الله يوفق الجميع يارب وماعليش ع التاخير ماقدرت ادخل اليوم عشان
اقولكم وش صار معنا اليوم لأن الموقع كان مقفل الظهر
ع العموم اللي قاله الأخ ابتوظف يعني ابتوظف نفس اللي صار معي بالضبط
قالي اكتب بسم الله الرحمن الرحيم واسمك وكيف تحفظ الملف بااسمك
وكيف تقفل الكمبيوتر ومن هالحكي يعني الأختبار جدا تاااااااااااافه
بس أنا عندي مشكله وقولوا لي وش رايكم
يوم رحت اليوم الأختبار سألت احد العساكر الموجودين قلت له
الحين وش يعطوون اللي معه دبلوم الرتبه وش هي ؟؟ قالي مافيه الا جندي
المهم انا ضااااااق صدري وكنت متوقع يعطوني جندي اول او عريف
وسألته كم مدة الدورة قال 9 شهور انا ماهمني مدة الدورة
بس انا اللي ضيق صدري ان معي دبلوم سنتين يعني هم ماراح يوظفوني
الا بشهادتي الثانوية وشهادتي الدبلوم كأني مادرست ولا يوم حتى العسكري قال لي
حرام تدخل انت المفروض عريف بيحطونك جندي بس انا والله مادريت الا اليوم تكفووون قولوا لي
انتم وش رايكم ؟؟ انا في الأنتظار

بسم الله الرحمن الرحيم

قصتنا اليوم مع مركز تدريب الدفاع المدني بالشرقية ،، دخلنا الساعة 7.30 صباحا قالو لنا وقفو على الخط طبعا اتكلم واحنا في الميدان برا كل سته اشخاص مع بعض المهم قال لنا امشو عادي واذا وصلتو للخط الابيض هروله وبعد ما تنتهون من اللفه كاملة تتسابقون والي يسبق اول من ضمن المقبولين ،،

المهم الضغط البطن عشرين مره و ضغط الصدر عشرين مره ايضا

قالو لنا روحو النادي جلسنا بعدين نادونا ورحنا غرفة خاصة ووزعو علينا ورقة الجزء الاول تعبير عن الوطن ،، والجزء الثاني السرعه في الكتابة والتنسيق والحفظ بأختصار على سطح المكتب

المهم ما علينا نادىبأسمي ورحت يمه قال لي افتح مجلد وورد ونقلنا من عنده وقال اكتب وهو ينظر الى اصابيعي كيف تكتب على الكيبورد وقال لي احفظ الملف على سطح المكتب واحفظه بأسم 998

الحمد لله عديت كل شي متفائل ولكن بعد التمارين والاختبار ضاق صدري اشوي مدري ليش

والحمد لله اول ما رجعت على البيت فتحت الموقع ومقبول ولله الحمد

تهنئك المديرية العامة للدفاع المدني علي نجاحك في مرحلة اللياقة البدنية اللجنه المطلوب مراجعتها
لجنه منطقه المنطقة الشرقية
موعد الكشف الطبي يوم السبت الموافق 1430-5-28الساعه السادسه و النصف صباحا

السلام عليكم ..

انا عملوا لي مثل ما عملوا لأخوي يتيم المنطقة , هههههه بس تصدقون ياريتني يا يتيم تعرفت عليك وجلست جنبك

اليوم باللجنة قسم بالله ضايق صدري ومحتاس , المهم يا طويل العمر بلا أمرا ً عليك ارسل إيميلك او رقم على الخاص

علشان ابغاك بحاجة ضرورية لاهنت , جعل القبول النهائي من نصيبا ً جميعا ً

بس ياشباب تمارين الضغط والبطن 20 قسم بالله تعبتني , تراني سمعت من العسكري إلي على البوابه يقول بأنه سامع بأن الدورة بشهر 10

وحنا الشرقية راح ننقل للمبنى الجديد وبيصير في حجز اهئ هئ اهئ .:*_*:. يعني يمكن ثلاثة اسابيع لأربعه على الأقل

وهم يقول بأن بالدفاع المدني اول اسبوع بالدورة يخلونك تجري " ساعة ونص " يعني لين يخيب ثناك وأي واحد يخرج عن الصف لأنه تعب """ فصصصصصصصصصصصصل على طول من الدورة """

ويقول بأنهم يقلبون مسماك الوظيفي لعسكري بمجرد انك تدخل مدينة التدريب يعني اذا فصلوك بعدها ما تقدر تروح مكان لأربع سنوات نصيحه يا اخواني اعملوا زيي انا كل يوم بأجري نص ساعه إلا ان اوصل ان اجري ثلاث ساعات كاملة

وبكذا اكون ضمن بإذن الله اني ما انطرد بسبب الجري القاسي اما بعد الأسبوع الأول فيقول بأن الجري يكوون على حسب مزاج المدرب يعني تساهيل ان شاء اللله

وبالنسبة لمدة الدورة : قال لي بأن الأداري طويلين العمر واكثرنا نكون فنيين تكون ثلاثة شهور فقط ..!؟

طبعا ً مستقربين من كلامه هو وضح لي وقال , بأنهم بالعسكرية مافي شي اسمه اتبع النظام يعني يمكن يجلسونك ثلاثة شهور ويمكن يجلسونك سنة وزياده , متى ما جاء أمر التخرج من الرياض عملوا التخرج للطلاب

وطبعا ً يستلمون حوالي 4000 وشوية لما يكونون بالدورة اكثر من الأمن العام , وبعد الدورة تختلف المرتبات على حسب مكان شغلك وطبيعته

مثلا ً الأداري اذا كنت شغال بالأدارة يقول ان الراتب يوصل لـ7000 ريااال ..! واذا كنت بالخارج حوالي 5800 <- والله بركة يزوجني هالراتب

وياشباب عندي مشكلة كبييييييرة ومتوهق فيها انا الحين نجحت باختبار اللياقة اليوم , وقالوا لي الكشف الطبي يوم السبت 28-5 والمشكلة بأني السبت الجاي عندي اختبار بالجامعة من 25 درجة شنو السواه مع العلم بأني مسجل بالشرقية وانا ادرس بجامعة الملك سعود

اتمنى اخوي يتيم يتواصل معآي علشان اشوف شنو يقولون له يوم السبت يمكن يقدر يفيدني الله يزاه خير ويرزقه بالوظيفة ان شاء الله ياارب