السلام عليكم
يا شباب ابي مشورتكم:
يا طويلين العمر عندي مغسله ملابس بس ودي اراقب العامل كم يدخل وكم يصرف
المشكله انه يسجل فواتير لغير المستعجل فقط اما المستعجل فما يسجل
طبعا يعطيك زياده على الفلوس اللي اخذها منه كل يوم 20 ريال يقول هذا مستعجل وانا اشك فيه
طبعا ابي اعرف كم ريال ياخذ للمستعجل .
اللي عنده تجربه يزودني
وجزاكم الله خير

اول مشاركة لي في المنتدى الرائع،بعد انتظار لتفعيل العضوية!!!
السلام عليكم ورحمة الله وبركاته...أحببت اخي( الشيخ منص) أن أعطيك تجربتي في المغسلة،، خذها مني لا تستطيع أن تراقب العامل وخاصة اذا كان على غير كفالتك،، ونصيحة مني لا تطفشه ثمين يترك لك الجمل بما حمل وتتوهق في ملابس الزبائن لأن سمعة المغسلة في سرعة الإنجاز وثقة الزبون في الخدمة،،لكن الحل هو الله يعافيك غذا كان عندك ثلاثة عمال مثلاً إنك تمسك قايدهم وتنفخ فيه( يعني تمدحه)حتى ما عاد يشوف الباب وتقوله انك واثق فيه وانه كذا وكذا..وتطلب منه يقسم الشغل في المغسلة( يعني واحد مثلا للمكبس والثاني للغسيل والثالث يستقبل ويسجل فواتير، يدوي او كمبيوتر) والطريقة الثانية انك تجيب واحد شغله فقط يستقبل وتريح نفسك من الصداع، ويكون من غير جنسيتهم.. وما يتدخل في اي شئ ولا يتكلم عليهم او يوجهم او يتفلسف عليهم بس شغله يستقبل ويسجل ويجلس على الكرسي الين يجي زبون او احد يدق له بوري ياخذ ملابسه .. واتمنى اني افدتك ولو بشئ يسير.

والله اخوي قمة التخطيط خطه هذي ممتازه واتمنى من الشباب اللي عنده خطط بعد يعطينا

انا صاحب مغسلة ونصيحتى لك خل العامل او العمال يسرقون واعتبرها انت مثل البخشيش لهم اهم شئ يجيب لك شغل
وترى كثر التدقيق مع العمال يطفشهم انا عمالى كل يوم يشتغلون مابين 600 و800 والله لو يسرق 200 ماعندي مشكلة اهم شي الشغل ماشي وانا مستفيد

حبيت ارد على موضوعك واقولك ترى حتى انا طايح بنفس المشكلة والمصيبة اذا شافني اقبلت على المغسلة قام بسرعة وسجل اللي يقدر يسجله وكم من المرات كشفته ولقيت عنده ثياب ماهو مسجلها لكن مااقدر اقول شي اخاف يطير الزباين ويموت الشغل وسبق اني عرضتها عليه بالايجار بس رافض يقول المغسلة تعبانه لكن الظاهر مافي حل مع العماله هذي ............................
وصاحب الرد شاعر بلا مشاعر انت كيف تخليهم يسرقونك هل انت مأجرها عليهم وتأخذ منهم مبلغ معين كل نهاية شهر او كيف تتعامل معاهم لان اعتقد صعب تحاسبهم بالفواتير وهم عينك عينك يسرقون اتمنى تعطينا طريقة تعاملك معاهم ؟؟؟؟؟؟؟؟؟؟؟؟؟؟؟؟؟؟؟

والله مشكله العمال كنت اظن لحالي وطلع الجميع مثلي
اخوي شاعر بلا مشاعر وشلون تخليه يسرق انت ماجره عليه
ولا تعطيه راتب ولا نسبه في اخر الشهر

انا اقصد انه اذا سرقنى وهو قاعد يجيب 20 الف في الشهر عليه بالعافية
اما اذا كان يسرق ولا فيه شغل هذي المصيبة
بالنسبة لى انا ما انظر اليها انها سرقة اعتبرها مثل البونص لهم واشجعهم لانه مو معقولة منكرف في الحر ويكوي ويغسل ويدير المحل واخر شي راتبة 800 وانت تاكلها باردة مبردة

المشكله لو يفهم هو وخشته كان زادو الزباين
افضل طريقه لتكثيير الزبايين وشيء
""""""""""""""""
العامل هو الاساس اذا شغله ممتاز يكثرون الزباين

والله ياخوي مالك الا الحل الي كتبه احد الاخوان

انك تجيب عامل وتخليه حق تسجيل بس وعلى كرسي
وغير كذا تقدر تستفيد منه وتتميز عن باقي المغاسل
يصير العامل هاذا يطلع الملابس للزبون الا السياره
ويأخذ منهم الملابس وكذا

ما قد شفت الخدمه هاذي غير في المطاعم

تحياتي لك