السلام عليكم
يا اخواني فيه واحد من الشباب يبي يفتح محل تصوير وطباعه بحوث
وتكون مكتبه صغيره وش رايكم بفكره وش رايكم بارباحها وميزانيتها والخ
وشكرا للجميع

حياك الله أخوي

أعتقد انها فكره ناجحه بشرط الا يكون قريب من احدى المكتبات الكبيره

اما عن التكاليف و (الخ) . ماعندي خلفيه

فكرة جميلة ... اخوي ،،
المهم اختيار الموقع المناسب..اساس لنجاح اي مشروع
طبعا.التكاليف تختلف حسب المبنى والأدوات والموقع.. والله يوفقك اخوي

فكرة شي الشي وناجحة باذن الله

اخي العزيز

مافيه احد يقولك كم راح يجيب لك

انا اقولك الخطط عن طريق تجربة بسيطه



1- يكون بجنب قسم لاي كلية بنات وركز ع البنات عندهن مكافاءات والوالد يصرف عليهن او اخوهن او المقرود زوجهن

2- يكون عندك اشتراك في جميع المنتديات التعليمية لان المعلمات والمعلمين يطبعون خطط تكون جاهزة بالمواقع التعليمية مثل الغزالي وغيرة

3- لاتشتري ماكينة تصوير اول شي لان فيه محلات اللي تبيع مكائن التصوير تأجر الماكينة بحدود 300 ريال بالشهر والحبر عليهم والورق عليك اتوقع ياخذون بالالف ورقه تصوير عشر ريال اذا ماني ناسي فوق الثلاثمية

4- اسعار الطباعة تختلف بين الملون والعادي

عموما البنات يدفعون 150 ريال للبحث ابو 20 صفحه زي الحلاوة واكثر

5- لاتعمل ادوات مكتبية بسيطه ولا شي

اعمل كونتر استقبال ووراك جهاز او جهازين كمبيوتر وماكينة تصوير

6 اقسم المحل من عند الباب قسمين وحط القسمين خشب وبابين على الشارع زي مطاعم الوجبات السريعة

عشان باب للرجال وباب للنساء


( تجهيز المحل

1- كونتر خشب او طابوق ملبس سراميك او رخام وهو الارخص والاجمل من 1500 ريال

2- زجاج امامي ( سكريت ) الفتحه بتكلف حوالي 3400 ريال يفضل زجاج مع المونيوم او حديد عشان تقدر تحط بابين فيه ارخص من السكريت

3- جهازين كمبيوتر مكتبي اطلق جهاز 1200 ريال

4- رفوف خشب مفتوحه على الحيط لحفظ الورق والدبابيس وغيرة 700 ريال على جهه وحده

5- خشب عازل بين الرجال والنساء بحدود 200 ريال

6- قطاعة ورق 160 ريال

7- دباسة كبيرة 250 ريال ودباسات صغيرة من 100 ونازل

8- تكييف حسب الحاجه

9 - لوحه خارجية

10 - انترنت ضروري للبحث


اتوقع الدخل لو قلنا صاحبك بيشتغل بالمحل ومعاه واحد ثاني يساعده الارباح بأذن الله من 3000 ريال اقل شي طبعا لازم الصبر اول 3 شهور يفضل افتتاحه الان قبل الاختبارات عشان او بداية السنة عشان العطله نايم الشغل بالموضوع الادوات المكتبية مو ضروري بمحل تصوير وطباعه




دعواتك

شكرا لكم
وخصيصا اخي تعبه وفيت وكفيت وجزاك الله خير

مشروع جيد وأتمنى لك التوفيق...

مشروع كان يلازمني فترة ... ومازلت متردد عليه
بس افكاره حلوه .... والاخ تعبئة حقيقة قدملك المطلوب على طبق من ذهب
واتمنى الله يوفقك اخوي ... بس بغيت اسئل الاخ تعبئة من وين ايجار مكائن التصوير بالمدينة المنورة

طيب اخوي تعبئة اجار مكائن التصوير موجوده في الرياض فقط ؟؟؟؟؟؟؟؟؟؟؟؟؟
ممكن تفيدنا وخاصه انا بالقصيم