الله يجزاكم الف خير

قدمت عليهااا من زمان ولا احد دق علي ؟؟

جزاك الله خير

يعطيك العافية

مسجله من وين وللحين ماطلبوني

شكله تصريف منهم

ياسبدي سبدهـأ حتاء بنات بطالهـ هههههههوع

الله يرزقكم كل البنات كثر شعر روسهم << معرف حمد تراء

ايه مشكورين علي الخبر

السلام عليكم

بنااااااات اذا احد موجود ...هل لسّا باقي تقديم ؟؟

انا ادق من الصبح عليهم محد يرد علّي ...تكفون احد يدق من عنده ويجرب ويرد لي خبر

الله يجزاكم خير

واكيد مو في مكة لان مكة ماااااافيها او خااااااااااااااااااااااليه من الوظااااااائف النساااااااائية

بسم الله الرحمن الرحيم

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين

شوفي خواتي
أنا من أسبوع إلي فات وناوية أدخل والله اول ما رجعت من المقابلة
بس طلعت عندي مقابلة للماستر وإنشغلت

أحين فضيت لكم

1- شوفوا بالنسبة للتقديم على الموقع ضروري وإلى الآن وما ينتهي لان الموقع مفتوح على طول

فإلي ما سجلوا يسجلون ألحين

2- إلي تبي تتاكد تقدر تروح لهم زي ما سويت لأني رحت لهم وحطت إسمي في ورقة عندها ورقمهي بعدي وتخصصي وأحس كأن إلي في الورقة لأهم الأولوية ..........مجرد إحساس
ووصفهم ما يضيع
في الشمال قبال البنك الفرنسي على طول وأرقوا شوي تلقون الوصف واضعته واحدة من الخوات الله يجزاها خير وتراه ما يضيع أنا أول مرة أروح ولا ضيعنا

3- لو تبون الرقم هذا هو دقوا وإستفسروا2790804

4- تجربتي بإختصار توكلت على الله وحت
في أشياء كثيرة وجعت قلبي اكثر ماهو موجوع
* اول شي الموظفات مستهترات والمكاتب نصها فاضية ولا عندس إلى يمكن 3 على المكتب
اول واحدة قابلتها قالت لي وظيفة مدربة في مركز شمال الرياض الراتب 3000 مع العلم إنه شفتين والحي في النوهة يعني العليا موب أي حي
تصدقون محل في العليا شفتين ب3000
ومركز على طريق إسكان الخرج وشفتين والراتب4000

*الشي الثاني قلت لها أتوظف في اهلية على شفت وراتب وخبرة والله أحسن وأنا تربوية خبرتهم بتنفعني
قالت ذا الموجود
قلت طيب لو سمحتي ممكن مرة ثانية تدقون علينا ولا تمشورونا حرام انا من سكان جنوب الرياض وأنتم في قريح
سكتت
قلت طيب ممكن الرقم وعطتنياه
وبغيت امشي

* للامانة كان تقابلهم معنا زين وأسلوبهم راقي موب زي بعض الدواير الحكومية

*توني بمشي وتدخل واحدة وتقول لها نفس الكلام إلي قالته لي وإعتذرت زيي وقبل ماتمشي قامت واحدة من ورى وقالت لو سمحتي حاسب ممتاز أو جيد جدا ممرتفع قالت إيه قالت تعالي هنا
يعني عشان صوتي واطي بغيت اطلع وتضيع علي المقابلة
خير إن شاء الله موظفات في نفس المكتب ولا تعرفون الوظايف الموجودة بالظبط خير
كل واحدة معلوماتها ناقصة
المهم رجعت وقلت انا بعد حاسب جيد جدا مرتفع
قالت تعالي وعكتني كرت وقالت إستني المقابلة الساعة عشر 10 وأبي معلومات أكثر ولا فيه امل تقول الكلام من فمها عليه جمرك يعني هم والزمن علينا
المهم إستنيت لين الساعة 10 وجابوا البنات تقريبا فوق ال20 والوظايف فقط 8 والباقي جاي المهم

*لمى دخلنا قالوا بنعلمكم كيف تسون مقابلة بعدين نعرض الوظايف حسبتهم بيشرحون لنا بيوظحون لنا بيكلفون انفسهم يعطونا نماذج لاكني تفاجأت إنهم ولعوا فيديو في نموذج مقابلة مع واحد شاب شلكهم مشلحينها من فرع الأولاد ولعوه لنا وكانت عادية جدا ولا فيه معلومات زيادة يعني لو فاتحة قوقل وسألته يمكن أفضل وبعدين أضافت كلمتين لا تقدم ولا تأخر

*المصيبة عاد في الوظايف يعني اغلب الشركات زي العادة طالبه خبرة وطالب تخصصات معينةزي الإعلانات إلي في الجرايد
لا والله الجرايد أحسن الجرايد يقولون كم عدد سنين الخبرة وش التخصصات الخاصة المطلوبة وكل شياما ذولي وحاطين جدول وفيه الوظايف وإذا فيه إختلاط او لا وإذا فيه شفتين او لا وفيه خبرة والتخصص المطلوب
بس المشكلة أغلب إلى جو موب على نفس التخصصولمى قلنا لهم يكفي حاسب بس وإلى لازم التخصصات الخاصة قالوا ما ندريأجل من يدري إنتم روحوا المقابلة وقولوا للشركة الله وكبر نروح على عمانا
وكما حتى الخبرة ما قالوا إذا الخبرة لازم في نفس مجال العمل او لا وكم سنة المشكلة كل الوظايف كبيرة رئيسة قسم تحليل نظم .......رئيسة قسم توثيق..........آلخ............يعني موب سهلةقالوا ما ندري روحوا وظحوا لهم
يعني والله ذا الشركات إن تحرم تروح لهم
لو منزلين إعلان في جريدة الرياض تفصيلي كان موظفين من الإسبوع الماضي وخالصين
المهم

* أغلب البنات أعتذروا لأن فيه وظيفة تطلب إختلاط وهم ما يقدرون ووظايف تبي شفتين صبح وعصر وذا صعب بعد

*الخلاصة 5 وظايف شفت وبدون إختلاط بس المكان وينالراتب كمطبيعة العمل إسم فقط وقالوا إبحثوا عن الإسم في النت ودوراحتى إسم الشركة عيوا قالوا بتسون زحمة وبتزعجونهمحسبي الله ونعم الوكيل وبس

المهم انا أخترت لي 3 وظايف
وقدمتها لهم من باب فعل الأسباب
ولا أنا لاعندي خبرة ولا شي
حتى التخصص الخاص موب عندي
انا متخرجة من كلية تربية بكالوريوس حاسب فقط
يعني اغلب الشركات ما ترغبنا إلى بدورات او خبرة او دبلون بعد البكالوريوس
بش قلت بروح والرزق بيد الله خصوصاً إني شفت كثير رجعوا ورجعوا الأوراق ولا بغوا يروحون
هذا خلاصة تجربتي

ودمت بود

السلام عليكم ورحمة الله وبركاته

على فكرة مشاركتي موب عشان أسقط يأسي عليكم
لا والله
ولاكن من إستيائي من إلي حصل كنت متوقعة الكثير
متوقعة ناس قاعدة على المكاتب تشتغل بذمة وضمير وتراعي الله وتخافه بعد وتحاول تعمل ختر تقلل من المشكلة
موب كعب وشياكة وشاي وقهوة وضحك في الغرفة وإنا منلطعين


كنت متوقعة تفاعل اكثر يعني أرقامنا وإيميلاتنا عندهم ليه ما واصلوا معنا أفضل من الجية على ما ميش

طيب صعب يرسلون عى الإيميل

صعب يكلمون على الجوال


يكتبون في الرسالة راجعوا الموقع


وعلى الموقع يعطون بيانات تفصيلية أكثر

احين حتى الشركت تضع أرقام للإستفسار

وذولي زي الأطرش في الزفة ما عندهم خبر

كل ما سألنا هزوا الروس تقول هنود

طيب جيبوا مندوبة من الشركة توظح لنا يومكم ما عندكم وقت للإستفسار

او أتصلوا وخذوا المعلومات لأنها مهمة

تدرون لو الخبرة لازمة أو التخصص الدقيق مطلوب بتصير روحتي على ما ميش

يعني تي تي تي تي زي ما رحتي جيتي

بس في النهاية موب لازم إستهتار مثل هذه الدواير الحكومية يحبطنا أز يقلل من عزيمتنا لان ما لنا إلى الله سبحانه وتعالى ثم الدعاء والمحاولة والسعي

والله هم أسباب بس وكل شي بيد الباري أنا بروح واتوكل على الله حتى أثبت لهم غنا المشكلة موب فينا

بل فيهم