مرحبا ادري بدري بس والله من بعد السالفه وفيني تحطيم كبير
بصراحه انا انلخمت اكثر من من ماانا ماعرفت
عموما مثل ماقالت اختي شهوده الجو بصراحه يخوف هناك
وانا بعد من النوع اللي يستحي والله وماحب الاختلاط بذا الشكل
وحتى انا قالت لي تدربي شهر وارجعي لنا اختبري مرا ثانيه لاننا محتاجين
اداره اعمال بس شكلي ماراح اروح ماحس الجو عاجبني ابدا وبعد سالفة
المصري ذا حق شهووده اشك بقووه ههههههههههههههه اني ارجع

واخوي عاطل كويس الحمدلله عديت على 56 مشاالله حلو والله
وان شاالله يدقون عليك ويمشي حالك فيها وينكتب لك الخير يارب

اهم شي احد يعرف معهد انجليزي كويس ابي اللي يدرسون اجانب
مو عرب عشان اطلع بشي بصراحه مو اخسر على الفاضي

بانتظاركم

الله يعينكم
ويوفقكم جميعا
وعلى فكره انا كلموني مستشفى الحرس وقالو تعال اختبر
ماندري وش يصير ومابعد فضيت احدد معهم موعد
اللي اعرف ان اغلب المصطلحات طبيه اذا انا ماني غلطان؟
وحنا بالمصطلحات الطبية ميح
بس عندنا اختنا heavenmoon ماتقصر شكلي بجيبها انتداب من جده تختبر عني ونتقاسم الراتب انا وياها هههه
يعطيها العافية

دمتم بخير

اللة يوفقك

يالربع والله انا اعمل بشركة مبرمج حاسب الي ولكن اتصل بي مستشفى الحرس وقال عندك اختبار لغه انجليزيه تجي وقلت طيب بس يمكن ماقدر اجي الا بعد اسبوع المهم
اني كنت افكر بيحطوني مبرمج عندهم والي فهمته من الاخوان والخوات انهم بيحطوني علي اي شي مو لزم تخصصي والله لو يعطوني خمسين الف ويقولون لي تعال سكرتير مارحة وش هاذا لا عاد ولمصري لا عاد ونصاب يعني رقعها
اخواني اخواتي اريد معلومات وافيه وكافيه لاني والله العضيم بالعليا ودوام شركة مايخبي عليكم والمستشقي في اخر الدنيا فا الي عنده معلومه عنهم يفيدني والله يجزاه عني الف خير
اخوكم واصل عزيز

السلام عليكم
فعلا ان الناس تشكك الواحد في كل شيء حرام عليك ياعاطل ينتظر الديوان والله العظيم خمس سنوات وانا اشتغل عندهم ماشفت الي تقول عنه والي في حاله ولاهي بعمله ماحد يجي صوبه اما الي رايحه تلعب وتضيع وقت طبعا بتلاقي اشكال والوان وبعدين قسم التوظيف مافيهم وحده بالمواصفات الي ذكرت بالعكس كلهم منقبات حتى في مكاتبهم والباب مسكر عليهم
على فكره انا فصلت قبل سنتين لظروف عائليه ولآن ولظروف ماديه صعبه جدا أمر بها اضطريت للعوده لهم ورواتبهم روعه والوظائف على حسب التخصص (الا فيه ناس اذكرهم توظفو مترجمات مع انهم رياض اطفال ومن جنب الانجليزي فما بالك مترجمه بس طبعا معاها واسطه قويه) بس زي مافيه ناس زباله فيه ناس شيوخ سواء رجال او نساء بالرغم من الاختلاط الا ان المحترم يحترمه الجميع والصايع صايع سواء في الوظيفه او في البيت او في الشارع يعني المحترم والي يخاف الله ماينخاف عليه سواء رجل او امرأه لكن يجب الحذر من معاملة البعض بنية طيبه

اقول هذا الكلام عن تجربه وخبره وتبرءة لذمتي

يا شمس الله يريحك زي ماريحتيني ...أنا الكلام اللي سمعته جاب لي اكتئاب يعني الوحده شتسوي بعمره ترى احنا مو زي قبل الرجال اللي اهو يصرف على البيت ألحين الوضع اختلف والبنت صارت عليها مسؤليه حالها حال الشاب لأنه في الأسر الابن يتزوج ومع السلامة والبنت تقعد اهي الللي تصرف على البيت في كثيــــــــــــــــر من الحالات ...يعني ياناااس اتقوا الله مو كل ماشفتوا بنت تشتغل في مكان مختلط أسأتوا فيها الظن ليش كذا ..معقوله هذا اللي تعبرونه تدين ؟ أأنا ما أتكلم عن ناس معينين هنا بس بصراحة من مناقشاتي مع البنات الله يهديهم يخلوني أستحي أقول اني أشتغلت في الشركة الفلانيه لأنهم ماخذين عنها انها اختلاط ولعب وعلى كلامهم "مافيه بنت محترمه" تشتغل مع شباب ومن محاضراتهم أين الحياء و ...ولا لما يجي الشاب ويسمح لنفسه يتعدى حدود الأدب في الكلام مع الفتاه بحجة انها خلاص وحده تشتغل مع شباب كل شئ عادي ..ليش كذا ؟ انتوا اللي تطالبون بأن المرأه ماتختلط ولا تشتغل ...والله لو لقت المرأه من يصرف عليها ويحسن لها ويؤدي واجباته الشرعيه في النفقة وحسن المعشر ماكان اهي اضطرت تطلع برا وتشتغل وتصرف وتدفع فواتير
أنا شخصيا أشتغلت في احدى الشركات صحيح انه البنات كانوا أشكال وألوان حالهم حال الشباب يعني تلقى المؤدبه وتلقى وتلقى ...وبعدين في هالشركه كانت تشتغل معي وحده منقبه ومو بس نقاب اللي يخليك تحترمها ..لأ والله انها محترمة ومتدينة وخلوقه ...يعني ليش التعميــــــــم .
وزي ماقالت الأخت شمس ..الفاسد فاسد سواء بختلاط أو بدونه..
بس كل اللي أتمناه انه نبطل اطلاق أحكام على بعض وكأنك انت ياللي تحكم ملاك وماعندك أخطاء...

انا ماتكلمت عن القسم يااخت ولا تكلمت عن شغل المراه في المستشفى ولا قلت حرام كلامي واضح انا دخلت مكتب مدري والله وش هو بس عشان اسئل واستفسر فلقيت الي قلت لكم عليه وماقلت كل الموظفين او الموظفات بهذه الحاله وياعزيزتي انا خالي بالمستشفى دكتور واروح واجي دايم للمستشفى والاقي من هذي الاشكال الزباله بمعنى الكلمه لكن ماعممت ولكي كل الشكر والاحترام

يااااه ذكرتوني ,, ياكثر مااختبرت ولا مره عديت النسبه 65 %

بس صراحة اختبارهم كان مررررررره صعب كلها مصطلحات طبيه و صعبه ..

مع اني اتمنى اتوظف عندهم .. بس شرطهم بالنسبه مره ماله داعي لو ينزلونها شوي احسن .. مع ان مؤهلاتي جدا رائعه بس وش نقول نصيب

كل مكان عمل .. فيه الطالح والصالح .. والمحترم والسي .. وانصح البنت اللي ماتبغى احد يدوس لها ع طرف .. تكون مره رسميه مع الرجال .. عشان تقدر تمشي بوظيفتها .. صدقوني حتى هم راح يحترمونها ولا ممكن يغلطون عليها ..

وبالتوفيييييييق للجميع