت مؤهلك زين وكل شي عندك تمااااااااام بس يبيلك خبرة قلت معلش وين الخبرة قالي في شركة عندكم في الرياض أسمها خلده في الملز بجنب باناصر للرياضة مقابل الحديقة رح لهم وهم بيوفرون لك وظيفة حسب مؤهلك بس تراهم ياخذون من راتبك مع الشركة والمكان اللي بتتوظف فيه قلت أنا ما عندي مشكلة بس أنا أبي خبرة وراتب ينفعني شوي مع الوقت اللي أبي أتوظف فيه .
لما وصلت من الدماااام ماكذبت خبر وأتصلت على الشباب كل أبوهم وقلت فيه شركة كذ وكذا وملحت شوي بس علشان نتوظف علشان الخبرة .
رحنا بس الحظ حطنا في سوداني أسمه معتز هذا كذاب نمره وأستمارة ولما دشينا عليه قال أوكي أنتو سجلوا بياناتكم في الابلكيشن وعطوني هيا قلنا ما فيه أي مانع طبعا خلصنا أمورنا عنده وقال بنتصل عليكم قلنا ما فيه مشكلة ولما أخذنا أسبوع إلا هم متصلين قالوا فيه مقابلة طبعا حنا سته شباب أتصلت على الشباب هاااااا اتصلت فيكم الشركة قالوا ايه أو بكره المقابلة .
طبعا كشخنا تقول رايحين زواج ولما خلصنا المقابلة قال كل شي تماااااااام بالنسبة لكم طبعا فيه ثلاثة من الشباب معاهم الثانوية وحنا الثلاثة الباقين خريجين الجامعة ولما أخذنا أسبوع إلا هم متصلين علشان العقود طبعا في الابلكيشن سجلنا الشركات اللي نبي نتوظف فيها ورواتب معقلولة يعني 4500 على أقل أحتمال علشان بس الخبرة وتفاجئنا أنهم يقولن هذا العقد 2500 في بنك ساب تسويق ياجماعة وين الكلام اللي نبيه من أول والكلام المعسول والترحيب قالوا ما معاكم فايدة تبون ولا فيه غيركم ألف بالنسبة للشباب الثانوية دشو معاهم أما بالنسبة لنا اللي معنا الجامعة رفضنا .
طبعا خلصوا الشباب معاهم ومع البنك بعد ما شالو نفس الظروف اللي فيها الورق الشباب خشوا البنك ولهم 7 أشهر وهم لا ليل هم ليل ولا نهارهم نهار تسويق عبر الهاتف فيز وما فيز طبعا شكلهم معاهم شهر وراح يفصلونهم ورواتبهم على الشركة 2500 ماهي حقة الدخان بس اللي يعينهم على هالشركة وأحمد الله اللي نجاني منهم
قصتي أنا وزملائي وشركة خلدا
تحياتي.

[آه يالقهر]

من قصصكم غسلت يدي من هذا المكتب

قدمت عليه من فتره طوويله وقالو لي راح نتصل عليك

وعليها الى الآن

وكل ما حاولت اني اتصل عليهم واسأل عن الوظائف يقول ما فيه الا مسوقات

اذكر اول ما جيت عندهم كنت رايحه قبل الموظفين يجون وجلست انتظرهم انا واخوي بالسياره لين ما دخل اول واحد بالأستقبال
عطاني ورقه وقال عبي البيانات وانتظري لين وائل كفوري يجي معليش قصدي منصور الضفيري علشان يعمل معك مقابله شخصيه
المهم جلست اتظر تقريباً لين عشر ونص والأستاذ ما شرف
لما طفشنا وقلت خلاص راح امشي دخلت وحده بعبايه مخصره ونظاره شمسيه وحاطه غطاء خفيف جداً
يعني تبغى توري العالم النظاره
المهم شكلها مغري بصراحه ودخل واحد من الموظفين معها وقال لاخوي لو سمحت تطلع في الصاله
لاننا كنا جالسين في غرفه يقال انها كفتريا لكنها مفتوحه من جهتين
المهم شوي ويدخل واحد دبيبه ابيضاني متنح كاشخ بالغتره
قلت له الأستاذ ناصر
قال قصدك منصور
قلت عفواً الأستاذ منصور الضفيري
انا اللي اخوي كلمك امس وطلبت اني اجي اليوم واجيب ملفي
اخذ مني الملف وجلس مقابلي
قلت له دقيقه اذا ممكن انادي المحرم
فقال ما يحتاج بوجود الأخت

المهم قعد يسألني اسأله مثل وجهه وهي جالسه قريب مني وحاطه رجل على رجل وعين الضفيري طول الوقت عليها
بعذره والله شافني تقال عجوز
وشاف الدلع والغنج والشياكه في هذيك
قعد يسألني
ليه حددتي هذا الراتب
وليه حددتي البنوك فقط
و ليه وليه وليه
المهم كان كل ما يسألني سؤال تقاطعني الاخت اللي جنبي وتجاوب ..
وسوالف وضحك معها
وكأنه يعمل المقابله معها
قال لي اقبلي بأي وظيفه ولا تتشرطين
ولا تصيرين مثل فلانه قال لي اسمها
وقال انه عرضو عليها وظيفه تحلم فيها
وبراتب خيالي
لكنها رفضت
وطبعاً نسوني وراحو يسولفون ويضحكون مع بعض
وقامت تسولف عن نفسها وطموحها وانها لو بتشتغل في شركه عاديه كان اشتغلت عند اختها
وشوي يدخل موظف ثاني ويسولف مع الأخت الجالسه ويسلم عليها ويسألها عن واحد
ونسوني ثاني
وشوي يقول لي الموظف طبعاً انتي من شكلك ما تبغين اختلاط
قلت شي طبيعي
قال خلاص انتظري مننا اتصال
واضح انه كان يصرفني

المهم قبل ما يجي الظفيري
كان فيه مكتب مقابل الكفاتريا يفصل بينهم حاجز زجاجي
لمسئول لبناني مكتوب على مكتبه اتوقع غسان
دب ودلخ تقال الدكتور غسان اللي في شاعر المليون
المهم كان فيه شباب سعودي واضح انهم متوظفين عن طريقهم
يتذمرون ويشكون واعتقد يطالبون ببطاقات او شي زي كذا
وكان اللبناني يهزئ فيهم ويهينهم لدرجه ترفع الضغط
وكأنهم يعملون عنده
وكل شوي ينتقلون من مكتب لمكتب وكأنهم تورطو معهم

بصراحه انا خايفه يصير فينا مثل ما صار لاخوي الكبير

يقول انه كان يقدم اوراقه من زمان على مكاتب التوظيف
ويعطيهم رسوم عليها
المهم يقول مره اكتشفت بالصدفه انه موظف
وبدون ما يدري
فقط كأسم ولا اعرف شلون
لكن اتوقع ان هذا المكتب يبيع اسمه لشركات توظف اجانب بأسماء سعوديين
يعني لما يجون وزاره العمل يشوفون نسبه السعوده في هذي الشركه يعرضون عليهم اسماء الموظفين السعوديين واللي منهم اخوي وهي اسماء وهميه فقط
انا ما اذكر تفاصيل القصه بالضبط
لكن المهم انه اخوي كان يحذرني كثيرررر من هالمكاتب
لكن وش اسوي
مالنا غيرها

[عاطل منذو مبطي]

ههههههههههههههههههههههههههه اما حركه يشبه الدكتور غسـآن شآعر المليـون هههههههههههههههههههههههههههههههههههههههههههههههههه ههههههههههههههههههه

زين إن ربي فكك منهم

[السالمي]

اللي حصلت معاهم قصص يجيبون اثباتات ويجي واحد منكم يروح معاي لمكتب العمل,, وماله الا طيبة الخاطر

[دبلوم سجلات طبيه]

خخخخخخخخخخخخخخخخخخخخخخخخخخخخخخ


انا اول مره اسمع عن هالمكتب

بس سوالفكم نكته

بس ممكن اعرف اشلون نصبو عليكم دام شغلوكم ؟؟ انتو وقعتو عقد يعني اكيد قريتوه ؟؟؟

[عاطله مع التحيه]

قايلتلكم
خلدااااا
فااااااااااااااااااااااااااااااااااااااااااااااااش له

[وينك يالوظيفه]

الله يجزاكم خير اثره مهب انا لحالي اللي ذقت المر

من هالظفيري الحقير وعصابته .....

بآذن الله راح نفصحهم ويصل هالكلام للمسئولين .. شله دشير وحراميه

مجتمعين ومسوين شركه .. وربي اعرف واحد يحلف لي انهم يآخذون رشاوي

خاصه الضفيري ابو راس ....... اسئل الله العلي القدير ان يآخذ حق هالشباب

من عيونهم ويبلاهم في انفسهم مثل ما تبلوا هالشباب المسكين ......

بالنسبه للاخت اللي تسئل كيف ينصبون وانتم موقعين العقد

اختي يوقعون معك عقد مبدئي وتتفاجئ بعد فتره ان هالعقد كله مجرد

كلام فاضي .. ويكملون الموارد البشريه بالقطاع اللي موظف فيه انهم

مايرسمونك عشان يستفيدون من راتبك لانهم ياخذون نصفه ...

وعندهم اساليب كثيره ما ذكر شخص جاهم الا يشتكي ويلعن الساعه

اللي قدم عليهم ........ الحذر الحذر يا آخوان ... خاصه البنات نصيحه

لهم اللي تقدم على هالشركه واكيد بيجيها الظفيري يتميلح كالعاده اتمنى

انها تتفل وسط عينه وتكرشـــــــــه .. روحوا للمكتب وشوفوا كيف يذلون

الشباب ويسحبون فيهم كل يوم .. الله لا يوفقهم

[الدمعـ 2006 ـة]

شكراً للأخوان والأخوات على هذا الموضوع

شوفو سبحان الله ربي يرزق الانسان على قد نيته

انا اتصلو علي مرة وحددو للي موعد للمقابلة واستخرت ربي في الليل وذاك اليوم اذكر خربت السيارة حقت اخووي وما قدرنا نروووح

مع ذالك ماعصبت ولآ شيء حس انة شيء عادي وظيفة راحت وربي كا فيني شرها


وبس


اتمنى التووفيق للجميع