خلاص وش ذا والله مصخت

المطنوخه · #1 (**permalink**) 02-05-2009, 11:16 PM

والله انها صـادقه

==================================

ما كتبت هذا الموضوع إلا من بعد ما حامت كبدي من اللي أشوفه قدامي ... ليه المجتمع الحين صاير سطحي بكل ما تعنيه الكلمة؟ أنا أعمم هالكلام على الحريم والرجال بعد بس بعلمكم أو أقصد بذكركم (لأني متأكده انه الكل ملاحظ هالشيء) باللي يصير بمجتمع الحريم بما إني عايشة بمجتمع ستاتي ... لا يقعد ينط على واحد و يقول يا مصلكم يالحريم .. تراكم انتم لاحقينا بعد..

ليه الناس صاروا يتكلفون بكل شي ... عزايم .. زيارات .. زواجات .. كل شي بمعنى كل شي؟؟ لو الوحده بيجيها أي أحد يزورها أول شي تفكر فيه وش بنحط ووش بنجيب ... لازم الحلى من المكان الفلاني ... والفطاير من المحل العلاني ... والسكر شكله كذا .. والصينية مدري وشي قايله كل ماهب و دب محطوط فيها ما بقي الا ينثرون على الأكل قليتر من الزبرقه الزايده .. ذاك اليوم أقول لأختي بجيب فطاير من المحل ( ...... ) اللي جمبنا قالت لا وع قروي ... من متى صار الأكل فيه قروي و مب قروي .. سلاماااااااات !! يازين أيام أمي كانت الدنيا بساطة كلن يزور الثاني والعشاء نواشف وان تحمسوا جابوا فول و تميس ... السالفة مب سالفة فقير و غني السالفة سالفة
بساطة و تكلف ... وكلش كوم و إذا قال لك أحد والله الناس تقاطعوا هالأيام !!! كل هذا و ما تبون يتقاطعون ؟!

ليه إذا ولدت الوحده صاروا الناس يتنافسون من يجيب الأغلى مب الأحلى ... تلقون إذا الوحده يجيها مدري كم طعش سله من باتشي واللي مثله و سعر السله الوحده ما يقل عن 500 طيب سلة سلتين بتفتحهم والباقي حراام وش تسوي فيه؟ .. ليه ما نسوي بيبي شور زي الأجانب و كل وحده تكتب قائمة بالحاجات اللي تحتاجها و تسوي زي الحفله البسيطه يجون فيها الناس منها انها ماراح يجيها هدايا الا الحاجات اللي تحتاجها ومنها انه تجمع الناس مره وحده و ما تقعد استقبل وودع طول فترة النفاس .. أكيد الناس بيستصعبونها بالبداية بس بعدين عادي بيتعودون عليها زي الحاجات الكثيرة اللي استنكرناها بالبداية بعدين صارت عادي ..

ليه البنات صايرين ماصلين و سوالفهم مره ماصله ؟؟ أكبر همهم فلانة وش لبست .. والمحل الفلاني وش نزل .. يااي مره حلو التان عليك ... كلنا بنات و نحب هالسواليف بس مب عاد تصير اكبر همنا !! من متى الوحدة حتى لو لابسة شي يحوم الكبد بس عليه اللوقو حق الماركه يصير كشخه و لو وحده لابسه مرتب و ألوانه حلوه بس مب ماركه تطلع قوقو .. ما أتذكر قبل 10 سنين كنا نفكر كذا أبدا .. وأكبر دليل على هالشي ان السعودية إذا جت تشتري شي ماركة معينه أهم شي عندها ان اسم الماركه مبين و وش كبره يعني مو شاريته علشانه حلو بس علشانه الماركة الفلانية ... حتى الصغار صاروا لازم يلبسون ماركات لو سمحتوا

ليه الحريم صاروا يحطون ميك أب بالعزاء وشو ذا استغفر الله ... حطي بشفايفك مرطب و رتبي نفسك شوي ما أقول لا بس تجين بروج فوشي ولا مناكير أحمر ... خييييييييير !!!

ليه الوحدة تقعد الليل كله لميييييين تطلع الشمس عالنت و تستخسر انها تصلي 10 دقايق قبل الفجر تدعي ربها فيها ؟

ليه الوحدة صارت كل ما كبرت تكشيرتها و ناظرت الناس بطرف خشمها صارت رزه و واو .. والوحده اللي تسلم على اللي ما تعرف ولا عالأقل تبتسم قدامه مخفه ولا معجبه باللي قدامها ... الرسول نفسه اللهم صلي و سلم عليه قال و تبسمك في وجه أخيك صدقه .... بس فيه أحد يسمع ؟؟

ليه الوحده إذا انعزمت على زواج صديقة صديقة صديقتها تدفع 500 1000 أو أكثر بعد على تسريحه بتقعد 3 ساعات هذا إن طولت بالزواج و تستخسر تدفع 100 و لا 200 على صدقة ؟؟ الناس قاعدين يموتون جوع وحنا قاعدين نضيع فلوسنا على حاجات سخيفة..

ليه بالزواجات كل وحده تناظر الثانية من بعديد و تقول منب قايمة أسلم ليه ما هي تجي تسلم علي ؟؟

المشكله لو تسألون أي أحد عن للي صاير بيقول انه مو عاجبه الوضع بس كلن يجاري الثاني و يقول مابي الناس يصيرون احسن مني انا وش ناقصني بعد. لازم أحد يبدا و يسوي شي لأن الوضع صاير من سيء لأسوأ ..
متى بنغير اللي قاعد يصير إذا كان الكل ساكت ؟؟

منقوول

جروح الموده · #2 (**permalink**) 02-05-2009, 11:39 PM

والله انك صادقة بكل اللي نقلتيه
المشكلة بالناس اللي ظروفهم ماتساعد يضطرون يجارون اللي حولهم
لا وحفلات الزواج واللي يصير فيهامن البذخ والتفنن وكل مين يحاول يكون احسن من الثاني

الله يكون بالعون

msya1988 · #3 (**permalink**) 03-05-2009, 12:05 AM

صدقتي والله
مو مهم المظهر
المهم الي في القلوب
اهم شي تكون القلوب صافية وبس

اسيرة الماضي · #4 (**permalink**) 03-05-2009, 02:03 AM

صدقتي وياليت لحد كذا وبس وينظرون للناس الاقل منهم بطرف عين وكانهم من العصر الحجري

J и ๏̯͡๏ η · #5 (**permalink**) 03-05-2009, 02:21 AM

صاااااااااادقة..
لكن هذه الحياة عش رجبا ترى عجبا

بدR · #6 (**permalink**) 03-05-2009, 02:18 AM

من ناحية التكلف وزيادة الانفاق في الاكرام
اعتقد انها راجعة لكوننا عرب والعرب يشتهرون بكرمهم الزائد
وهذة صفة حسنة -اقصد اكرام الضيف- وليست سيئة
اما من يتبعون القوم لمجرد الاتباع وليس شيمة فيهم او كرم فيهم
او ربما رياء واستعراض فلا راي لي بهم.

الباقي موجة للنساء

وشكرا علي الموضوع

استاذه مرام · #7 (**permalink**) 03-05-2009, 02:37 AM

ياالمطنوخه موضوعك

غمّد · #8 (**permalink**) 03-05-2009, 02:46 AM

تسلمييييين يالمطنوخه على الموضوع .. ومن جد هذا حال الناس هذي الأيام .. هو حلو الكرم وحلو اللبس الذوووق بس الكلافه في كل شي يخربه .. واكبر دليل طالعي في ميك اب ممثلاتنا وميك اب الأجنبيات تشوووفييين الفررررق هذيك يحليها وهذي يشينها ... صدق ان الشي إذا زاد عن حده انقلب ضده

نولة · #9 (**permalink**) 03-05-2009, 03:01 AM

اقتباس:

المشاركة الأصلية كتبت بواسطة غمّد

تسلمييييين يالمطنوخه على الموضوع .. ومن جد هذا حال الناس هذي الأيام .. هو حلو الكرم وحلو اللبس الذوووق بس الكلافه في كل شي يخربه .. واكبر دليل طالعي في ميك اب ممثلاتنا وميك اب الأجنبيات تشوووفييين الفررررق هذيك يحليها وهذي يشينها ... صدق ان الشي إذا زاد عن حده انقلب ضده

تصدقين ماكنت ادري انك تتابعين الافلام الاجنبية وممثلاتهم
خلاص صرت احبك
ماعاد بشاكسك

وجن عمري · #10 (**permalink**) 03-05-2009, 02:59 AM

صدقتي .. الناس مستخفين من تالي !!

الوحده إذا بغت تروح لناس غير متكلفين تحس إنها رايحه لبيت اهلها الثاني وتنسبط معهم وينبسطون معها ,,
لكن لو كانت رايحه لبيت ناس يتكلفون حتى بمفرش الطاولات تقلب الجلسه رسميه وتستثقل الروحه لهم مره ثانيه .. أقلها بتستحي تكلف عليهم مره ثانيه !!

أبدعتي بنقلك .. جزاك الله كل خير

تسجيل الدخول

خلاص وش ذا والله مصخت

إستراحة الأعضـاء

والله انها صـادقه

خلاص وش ذا والله مصخت