السلام عليكم ورحمة الله وبركاته
ام بعد ..........
انا راح اكتبلكم قصتي وابي اعرف اذا لي حق انو اشتكي او لي حق على الاقل انو اطالب براتبي المتاخر
انا توظفت في مدرسة اهلية من شهر 11 و كانت الوظيفة انو مدخلة بينات فقط قبلت بالوظيفة من جد
المهم اول ماجيت كانت المعاملة جدا راقية لابعد الحدود بعد شهرين بالظبط شفت موظفة جديدة
عادي انوو قلت نقص او احتياج بمعنى انو انا ملي شغل الابشغلي
في يوم من الايام اتفاجأ بانو مديرتي تدخل على بمكتبي وتقول انو ماراح يقبلونك بالوظيفة هذي لانهم لازم تكون معها دبلوم حاسب وانت بس كورس فعشان كذا راح اغير مسماك الوظيفي لمشرفة نشاط (ولو تشوفون تعابير الوجة كيف والحماس والتلوي يمين ويسار وانا ماودي اخسرك ومن ذا الحكي ) لاحضو قالت فقط مسمى قلت انا مافهم بالنشاط قالت فقط مسمى وانو معلمة الحاسب ماخذة اجازة فابيك تمسكين تدريس الحاسب بس شهر او شهر ونصوانو الترم راح يخلص( لاحضو مسمى وتدريس لمدة وانا معي كورس شهرين فقط ) قلت اوكي بس اهم شي يابنت لاتخسرين الوظيفة بعدها بيومين الاقي الموظفة جاية وجالسة في مكتبي تعجبت بس ماقلت شي قلت يمكن تبي تجلس شوي وتطلع معلمات عن الموظفة الجديدة ثانوية عامة ودبلوم انجلييزي مو حاسب (يعني كانت تكذب علي ولو الموظفة ماقلت كان انا لسى بعدني مصدقة وكيف دريت اسولف انا والبنت واقوله انتي ثانوي اللي هي نطت مثل ابليس وقال ليش معك دبلوم حاسب ودبلوم انجليزي ومدري ايش كمان عشان تغطي قدامي ) والراتب 2200 وانها كانت من السنة اللي فاتت موجودة بس اخذت اجازة وهذا كلة نصب لانو ماكانت ناوية ترجع بتشوف وضع زواجها يمشي او لا وازيدكم من الشعر بيت لانها بنت الموجه حق المدرسة يعني مصلحة وبقوة ) وانا بكالرويوس ومعي كورسات انجليزي حاسب وقايمة بشغل موظفتين وراتبي كان 2000
المهم طول اليوم البنت جالسة عندي بعدين تفاجأة من المعلمات يقولون لي انتي ايش شغلتك هنا
بما انة الموظفة فلانة جت صعقت قلت ايش الموضوع رحت ودخلت عند المديرة سالتها ايش كان ردها انتي لاتحطي اذانيك للناس وتسمعين هذا اولاً وثانياً معقولة اخليك مضغوطة بتدريس ونشاط وادخال بينات وفية موظفة ثانية فاضية هذا مو عدل وبعدين هذا الشغل موقت فقط بس ترجع معلمة الحاسب برجعك زي ماكنتي قلت يالله مو مشكلة اعطت شغل ادخال البيانات للموظفة الجديدة وانا نصاب حصصي 18 مع النشاط يعني ضغظ غير طبيعي اللي يفهم بالتعليم راح يعرف او انا مضغوطة مشيتها الترم الاول
جاء الترم الثاني على نفس الموال معلمة ومشرفة بعدها بشهر لاحضو لسى ماخذت موافقة من مكتب الاشراف جيت وقلت ياستاذة فلانة انا حابة يكون لي موافقة عشان نهاية السنة اخذ خبرة فلازم ادور على مسمى ثاني لتصير لي الموافقة قالت طيب اشوف بثلاثة ايام حطت لي ثلاث مسميات معلمة حاسب وبعدين مساعدة معلمة لرياض اطفال مع انو هذا تخصصي وبعدين قالت مسؤلة غرفة مصادر يالله خذي اوراقك وروحي للمكتب الرئيسي وصلحيها ان بنفسك قلت طيب رحت وحست والاخر قالو مانقبل واخذوا اوراقي
رجعت وقلت لها قالت يبيلك قراية واستمريت على عمل معلمة حاسب وفالنهاية كنت موظفة بمسمى اخرى بعدين جات قبل امس تقول تم الاستغناء عنك لانو مالك موفقة طيب فية ناس مالهم موافهة ومستمرين وفية اجنبيات ليش انا وايش المشكلة طيب اكمل باقي الشهر قالت صاحب المدرسة مصر انك تطلعين وانو ماعندي رواتب
ولا وماسلموني راتبي حق الشهر اللي فات انو ماعندة
فهل يحق لي ان اشتكي ولمين مع انو باقي على الترم شهر ونص وتخلص السنة وهل يحسب لس سنة خبرة من شهر 11 الشهر 5 ياليت تفيدوني
ويحق لي التامين

وعليكم السلام ..

اختي الكريمة ..ثقي تمام الثقة بأن حقك لن يضيع ابدا ..

ثقي بالله اولا واخرا ..وتوكلي عليه ..

الموضوع بكل بساطه "استغلال وخداع "من شخص واحد

وهي المديره المحترمة!!!

ولا اعتقد بأن مالك المدرسة على علم بما يدور في الداخل ؟؟؟

الشيءالوحيد الذي يصله من داخل المدرسة هو" المال "

يجب عليك الاتصال بادارة التعليم ..وتوضيح المشكلة ..والاتصال بمالك

المدرسة وشرح الموضوع ..وهو بدوره يأمر" العاملة" في ملكه بأخذ حقك

واعطائك شهادة خبرة ..

واذا لم تفلح هذه الحلول ..للحديث بقية !!!

عليكي ان تكوني قوية وشجاعة عند المطالبة بحقك ..

اسال الله لك وللجميع الفرج القريب ..

جزاك الله الف خيررررررر
بس تتوقعين انو لو شكيت لوزارة العمل راح يوقفون معي مع انو اعرف انو النظام لم تبغي تتفصلي واحد من الشغل لازم تبلغية قبلها باسبوع صح او انا على غلط

في مايثبت عملك لديهم؟
مثلا عقد؟

الله يعينك ويفرج همك
مدام في ناس زي كده الدولة عمرها ماراح وانسوا الوظائف الاتبونها

تتطور

للأسف انو مافية عقد واضح وصريح
والعقد الواضح يكون بعد الموافقة من قبل مكتب التوجيه
بس هي كانت تماطل فيني من ركن لركن

حسبي الله عليها لو اقول قصتي انا كان تحمدين ربك لا و الوظيفه اللي انا فيها في مركز مرموق مركز له اسمه بالمام تبع وحدة من الاميرات وأخرتها قالت لي المديرة بنعيد هيكلة الإدارة وأنتي تطلعين وأنا ما أخذت ولى ريااااااال ولى ريال وش تقولين <<المشكله ودي اشتكي بس وين واللي جاو بعدي ترسمو عقد رسمي مو تدريب ..........آآآه بس
على العموم بيجي يوم بكتب القصه و تقريها نتي وغيرك وتحكمين

والله الظلم من جد وين القصيبي اللي يقول توظفوويشجع على هذي الوظايف ووين وزارة العمل عنا وين حقوق الانسان وين ووين ووين من جد صار عندي ردة فعل قوية من ناحية الوظايف وسببو لي اكتئاب شديد
يعني عشان المديرة من الحكومة وان الموجهة من الحكومة وتخلي الوسطات والمصلحة هي اللي تمشي حسبي الله ونعم الكيل
يصير اشتكي لحقوق الانسان
من جد فيني حرة قوية ومقهورة بقوة
ياليت من يقدر يوصل معناتي لوزارة العمل والعمال او حقوق الانسان مايبخل على واكون شاكرة وكسب فيني اجر كبير

وين الردود ياناس 62 مشاهدة و7 ردود فقط