تسجيل الدخول
|
|||||||
تأسس الموقع عام
2006
Site was established in 2006
|
|||||||
| أضف رد |
|
|
LinkBack | أدوات الموضوع | انواع عرض الموضوع |
29-04-2009, 11:21 AM
|
||||
|
||||
اذبح الرجال ولا تقطع سالفته ..
سلخيرات<<<  كيفكم كلكم؟؟؟ ********************************* كشعب سعودي طبيعي نتميز بكل ماهو مميز وننفرد بكل ماهو فريد شي لانختلف عليه مهما كانت الدراسات والنظريات التي في الواقع لاتهمنا كثيرا ** سؤال بسيط :كم مره طحت في مكان عام ؟! الطيحه فالاماكن العامه انواع : زلقه بمويه على الارض وترزع على قفاك ويكون شكلك احلى لو انك لابس شماغ . تدوسين على عباتك وتجين على وجهك وفي روايه يدوس احد عليها من ورى والنتيجه خشتك والقاع في عناق مفاجئ . هذي مواقف يوميه وتصير كل يوم .. الطبيعي انك تسال الطايح لاقالك السالفه او شفته : عسى ماتعورت ؟! لكن لاننا شعب مميز فسؤالنا الاهم : عسى محد شافك !! وحسب عدد المشاهدين او في روايه حسب ارتفاع صوت الضحك يكون الم الطيحه بناء على ماسبق نفس الطيحه تختلف نتايجها باختلاف الموقف : ممكن تكون سليمه .. وممكن تعور .. وممكن تسبب شلل او عاهه مستديمه الحل : ياتضحك معهم لاصرت تعرفهم ولا تترك المكان لهم ولا عاد تدخله الا متلطم او حبذا لو تنساه بالمره . ** جربت تكون متحمس بسالفه ويرن جوال الشخص الي تكلمه ويرد ببساطه ماكانك تتكلم !! هالموقف ممكن تكون نتايجه مقدور عليها لو كنت لحالك .. مثلا عتاب بسيط لاخلص من المكالمه او حتى اقرب مركى على خشته ويصير الموقف مُحتمل نوعا ما اما في حال وجود مشاهدين .. فالانتحار ممكن يكون احد الحلول للهرب من نتائج الموقف خصوصا اذا صار صوت الضحك قوم راعي الجوال من مكانه لانه ماعاد يسمع المتصل وعدا عن السنوات الي بتنعاد فيها هالسالفه كاطرف موقف مر على البشريه , بيصير احد شروطك لقول سالفه صغييره جدا في المستقبل عدم وجود جوال لدى المستمع .. ولانه مستبعد نوعا ما عدم وجود جوال لدى احد , فالسكوت غالبا بيصير صديق مخلص لك على الاقل مامنه ضرر مثلها او يشابهها لاصرت متحمس تسولف على الوالد ولا يطلع خبر عاجل فالتلفزيون فيرفع يده ناحيتك ويقول اص اص واليد الثانيه ترفع الصوت وفجأه كل اخوانك يفرون من المكان باسرع ماعندهم ويوصلك صوت تسدهم من الضحك عليك برى , لاتقدر تلحقهم ولا تقدر تسوي لابوك شي . ** هل ممكن نسميها ثقافة الشماته مثلا .. بشوي واقعيه الموقف غالبا يضحك لكن بشوي مثاليه المراعاه ماتضر احد الاضرار الدائمه لهالمواقف تتراوح قوتها حسب بنية الشخص .. سنه .. مكانته .. نوع الشعب الشامت ومدى معرفته فيه كل ماصار السن اصغر كل ماصار الضرر اكبر .. وكل ماكان الشامت اقرب كل ماكان الالم اكثر ** نقدر مانقول شماته .. نقول يدور الضحك مثلا ؟! ** طيب والذب . بعد دوارة ضحك ؟! الاستهزاء بشي معين ولا بموقف يختلف عن الاستهزاء بشخص .. هنا ممكن تكون اقرب للؤم منها لسعة الصدر والوناسه . مره سمعت مكالمة عزيمه مو على قهوه ولا عشا لا , كان يقول لايفوتك اليوم بالاستراحة عندهم فلان اليوم خل نطقطق عليه للفجر !! اذا فلان يقواهم ولا مصيره بعد سنوات لمصح نفسي . بدون مبالغه الامر فعلا مؤذي . نتيجته : اما يكون انسان منطوي معقد .. او من كبار العيارين ظاهريا مع مجموعه من الاثار لجروح قديمه تتفاوت فعمقها .. ولو يقول راحت او ماعادت تهم الا انه يحس بحرقة القهر على بعضها اوقات ناهيك عن الكره الغير مبرر لاحد لمتسبب ماعاد اصلا يذكر السالفه . ** ممكن نقول حب الاذى ولا فرد عضلات .. او يمكن هياط .. بس المشكله انه بوجود ضحايا مايفترض يكون للموضوع القبول الدارج . واحد من اخواني يوم كان صغير كان يجي مستانس يقول اليوم طلعنا ولد فلان من الاستراحه مدمّع , طيب ليه قال يستاهل هو ضعيّف !! . ** على مقاعد الدراسه يكون لهاالمواقف مجال اوسع .. وللتحطيم النفسي اثر اكبر .. وللكره والعدوانيه منبت خصب , تثبت جذورها وبعد مايكبر يظهر لوجودها تأثير اوضح .. ومايعود فيه مجال لاصلاح الضرر او حتى الحد منه . ** من جانب ثاني .. نظرتنا لفقرات وراء الكواليس .. ولا شي ماشفتوه ولا غلطات المذيعين والمذيعات ماهي نظرة بحث عن موقف فكاهي كثر ماهي نوع من التصيّد , والضحك من قلب على الي اخطأ مو على الخطأ امي لليوم تذكر اسم المذيع الي غلط فجنازة الملك فيصل الله يرحمه , كان يبكي وبدال مايقول الملك فيصل قال فيْشل  ** برايي يحتاج الموضوع شوية تغيير .. تحسين نوعيه .. تخفيف حده .. إعادة نظر على الاقل . ** الفكره طرت يومني اسال امي على الغدا عن مرهم الكدمات .. سالتني ليش قلت لها طحت من الدرج وانا نازله موجة الضحك الي طلعت من اخواني من مجرد تخيل الموقف خلتني احس الكدمه كسر سالتني امي : عسى ماتعورتي طنشتهم وقلت مو مره بس التوت رجلي سال اخوي اهم شي خشتك وصلت الارض ولا لا ؟! وزاد الضحك قبل ارد قالت اختي الصغيره : اه يالقهر ليتني شايفتك مدري على وش مستعجله يومني نزلت قبلك عطيتها نظرة الحمدلله والشكر ولفيت وجهي وانا افكر يااااارب لك الحمد انه محد شافني  ** ملتووووش ^ ^ اشواقي دمتم  
|
|
29-04-2009, 01:02 PM
|
|||
|
|||
|
هذا اللي كتب الموضوع شكله مافيه سوق ما سلم علي رصيفة
|
|
29-04-2009, 03:03 PM
|
||||
|
||||
|
وانا مع اخوي مهايط
|
|
29-04-2009, 03:34 PM
|
||||
|
||||
|
حلوه فكرة أخي الكريم مهايط تصريفه رهيبه..
|
|
29-04-2009, 10:08 PM
|
||||
|
||||
|
|
|
29-04-2009, 11:44 PM
|
|||
|
|||
|
فعلا الموضوع اكبر من كذا بل وله اثره الكبير على نفسية الشخص وخصوصا لو كان من الناس اللي يفكر فيه كثير وانا اعرف ناس كذا وللاسف يركز على الامور السلبيه وهذا اذا استمر معاه هذا الوضع تلقاه مو طبيعي او يقولوا عنه مجنون يعني غير متمالك نفسه
|
|
29-04-2009, 11:54 PM
|
||||
|
||||
|
|
30-04-2009, 01:35 PM
|
||||
|
||||
|
|
| أضف رد |
|
(( لا تنسى ذكر الله )) |
|
|
|
|
العرض العادي
