05-05-2009, 07:50 PM
|
عضو متواصل
|
|
تاريخ التسجيل: Apr 2009
المشاركات: 43
معدل تقييم المستوى: 32
|
|
بنك الراجحي
من البريد :
السلام عليكم ورحمة الله ...
أخي الكريم بارقة اتمنى منك تفضلا نشر معاناتنا مع بنك الراجحي ليعرف الناس الجرم الذي يقع لنا نحن السعوديين من قبل بعض مخلوقاته بمساندة من تجارنا ..
"اسعد الله اوقاتكم بكل خير
اخواني الكرام
انا اعمل في بنك الراجحي منذ 9 سنوات في قسم تقنية المعلومات في الادارة العامة الي في العليا في العقارية
والي ماسك الادارة اردني وقسم بالله ما درا وين كوعه من بوعه....
وراتبه فوق 150 الف.....
ونائبه مصري(احساسي يقول ان عنده انفصام في الشخصية او ان حرمته ذالته في البيت ويجي يعوض عن شخصيته في
البنك)
وموظفين اجانب في الادارة بالهبل والله ما تتعدى نسبة السعوديين فيها 10%
وكل ما جا سعودي يتوظف تحججو بإن التوظيف مقفل...
واخرها قبل امس(الاحد) وظف 3 اردنيين برواتب اساسية 10000 ريال من غير البدلات وووو.....
والمشكلة انهم ما يفهمون وش تقنية المعلومات....
والسعوديين قسمبالله لو تدرون عن علاواتنا تضحكون علينا.....
العام اكثر واحد اخذ 150 ريال واقل واحد اخذ 17 ريال......والله على ما اقول شهيد..
بينما الادارات الاخرى الي كلها اجانب اخذو ما لا يقل عن 3 الاف ريال كل واحد وتم توزيع ارباح وصلت إلى 5
رواتب كاملة وليست اساسية....
والسنة هذي حصلنا على تقريبا على 300 ريال كرضوة وتعويض عن السنة الماضية......
واما الادرات العليا فحدث ولا حرج.....
كل ستة اشهر يتم توزيع ارباح عليهم والواحد راتبه ما يقل عن 150 الف....
وقبل فترة بسيطة جايبين واحد استرالي راتبه 500000 (خمسمائة الف ريال) والله العظيم ماغير يدور في المكاتب
بكوب القهوة إلى الظهر ويحط رجله علي البيت....
وموظف اخر هندي الجنسية نهاية 2008 اخذ 3 ملايين ريال كأرباح على الجهود الي بذلها للبنك !!!!!!
وكان مدير التوظيف (بنقالي) واسمه رومي موظف بنجلاديش كلهم في قسم مراقبة الفروع
فيه قصة بقولها وانشالله انكم تصدقوني لان هذا الواقع ويعلم الله ان صحيحة 100 في 100
كان فيه بنقالي وظيفته ينظف المكاتب ودورات المياه (اجلكم الله) كان يروح يجب لي لفطور كل صباح وكان يمون على رومي مدير شؤون التوظيف.....
قسمبالله ما كمل البنقالي 7 شهوري إلا وهو شغال (teller) في فرع من فروع الراجحي في المدينة المنورة....!!!
كيف صارت والله مدري.
واما بالنسبة للقسم الي انا اشتغل فيه فعددنا 15......
والله مافيه احد يتكلم عربي....
كلهم هنود وباكستانية...
والله شوي وانسى العربية....
واقل راتب فيهم 6500 وطالع...؟؟
وكلهم فنيين وليس مهندسين...
وين السعودة الي ازعجونا فيها.؟؟؟؟؟؟
وين الجولات التفتتيشية الي تشفي الغليل.؟؟؟
واخيرا اقول حسبي الله عليك يا غازي وجعل الله ذنب كل شاب سعودي عاطل او مضطهد في عمله في عنقك يوم القيامة...
واخيرا اعتذر عن الاطالة ولكن والله العظيم مما يدور في قلبي من هم وغم عن اوضاعنا كسعوديين في بلد الخير والعطاء"
اتمنى نقل في القسم المخصص
|
العرض الشجري
