ياازين اسمك يافيصل .. !!

المطنوخه · #1 (**permalink**) 05-05-2009, 03:37 AM

السلام عليكم ورحمة الله

يسعد صباحكم .. ويحلي مساكم ..

[IMG]http://msa6el.com/vb/images/smilies/i****.gif[/IMG] .

مدخل ..

تقول فيروز :

اسامينا شو تعبو اهالينا تلائوها وشو افتكرو فينا
الاسامي كلام شو خص الكلام عينينا هني اسامينا ..

يقال : الأسماء قوالب للمعاني ..

نعبر عن أسامينا ولا تعبر عنا ؟! .. ندل عليها ولا تدل علينا ؟!

الأكيد انه كلن له نصيب من اسمه ..

في نظريه عامه ان كل مولود يجي واسمه معه .. وهذي يمكن حجه لسوء التسميه احيانا .

في الإسلام تعتبر التسميه من اول حقوق المولود على والديه , ومن ابسط حقوقه يكون الاسم حسن النطق والمعنى .

وتغييرالنبي صلى الله عليه وسلم اسم اكثر من صحابي بعد الإسلام فيه حث على اختيار الحسن من الاسماء .

يقول الرّسول صلّى الله عليه وسلّم :

{ إنّكم تدعون يوم القيامة بأسمائكم وأسماء آبائكم , ألا فأحسنوا أسمائكم }

..

تاثير الأسماء في حياة اصحابها ومن حولهم يتعدى المفهوم العادي لمجرد التسميه ..

,, يبدا باالدلاله عليهم ويمر بنفسياتهم وينتهي عند طبع معناه عليهم وعلى حياتهم ,,

بعض الأسماء تكون سبب مباشر في فشل أصحابها , كونها تولد الإكتئاب والنفسيه السيئه والانطواء وبالتالي الفشل ..

طالبه كانت معنا ايام الدراسه كانت ماترفع يدها تشارك ابد ويتلون وجهها مية لون لاحد سالها وش اسمك[IMG]http://msa6el.com/vb/images/smilies/i****.gif[/IMG] .. هالنوع نقدر نقول ان الاهل ظلموهم لو من دون قصد _ مع ان الغرابه مو شرط لسوء الاسم لكنه يشاركه العقده _ كان اسمها (نوظه) ومعناه من التلألؤ , يعني عقدتها كانت من غرابته مو سوءه .

,, وتعطي الأسماء اول انطباع للي حولهم عند التعرف عليهم ,,

تكون جالس مع اخوياك لالك ولا عليك يجيك خويك معه ولد عمه تقومون تسلمون عليه حظك يخليك الاول يقولك هذا ولد عمي خنيفر !!

ممكن : تقول حياك الله وتسلم عادي ولاتعداك تلتفت وتاشر دليل غرابة الاسم . [IMG]http://msa6el.com/vb/images/smilies/i****.gif[/IMG]
وممكن : ماتمسك نفسك وتفقعها ضحك وتحرجه وتحرج نفسك وتحرج خويك . وممكن :تقول هاه وتخليه يعيده كم مره ولاجلس تصير بثر وتقول وش هالاسم وليه سموك كذا ووش معناه !!

بعد سماع الاسم اول مره بتقول في نفسك هالخنيفر اكيد طعس مع انه ممكن جدن يكون كول ومتحضر وكل شي بس راح غلطه شايب ..

جالس مع الشيّاب ولا يجي ولدك يقول ابشرك يايبه جاني ولد مايمدي الشايب يستانس بالحفيد الا ناط شايبن غثيث يقول طلبتك اسمه يابو فلان .. يقول الشايب جاك .. يقول الغثيث تراه جعيثن

هذا يدل ان الاسماء مثل ماتدل بس على الانسان تدل على اهله من ناحية البيئه والثقافه والحاله النفسيه وقت ولادته ..

كم واحد بعصر سميره توفيق زمان سمى بنته سميره وينطقونها بالكسره بعد

,,و تختلف مفاهيم الناس عند اختيار الاسم حسب عقلياتهم ,,

* نوعيه تهتم بالاسماء الي لها تاريخ , الانبياء والصحابه والصالحين , أو الي اشتهر اكثر اصحابها بالشجاعه او الكرم والقوه .. الخ

مثل الاكثر شيوعا طبعا محمد اسم خير البشر عليه الصلاة والسلام .

واسم عبدالعزيز : الملك عبد العزيز , عبدالعزيز بن باز , عبدالعزيز بن صالح , عبدالعزيز بن فهد .

و اسم متعب : المنتشر بشكل مو صاحي عند ربع الحرس خصوصا عشان متعب بن عبدالله .

ولو مرينا القبايل .. بنقول العتبان واسم تركي عشان تركي بن حميد .

والعجمان واسم راكان عشان راكان بن حثلين .. ولو طلعنا من السعوديه بنقول ثلاث ارباع الاماراتين زايد .

* ونوعيه ثانيه تحرص على المعنى لدرجه تغير نظرتك لكثير من الأسماء الدارجه لو سمعت كلامها .

مثل نفورهم اسم تركي لانه يعني انه من الاتراك ويعتبرونها كانك تسمي ولدك الماني .

واسم بندر لان معناه مدينه ساحليه .. واكيد محد سمى ولده وهو قاصد هالمعنى .

* اما النوعيه الي تدور الغريب او الجديد من الأسماء فهذا دلاله عجيبه على عقول بعض البشر ..

قال تعالى : ( لم نجعل له من قبل سميا ) - مريم 7 - ، قال القرطبي رحمه الله تعالى :

( وفي هذه الآية دليل وشاهد على أن الأسامي الجميلة - جديرة بالأثرة) .

الجديره مو الغريبه والسلام

بعض الناس عنده نظريه اني بسمي اسم محد سماه .. بغض النظر عن المعنى او النطق ويطلع الاسم مدري وش يبي من الحياه !!

تجي تبارك : مبروك ماجاكم يام فلان سمويتوها ولا للحين؟ <- يقالها ماتدري انهم سموها بس عشان بتقول رايها بالاسم .
تقول ام فلان : سميناها جنّار
ترد عليها : وه وش ذا الاسم (تعفج وجهها) كانه جن ونار !!
تقول ام فلان والعيون تلمع كنها جايبه راس كليب : معناه حجر كريم بالفارسي .

انطلاقا من دلاخة بعض الناس نقول انه حبذا يكون الاسم عربي لانه يعتبر من اداب التسميه في الاسلام .

وبشطفه سريعه لعالم النت .. لان التعارف فيه بالعاده يكون بالاسم قبل الشكل ..

تكلمه بالجوال يرحب ويهلي يعني باين انه رجال عليه العلم , تقول وش اسمك ياليوزر الفلاني يقول شادي .. لاشعوريا بتقول افا ليه .. يقولك الضعيّف ان اهله كانوا يسمعون بالتحضّر ..

يعني بعض الأسماء نكبه لراعيها يجيك رجال مشورب ولد حمايل يقولك اسمي هاني !! _ ويرقعها بابوسالم _

ولابنوته كيوت وش زينها تقولها وش اسمك تقول جفره _ وترقعها بجوجو _

هذا والأسامي ببلاش , ولاحظوا اننا نتكلم عن الشباب والعلاقات بالمجتمع بشكل عام لاننا لو ناقشنا المعاناه من البدايه أو دخلنا بمسيرة الدراسه ماتوقع موضوع بيكفي .

* مع ذلك في ناس تكون السبب بشهرة اسمها .. مثل حاتم الطائي .. بسببه صار اسم حاتم دلاله على الكرم رغم ان معناه اسم من اسماء الغراب ..

* وناس ثانيه تكون السبب في قبول اسمها الغير مقبول .. مثل ضيدان بن قضعان .. الاسم مقبول جدا عشان راعيه شاعر شعبيته واسعه .. ومثله فالح بن قشعم .

* وناس تشتهر بسبة اسمها ولا مافي سبب زود يشهرها .. مثل مخرج الاوبريت فالتلفزيون السعودي فطيس بقنه مامر علي اسمه الا مره وللحين عالق براسي .

.........

مخرج ..

مجموعة بنات يسولفون .. انطرح سؤال : وش احلى اسم عندك ؟
كل وحده طلعت باسم .. قالت وحده فيصل .. سألتها صديقتها بخبث : فيه احد معين ولا بس بشكل عام
قالت لا بشكل عام .. قالت : اكييد ؟! .. ردت : إيه ..
قالت : اجل عساك لحادث يافيصل !! .. انفجعت المسكينه وردت بسرعه استغفري لاتدعين علييييه
ضحكوا البنات وصارت هي [IMG]http://msa6el.com/vb/images/smilies/i****.gif[/IMG] .. ان كيدهن عظيم .

.

اسماءكم .. معاناتكم معها .. تاثيرها .. اغرب مامر منها .. ذكرياتكم مع الاسماء .. لكم المايك . .

.

.
.

من اجمل ما قرات وحبيت انقله لكم دمتم بود^_^اشواقي

استاذه مرام · #2 (**permalink**) 05-05-2009, 07:21 AM

فيصل-حسام-مهند-خالد وجميع ماعبد من الأسماء
المطنوخه نقل

المطنوخه · #3 (**permalink**) 05-05-2009, 11:27 AM

اقتباس:

المشاركة الأصلية كتبت بواسطة بلوغ المرام

فيصل-حسام-مهند-خالد وجميع ماعبد من الأسماء
المطنوخه نقل

يسلمك ربي خيتو انت الاروع <<<<بلوغ المرام
نورني الصفحه بمرورك<<<<دمت بود خيتو

حليق الذهن ! · #4 (**permalink**) 05-05-2009, 01:01 PM

اقتباس:

واسم بندر لان معناه مدينه ساحليه

وفي رواية أخرى بِـ لغة الأوردو بندر معناهـ قرد

مرداس نفل الشمري

والله إني ما اعرفه بس الوكاد ان جدهـ توثم في أبوهـ وأبوهـ توثم به

مرداس ونفل كنك داخل هوشة قراوة

مطنوخة وراااه ياكافي مالقيتي غير هـ الموضوع تبين نذب ع العالم

والله ان اميمتي ربي يطول بعمره وده تغير اسمها بقوة وبعنف أبد جدّي ماقصر فيها عطاها إسم أوب صاحي وكل ما قالت ابغيّر ابوي يسلّك لها يقول هذا اسم نوع من أنواع الفرس

<~ أبوك يالترقيع

ومن الأسماء اللي نعتبرها غريبة في مجتمعنا واعرفهم شخصياً واحد اسمه شاطر وغير اسمه الحين لِـ عبدالرحمن اظن وواحد اسمه هندي وغيّر اسمه لِـ مدري وشو وواحد اسمه ذيب بن سويد وغيّر اسمه لِـ عبدالرحمن

عاد فيه بعض الأوادم عليهم أسامي تحسين انهم جن بسم الله علينا

وبعضهم يسموون بأسماء اشياءات حولهم ومثال ذلك من يسمي بنته ~> طاسة <~ ماقد سمعت بس اتوقع فيه

دام انه ايام الدراسة واحد معي في الفصل اسمه شارع

آح يالبى أبوي بس يوم قال انا ابو ناصر :o <~ كل تبن بس

مطنوخة لك المايك بس يبي له كرتون منآديل لزوم التنظيف <~ ماقد اندبج

بـرب

المطنوخه · #5 (**permalink**) 05-05-2009, 02:12 PM

مطنوخة لك المايك بس يبي له كرتون منآديل لزوم التنظيف <~ ماقد اندبج

ههههههههههههههههههه<<<<ضحكتني الله يقطع بليسك

<<<فيس خاينه التعبير

والله الظاهر اخوي <<<ناصر <<اذاني فهمت الموضوع صح

<<انك بتندبج اليوم من قريب

<<<بس لو امك تقرا انك اوب راضي عن اسمها

<<<مدري وش عواقب ذي الدبجه

بس على فكره اللي اسمائهم اوب عاجبتهم ويغيرونها <<<<الناس ماينسون اسمائهم القديمه وينادونهم فيها لين مايموتون بالذات الشيبان مافيه امل يغير والله لوتحلفله

اذكر مره رايحين انا وجدتي نزور مرت خالي بالمستشفى جابيه بنت<<وفرحانين

<<<احلفي برا برا <<<ونسألها وش بتسمونها
قالت انا وابوها مقررين نسميها<<<ليان<<<

جدتي قالت<<<وش ذا اسم ولا مرض

<<< والله ان سميتوها ليان<<اني مانيب مناديتها الا لبان
من جد ذاك اليوم انا ضحكت بشكل <<<بس عمومتن الاسم حلو اوب شين

وبعض الناس يحلون اسمائهم وتحسها حلوه لانهم هم اصحابها

وتلقى واحد اسمه حلو بس تلقاه اسمه يلعنه

المايك للي يجي بعدي تراي معطرته وملمعته

BRB

حليق الذهن ! · #6 (**permalink**) 05-05-2009, 06:25 PM

اقتباس:

بس لو امك تقرا انك اوب راضي عن اسمها

الظآهر انتي اللي بتندبجين يارعاتس الله

وراااه تبين تشعلين الفتنة بيني وبين اميمتي ربي يحفظها ويطول بعمرها بطاعته ورضاه

الحين انا قلت اوب رآضي عن اسمه اقري مرتن ثانية يافتاة العرب قلت هي اللي وده تغير اسمها
الله يرزقني برها ورضاها ياارب العالمين ويرزق الجميع بر والديهم ورضاهم

اقتباس:

الناس ماينسون اسمائهم القديمه وينادونهم فيها لين مايموتون بالذات الشيبان مافيه امل يغير والله لوتحلفله

هماهـ الأمير عبدالله صآر ملك

قسم ان احياناً وبدون شعور أقول الأمير عبدالله ولاحظت ناس كثير اوب بس انا يعني ماوقفت ع الأسامي بس

اقتباس:

جدتي قالت<<<وش ذا اسم ولا مرض<<< والله ان سميتوها ليان<<اني مانيب مناديتها الا لبان

ايه وهي صادزه اللبان ع الأقل معروف بس وشو ليان

<~ ياحبي له يور قراند مذر احسه مثل جدتي

اقتباس:

وتلقى واحد حلو بس تلقاه اسمه يلعنه

ايه ذكرتينن بواحد اسمووه خاسر <~ قسم صدز يالربع أحس كلن يقول الظاهر كل اخوياه اساميهم خايسة

اقتباس:

المايك للي يجي بعدي تراي معطرته وملمعته

بس فيه ريحة <~ لآزال فيه لذعة من جنون البطالة

بـرب

J и ๏̯͡๏ η · #7 (**permalink**) 05-05-2009, 06:29 PM

اقتباس:

المشاركة الأصلية كتبت بواسطة المطنوخه

المايك للي يجي بعدي تراي معطرته وملمعته

BRB

ايش نوع العطر

مجنون عطور أنا <<<<<لا ياشيخ

الحمد لله اسمي يمشي حاله بس صار مشهور كتوقيع فني ومناسب
وان شاء الله لي منه نصيب ( علي ) واوصل أعلى المراتب

حلوة قصة ليان...لبان ذكرتيني بوحده سمت بنتها يارا والعجائز كانوا بينادوها حمارة

أنا حاسس بأنهن لعانه هيك نطقوها..طوالي عافته وغيرته لمدري شو؟؟

هالكلام سامعه من الأهل واضحكني
شكرا على الموضوع ونتمنى لكم أسماء لمنور<<<أقصد اسماء منورة

المايك للي بعدي<<<انتبه حااار قبّضت عليه بأصابعي ^_^

بـــ R ـــب

J и ๏̯͡๏ η · #8 (**permalink**) 05-05-2009, 06:32 PM

اقتباس:

المشاركة الأصلية كتبت بواسطة النمرة غلط

بس فيه ريحة <~ لآزال فيه لذعة من جنون البطالة

بـرب

سووووووووري طامرت عليك

المطنوخه · #9 (**permalink**) 05-05-2009, 10:44 PM

الظآهر انتي اللي بتندبجين يارعاتس الله

وراااه تبين تشعلين الفتنة بيني وبين اميمتي ربي يحفظها ويطول بعمرها بطاعته ورضاه

كني تشرشحت

<<<لالا يتهياء لك كملي بس كملي

هماهـ الأمير عبدالله صآر ملك

قسم ان احياناً وبدون شعور أقول الأمير عبدالله ولاحظت ناس كثير اوب بس انا يعني ماوقفت ع الأسامي بس

ايه والله حتى انا للحين اسمي طريق الامير عبد الله

ايه وهي صادزه اللبان ع الأقل معروف بس وشو ليان

<~ ياحبي له يور قراند مذر احسه مثل جدتي

ياااحوبيلها جدتي ذي احبها الله يطولي بعمرها

ايه ذكرتينن بواحد اسمووه خاسر <~ قسم صدز يالربع أحس كلن يقول الظاهر كل اخوياه اساميهم خايسة

لحظه انت الحين ليه يومنك تحرف بكلامي

اللي كاتبته راجع الاقتباس
على كيفك تعدل فيه<<انا كاتبه تلقى واحد اسمه حلو اوب واحدحلو
تعريف لكلمة يومنك<<=يوم +ان +ك تعود عليك"

بس فيه ريحة <~ لآزال فيه لذعة من جنون البطالة

والله هذا اللي قدرت عليه اذا عندك معقمات للبطاله حاول فيه انت انا مااقدر عليه

المطنوخه · #10 (**permalink**) 05-05-2009, 10:47 PM

اقتباس:

المشاركة الأصلية كتبت بواسطة شبيه نفسه

ايش نوع العطر

مجنون عطور أنا <<<<<لا ياشيخ

الحمد لله اسمي يمشي حاله بس صار مشهور كتوقيع فني ومناسب
وان شاء الله لي منه نصيب ( علي ) واوصل أعلى المراتب

حلوة قصة ليان...لبان ذكرتيني بوحده سمت بنتها يارا والعجائز كانوا بينادوها حمارة

أنا حاسس بأنهن لعانه هيك نطقوها..طوالي عافته وغيرته لمدري شو؟؟

هالكلام سامعه من الأهل واضحكني
شكرا على الموضوع ونتمنى لكم أسماء لمنور<<<أقصد اسماء منورة

المايك للي بعدي<<<انتبه حااار قبّضت عليه بأصابعي ^_^

بـــ R ـــب
[/CENTER]

هههههههههههه عجبتني قصة يارا

<<<<<

نورت خيو شبيه نفسه<<<مانعدم مرورك المميز

المايك لكم لي عوده بعد ماتخلصون منه نهائياً

تسجيل الدخول

ياازين اسمك يافيصل .. !!

إستراحة الأعضـاء

السلام عليكم ورحمة الله يسعد صباحكم .. ويحلي مساكم ..

ياازين اسمك يافيصل .. !!