اخواني ..
no0ory - يوسف العتيبي - نادرر - فهد المهموم - مبرمج الرياض - غسق الحربي

اشكركم من كل قلبي على مساعدتكم لي وتراكم افدوني في اشياء ما كنت منتبه لها .. وانشاء الله كلكم تتوفقون يارب ..

وعلى فكره انا كنت ادخل المقابله وانا مروق مره مو شايل هم شي .. بس بعد مقابله شركه ISE اذا بدخل مقابله اقول لا يجوني مثل ذاك اليوم ههههه 5 بريطانيين محد منهم يتكلم عربي ويغردون انجليزي .. اذا تكلمو تحس انك في فلم اكشن يا شيخ ...
وانا كل ما سألني شي قلت له اما OK ولا YES ههههه حتى حسيت اني اقول في قلبي ( خلاص ما ابي الوظيفه بس طلعوني من هناا )

ع العموم ماني مطول عليكم هرج .. الاخوان الي سألوني عن الشركه اسم الشركه ويبرو لميتد ...

طريقه التقديم عليها قدمت عن طريق موقع Bayt.com وقبل اسبوعين اتصل علي مدير التوظيف من الهند فتح خطهم +44 وسوى لي مقابله مبدئيه .. وخليت اخوي الكبير يكلمه لحس مخه بالانجليزي على انه انا .. حتى واهو يتكلم يصحح له كلمات هههه < بس لا تعلمون احد ...

المويهم واتصل علي هالحين واحد من الرياض وقال تعال الرياض ... المشكله شكله الي في الهند قال لهم هالله هالله تراه مب سهل ذا .. ما يدرون انه ذاك اخوي خخخخخ لول

< كأني كثرت هرج عليكم ...

وعلى فكره شباب الرياض الي يدل مكان الشركه يقول لي ترى من اليوم وانا ابحث في قوقل ... ... ولا ظنتي بحصل ...

والله يا اخوي

بس حبيت أدعيلك واقولك الله يوفقك

الله يوفقك أخوي وتحصل الوظيفة لي تتمناها

تحمست معاك وربي لان دايم عقدتي الانجليزي ومشكلتي اكذب واقولك اني ميه ميه وبعدين انكشف

بشرنا وش سويت لاتنسى ننتظرك

الله يوفقك ويسهل دربك ويرزقك

اخواني ظما الوحدان - نفسي بي وظيفة - هاوي

مشكورين على تفاعلكم معاي .. ووقفتكم معاي ..

طبعاً الحمد لله رحت وسويت المقابله ..

من الاشياء الي صارت لي اني انتظرت عندهم اكثر من ساعه .. بس هالشي كان من صالحي اني تكيفت على الجوو وهديت شوي ..

في المقابله .. قابلت الشخص الي كلمني بالجوال ^_^ ..

سألني عدت اساله .. منها

اول شي اخذ السيره الذاتيه وبدأ يقرأ فيها ..

وبعدين بدأ يسأل عن المؤهلات .. وماهي درجتها العمليه .. دبلوم او باكلوريوس .. وكم مدتها ..

ويسأل عن الدورات ...

سألني وش تعرف عن شركه ويبرو .. وهل تتمنى تشتغل عندنا ووش الاشياء الي جذبتك ..

وبين السؤال والسؤال يشرح لي عن الشركه ومجالتها ..

طبعاً الي سوى المقابله هندي .. والحمد لله كان متفهم فحاول يتكلم انجليزي واظح ويبسط علي الاسئله بحيث اني افهم وش السؤال من تعابير وجهه < اي مهلي ..

ومن الاسئله الي قالها .. قال لي كل ما وظفنا واحد سعودي يبقى عندنا كم شهر ويطلع .. كم تتوقع انت تقعد عندنا ..

ههههههههههه

وشرح لي الوظيفه ونظام العمل عندهم ومقر العمل .... المهم سالفه طويله ؟؟؟


اخر شي حسيت انه بيقول لي خلاص قبلتك فرحان .. واخر سؤال قال كم تتوقع الراتب ...

قلت له اتوقع اساسي بين الـ 4000 والـ 5000 هههه يوم قلت له كذا حسيت تغيرت الوانه قال خلاص لازم اشاور السوبر فايزر والمدير وانشاء الله نرد لك خبر يوم الاحد ...


تحياتي