[align=center]
السلام عليكم ورحمة الله وبركاته

أنا حابه أستفيد من خبراتكم أخواتي وأخواني

عندي مبلغ بسيط وأبحث عن فكرة مشروع صغير ,,

يعني نجيب بضاعة ونسوقلها عن طريق النت ..

بس ياليت تفيدوني ايش البضاعة اللي يمكن نبيعها غير الملابس والمكياج ...

مع خالص شكري لكم ..
[/align]

جربي شغل تغليف الهدايا

وصحون الحلى ووزعيها على محلات الحلى ترى راس مالها جلسة هادئة مع نفسك وصبر

والله يوفقك

ممكن اعرف من اي منطقه
لدي فكره بس حاب اعرف هل تقدري تسافري وتشوفي البضاعه ام الشراء والبيع كله بالنت

ادري قلتي غير الملابس

اختي العزيزة بس عندي وجهة نظر في كلامك

فكري بالملابس الداخليه وقمصان النوم فيها ربح خيالي وبيع مستمر يعني لو تروحي لابو عشره وتختاري كم طقم وتصورينهم تعالي شوفي الطلبات

ليه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ عشان خواتنا بالسوق يخجلون يشترونهم حتى لو كانو عاديات ورخيصات

اقدم لك نصيحه بسيطه المدينه الناجخه للبيع الرياض الدمام وجدة السبب مدينه كبيره ماراح تحتاج لشحن وهذا يزيد ربحك ويقلل المصاريف عليك

تحياتي ولاتقولين اقول مابي ملابس وهذا يقول ملابس

وعليكم السلام ورحمة الله وبركاته


حياك الله أختي

أعتقد ألألعاب الزوجيه تجاره رابح عن طريق النت . خصوصا ان فيه بعض المناطق لايوجد بها العاب زوجيه نهائيا لذلك يسافرون فقط لشرائها اما اذا وفرتي خدمة الشحن (كسرتي عليهم العنوه) طبعا الالعاب الزوجيه للمتزوجين فقط .


الله ييسر لك

اكثر عمل مضمون بالبيت الطبخ ياكثر اللي يحبون طبخ البيت او التدريس الخصوصي بس فيه رفعة الضغط
بالتوفيق ان شاء الله

بسم الله الرحمن الرحيم
عزيزتي بنت الأجواد
عندي لك مشاريع بس كل شي يعتمد على هوايتك
الأول/ تصميم فساتين سهره
تختارين تصاميم مميزه وملفته وتخيطينها عند خياط ماراح تكلفك ثلاث مائة ريال وإذا وفرت معها أكسسوار راقي ومميز بتبيعينها بألف وأنتي تطقين أصبع

الثاني/ إذا أنتي فنانه في الحلويات المعمول الحلزوني البسبوسه المحشيه الكرابيج الشكولاته أصابع الكنافه ؛؛تشترين لك جهاز كبس وتغلف بالحبه وتجمعين عدد معقول وتحطينها في علب بلاستيك شفافه ولاباس يكون عليها أستكر عليه أسمك رقمك والتاريخ

الثالث/ تفصيل العبايات عندك الخياطين في حجاب يخيطون العبايه بميه وعشرين وبتبيعينها بثلاث ميه والطرح خياطها بعشرين وبتبيعينها بميتين والبراقع خياطها بأربعة ريالات وبتبيعينها بعشرين وعليك الحساب وأنتي وشطارتك
أتمنى أكون أفدتك لوبشي بسيط وتحياتي لك وللجميع

اذا المبلغ جيد تعااوني مع بنااات غيرك وافتحوا مشروع لكم ...

انا سمعت عن محل كوش وافرااح لمجوعه بنااات .. في عماااال لكن الافكااااار والتصميم كله للبناااات ..

المحل نااجح ما شاااااء الله الله يبارك لهم وافكااارهم مره حلووووه ..

بالتوفيق ان شاااء الله

جزاكم الله خير أخواتي واخواني ..
كل الأفكار اللي قلتوها جميلة يعطيكم العافية ..
أنا ابغى بضاعة جاهزة لاني موظفة والتسويق ابغاه يكون عن طريق النت ..
أنا لسا أبحث والموضوع يبيله وقت ودراسة جيدة ..

بسم الله الرحمن الرحيم
عزيزتي بنت الأجواد
ياأختي إذا أنتي قادره تسوقين عن طريق النت عندك الشركات الفرنسيه مثل كولايا وغيرها أشتركي مندوبه معهم
وعندي أقتراح بسيط أول شي إذا أنتي من الرياض عندك سوق أسمه المرقب شي زي كذا عندهم جميع أنواع الملابس والساعات والجزم والأكسسوار تقليد ماركات بعشرين ريال وأقل واعرضيها في توقيعك وشوفي الزباين؛؛
والله يوفقك