من مشاهداتي على أرض الواقع من خلال قريباتي وزميلاتي ...الخ ، مافيه واحد عدد (أي تزوّج بالثانية) إلا راح فيها وندم على ماضيه السعيد اللي كان فيه ، والله لو يدرون الرجال باللي تكيد به الحرمه لزوجها المعدد مافكّروا بالتعدد..



مصيبة أغلب الرجال إنه يبي يعدد وبس ، لكن مو داري ولا مدرك باللي المفروض يكون يقوم به في المستقبل من حقوق وواجبات .

حسب ماسمعت وشاهدت أنه كثير من الأبناء و البنات المنحرفين سلوكيّاً واللي عليهم مشاكل كثير ، آبائهم معددين إلا مارحم ربي..

ليه ؟ تعتقدون ماهو السبب؟

1-لأن الأب اللي أوّل كان فاضي لتوجيه أبنائه وتربيتهم الحين (بعد التعدد) صار مو فاضي غير يفك الهوشات بين الحريم ، وكل يوم وهو يحضّر نفسه لتحقيق مجلس الأمن القومي (أم العيال (1) وأم العيال(2)) ، وأماأبنائه فالله يرحم حالهم ، من كثر مشاكل أمهم وأبوهم صاروا يدورون برا البيت من يحتويهم في الشارع أو النت أو غيرها.

2-الأم اللي زوجها معدد (سواء كانت هي الأولى أو الثانية) أيضاً مشغولة بمشاكلها مع زوجها وكل تفكيرها مراقبة زوجها خاصّة ً عاد لو كانت الزوجة الأخرى معها بنفس البيت أوساكنة ببيت قريب منها .

يعني اللي يبي يعدد يفكّر مليون ألف مرّه قبل لايقدم على هالمشروع الجرئ واللي بظنّي فيه مخاطرة كبيرة ،وخاصة على الأبناء .