وسع صدرك ^_^

حنين الرووح · #1 (**permalink**) 05-05-2009, 02:44 AM

تعال بس ولا يهمك .. و اسمع النصايح .. اللي طالعة من قلب ناصح لكم ...
لاتفكر في شيخوخة ولا كبر ولا هزيمه .. !
لكم انتم فقط .. أقولكم هذي النصايح ..
اتركوا كل اللي حواليكم .. أي شي شاغل بالكم خلّوه عنكم شوي .. حتى تخلصون القراءة !
بسم الله .. نبدأ ؟!
مستعدين .. ؟!
أولى النصايح يا طويلين العمر ..

::

خل عنك الرياضيات !! والأرقام !

الحين بالله .. العمر ، الوزن ، الطول .. ماهي بأرقام ؟!! وش لك فيها ؟!
لاتحسبها وتقول انا كبرت !!
خلي الطبيب هو اللي يحسبها .. انت مالك دخل ..
أجل وليش ندفع للطبيب .. ويجمع الفلوس على قلبه ! خله يشتغل ويحللها !
بالعربي : ل ا .. ت ح س ب .. ع م ر ك .. !
::

صاحب الأصدقاء اللي يحبون الوناسة ووساعة الصدر .

يا أخي أصحاب الهم والغم واللي يتذمرون يجيبون لك الغثا وضيقة الصدر !!
أبتعد عنهم !
( ملاحظة لك : اذا شفت ربعك ابتعدوا عنك .. حط ببالك انك من النوع الثاني .. اللي يحوم الكبد

! )
::

لاتتوقف عن التعلم!

تعلم الكمبيوتر ،الحرف اليدوية ، الزراعة ، أي حرفة .. أي شغلة ! بس تعلم !!
لا تعطل مخك أبداً .. خليه دايماً شغال !
يقولك :
المخ الفاضي .. مصنع لتكوين الزهايمر !
::

استمتع بالأشياء البسيطة !
استمتع بكل شي تشوفه .. بأكله حلوة تحبها .. بصوت عصفور عجبك .. باجتماع عائلي حميم .. بمنظر الغيوم .. أي شي ..!
عيش اللحظة الحلوة واستمتع بها ..
ليش تكدر صفو اللحظة الحلوة اللي انت عايشها .. بتذكر الهم اللي صار لك قبل يومين !!
والله انك مو وجه نعمة ! ويبي لك وش أسمه << طيب لاتدفين ..

::

أضحك ضحكة قوية ومن قلب .. !
أطلق ضحكة طويييلة و بصوت عالي ( طبعاً مع اصدقاءك .. والا يخرب البرسيتج

) ..
ضحكة تخليك تاخذ نفس عميق ..تحس معها أن كل الأكسجين اللي بالعالم دخل في كامل رئتيك !!
واذا عندك اصدقاء مرحين وتضحك معاهم على طول .. استغل الفرصة وأقضى معهم أطول فترة ممكنة ..
::

الدموع لابد منها !

تحمّل .. احزن .. و .. عدّيها !!
الشخص الوحيد اللي يستمر معاك طول حياتك هو ' أنت ' ! فلا تحمله ما لا يطيق من الحزن طول حياته !
عيش حياتك دامك عايش !!
::
اجعل دايماً الأشياء اللي تحبها حواليك ..و تحيط بك ..

سواء كانت عائلة .. حيوان أليف تحبه .. نبته ترعاها بنفسك .. هواية .. ' أي شي '!
بيتك .. هو ملاذك الوحيد .. فأجعله مأوى للاستمتاع
..

::

صحتك ..!

إن كانت ممتازة .. أحمد ربك .. و حافظ عليها ..
وإن كانت غير مستقرة .. حسنها .. واهتم بها اكثر ..
وإن لم يكن بوسعك تحسينها .. اطلب المساعدة ..
::

قل للأشخاص اللي تحبهم .. انك تحبهم .. في أي وقت وبكل وقت تسنح الفرصة ..!

ستندم كثيراً .. إن رحل عنك شخص للأبد .. وهو لايعلم انك تحبه ! لأن جرأتك خذلتك و لم تستطع أن تقولها له !!
::
وأخيراً .. تذكر .. !

الزيادة في العمر إلزامية .. ولكن الحفاظ على الشباب اختياري .. !

ودمتم .. شباب على طول ..معطرين بدهن العود

مما نآل إعجابي
وأتمنى أن ينال إعجابكم

قائد · #2 (**permalink**) 05-05-2009, 02:59 AM

صحتك ..!

إن كانت ممتازة .. أحمد ربك .. و حافظ عليها ..
وإن كانت غير مستقرة .. حسنها .. واهتم بها اكثر ..
وإن لم يكن بوسعك تحسينها .. اطلب المساعدة ..
شـكرا لك وبارك الله فيك ... لك مني أجمل تحية .