بسم الله الرحمن الرحيم


السلام عليكم ورحمة الله

عندي فكرة مشروع بس ومطلوبة في السوق بشكل كبير جداً

الفكرة هي // مكتب لتصميم وتركيب الشبكات سواء للأفراد أو المؤسسات و الشركات

طبعاً المشروع هذا يبغاله مهندسيين و فنيين بأعلى المستويات و بخبرات عالية

وهذا ما يجعل المشروع تنفيذه صعب


ولكن الحمد لله عندي الخبرة أنا وأحد الأصدقاء الي تكفي لتصميم و إنشاء شبكة و حل مشاكلها ..
ومجربينها في أكثر من موقع .. وكانت النتائج و الحمد لله ممتازة .

ولكن مشكلتنا كانت في طول وقت التركيب لأنه شخصين فعلا ما يكفي لشركات أو مؤسسات ..!!

لأنه عندك توصيل و تركيب و اختبارات و و و


نصائحكم تهمني كثيــر

وأبي رأيكم في المشروع من جميع النواحي ..

الفكرة بشكل عام .. السلبيـات و المعوقات الي ممكن تواجهني .. و و و ..


تحياتي ..،،

اهلا اخي المشروع جيد ومثل ماقلت يبغاله مهندسين وخبرة
فالحمدالله موجودة الخبرة مثل ماقلت وهذا اساس المشروع
ثانيا العمالة اما انك تاتي بعمالة لديها خبرة وسوف يكلفك الكثير خاصة الرواتب واما تاتي بعمالة وتدربهم بنفسك .
المعوقات يمكن ان تكون العمالة السلبيات هذه تتكتشفها بنفسك لانك انت الذي لديك الخبرة في هذا المجال.
وتقبل تحياتي
السلاطين

والله مشروع جدا جميل وانا لي فتره افكر به بس على وقولك مافي مهندسيين و فنيين
بس اذا تباني اكون معك شريك انا مستعد لي خبره في المنتديات

بالتوفيق يالغالي

بسم الله الرحمن الرحيم

ر السلاطين ر << هلا بك يالغلا وهذه هي المشكلة الي أنا خايف منها .. لكن الله يسهلها

هتان الليل << يوفقك الله الجميع

لا والله ماعندي خبره في شبكات وربي يوفقكم في مشروعكم وانا من مكه

السلام عليكم

اخوي .. فكره رائعه جداً .. انا فكرت في هالفكره قبل فتره وكنت على وشك التنفيذ ولـكن نقصني عضيد .. او شريك يكون يساعدني في الفكره والعمل ...

وكنت بآخذ قرض من ( عبداللطيف جميل للمشاريع الصغيره ) او من ( البنك الاهلي ) ..

طبعاً الايجابيات للمشروع كثيره ... والسلبيات قليله ... ولكن تحتاج إلى عزيمه قويه وتبدأ تباشر العمل ...

من الايجابيات .. ان حالياً الشركات الي تعمل شبكات للشركات الي موجوده في السوق حالياً هم شركات كبيره مثل ( الجريسي ) و ( BTC شركه بعد ) وهم يتعاملون مع القطاعات الحكوميه والشركات الكبيره جداً ... وتكاليف اتعابهم كبيره جداً ...

فلذالك الشركات المؤسسات الصغيره دائماً تلجئ لمحلات الحاسب لعمل شبكات لهم لقله التكلفه .. ولكن يواجهون كثره مشاكل في العمل لانهم غير مختصون .. والسوق ينتظر مثل هذا المشروع .

ومن الايجابيات .. انك تقدر توسع نطاق عملك ( والبزنس بتاعك ) وتزيد عدد السلع في مشروع حسب متطلبات السوق بأقل تكاليف .. وفي حال نجاح المشروه بيكون ناجح قوي وفي حال فشله لا سمح الله بيكون فشل بسيط بالنسبه للماده ..

طبعاً الحديث يطول ..

هذه وجه نظر بسيطه ...

تحياتي
عاطل

السلام عليكم

اسال الله لكم التوفيق ......

وللزيادة لا يمنع انكم تدرسوا السيسكو فهي جيدة وهي الاساس الذي اره سليم في نظري

والله يوفقكم المشروع فعلا حيوي ومطلوب كثيرا سواء علي نطاق الافراد او المؤسسات او الشركات وايضا القطاعات الحكومية .........

اسال الله لكم التوفيق جميعا